Agarsiini Egzibiishinii Seektarootaa Naannoo Oromiyaa Gaggeeffame.

Bitootessa 25, 2017

Agarsiisa Egzibiishinii Hojiilee waggoottan 6n darbanii as gaggeeffamaa jiru irratti Inistiitiyuutiin Leenjii fi Qorannoo Seeraa Oromiyaa (ILQSO)n Hojiilee ijoo hojjachaa jiru agarsiisaa jira.

Inistiitiyuutiin Leenjii fi Qorannoo Seeraa Oromiyaa Agarsiisa Egzibiishinii Hojiilee Seektaroota Naannoo Oromiyaa Biiroo kominikeeshinii Oromiyaatiin qophaa'ee Giddugala Aadaa Oromootti gaggeeffamaa jiru irratti hirmaachuun hojiilee Inistiitiyuutichaa daawwachiisaa jira.

Agarsiisicha irrattis, raawwii hojiilee gurguddoo Inistiitiyuutichaa bifa maxxansaa, Suuraa fi suursagaleen qindeessuun, akkasumas fooyya'iinsa sirna haqaa milkeessuuf hojiileen gama leenjii fi qorannootiin hojjatamandaawwatamaa jiru.

Daawwannichis guyyaa har'aa irraa eegalee guyyoota sadiif itti fufiinsaan kan gaggeeffamu ta'a.

#Odeeffanoo Haaraa itti Fufiinsaan argachuuf

Facebook https://www.facebook.com/share/1FKF2h6Er6/
Telegiraamii https://t.me/ILQSO1

Leenjiin Tumaalee Yakka Falmisiisoo fi Muteessa Adabbii Kennamaa jira.

Bitootessa 24/2017 Adaamaa/ILQSO

Inistiitiyuutiin Leenjii fi Qorannoo Seeraa Oromiyaa dandeettii raawwachiisummaa qaamolee haqaa haqaa cimsuuf Mata duree #Tumaalee_yakkaa_falmisiisoofi_murteessa_adabbii" jedhu irratti abbootii seeraafi abbootii alangaatiif magaalaa #Shaashamanneetti leenjii hojii irraa yeroo gabaabaa kennaa jira.

#Kaayyoon leenjichaa, seera yakkaa keessatti dhimmoota falmisiisoo ta'an kanneen akka: garaagarummaa qophiifi yaalii yakkaa, yakkoota lubbuufi qaama irratti raawwataman (keessattuu garaagarummaa yakka miidhaa qaamaa cimaafi yaalii ajjeechaa), yakkoota daguu, garaagarummaa yakkoota qabeenya irratti raawwatamaniifi kkf irratti hubannoo jiru cimsuu, hiikkoofi ejjennoon walfakkaataan akka uumamu dandeessisuuf kan kennamaa jiru yoo ta'u, leenjichi guyyoota 3f kan kennamu ta'uun ibsame.

I/A Daarekteera Ol'aanaa Inistiitiyuutii Leenjii fi Qorannoo Seeraa Oromiyaa Obboo Sulxaan Abdoo leenjicha irratti argamuun haasaa baniinsaa woyta taasisan akka jedhanitti, Inistiitiyuutichi dandeettii raawwachiisummaa waamolee haqaa cimsuuf leenjiwwan adda addaa mata dureewwan garaagaraa irratti kan kennaa jiru yoo ta'u, mata duree amma leenjiin irratti kennamaa jiru irrattis, sakatta'iinsa fedhii leenjii gaggeeffameen rakkoowwan gama kanaan jiran bu'uurarraa furuun qaamolee haqaatiif ijjannoo fi hubannoo walfakkaataa uumuuf akka ta'e ibsanii jiru.

Leenjistootni leenjicha kennan: Hashiim Tunaa, Milkii Makuriyaa, Dachaasaa Kabbadaa fi Tigist Asfaaw yoo ta'an leenjicha leenjichi mata duree walfakkaataa irratti iddoo lamatti qooduun kennamaa jira.

#Odeeffanoo Haaraa itti Fufiinsaan argachuuf

Facebook https://www.facebook.com/share/1FKF2h6Er6/

Telegiraamii https://t.me/ILQSO1

Leenjiin Tumaalee Yakka Falmisiisoo fi Murteessa Adabbii Kennamaa jira.

Ebla 02/2017 Adaamaa/ILQSO

Inistiitiyuutiin Leenjii fi Qorannoo Seeraa Oromiyaa dandeettii raawwachiisummaa qaamolee haqaa cimsuuf Mata duree #Tumaalee_yakkaa_falmisiisoofi_murteessa_adabbii" jedhu irratti abbootii seeraafi abbootii alangaatiif magaalaa #Jimmaatti leenjii hojii irraa yeroo gabaabaa kennaa jira.

#Kaayyoon leenjichaa, seera yakkaa keessatti dhimmoota falmisiisoo ta'an kanneen akka: garaagarummaa qophiifi yaalii yakkaa, yakkoota lubbuufi qaama irratti raawwataman, yakkoota daguu, garaagarummaa yakkoota qabeenya irratti raawwatamaniifi kkf irratti hubannoo jiru cimsuu, hiikkoofi ejjennoon walfakkaataan akka uumamu dandeessisuuf kan kennamaa jiru yoo ta'u, leenjichi guyyoota 3f kan kennamu ta'uun ibsame.

Leenjistootni leenjicha kennan: Dachaasaa Kabbadaa , Haashim Tunaa, Tigist Asfaaw fi Geetaachoo Kabbadaa yoo ta'an leenjichi mata duree walfakkaataa irratti iddoo lamatti qooduun kennamaa jira.

#Odeeffanoo Haaraa itti Fufiinsaan argachuuf

Facebook https://www.facebook.com/share/1FKF2h6Er6/

Telegiraamii https://t.me/ILQSO1