#Sadaasa 4, Bara 2014 ILQSO
Inistitiyuutiin Leenjii fi Qorannoo Seeraa Oromiyaa hoggantoota, ogeessotaa fi hojjattoota isaatiif Hoggansa Bu'aa Irratti Xiyyeeffate (RBM) irratti Leenjii kennaa jira. Leenjiin kun hubannoo hawaasni Inistitiyuutichaa bu'uura RBM tiin karoorfachuu, raawwachuu fi gabaasuu irratti qabu dabaluuf kan kennamuudha.

Beeksiisa

Dambii Labsii Manneen Murtii Aadaa Naannoo Oromiyaa

#Sadaasa 10, Bara 2014 ILQSO
Bu'aan Qorumsa Barreeffamaa Leenjistootaa fi Qorattoota dhaabbii akka armaan gadiitti ifoomee jira. Dorgomtootni qabxii 30 fi isaa ol argattan gaafa 11/03/2014 ganama saa'atii 2:30 irratti Waajjira Muummicha Inistitiyuutichaatti argamuudhaan qorumsa af-gaaffii akka fudhattan isin beeksifna.

#Sadaasa 14, Bara 2014 (ILQSO)
Leenjiin Hojii Irraa Yeroo Dheeraa Marsaan 13ffaan Jalqabame
Inistitiyuutiin Leenjii fi Qorannoo Seeraa Oromiyaa Leenjii Hojii Irraa Yeroo Dheeraa sababa adda addaatiin addaan cite ture guyyaa har’aa jalqabsiisee jira. Leenjiin kun marsaa 13ffaaf kan kennamu yoo ta’u ji’oota sadan itti aananiif itti fufiinsaan ni kennama. Sirna leenjii jalqabsiisuu guyyaa har’aa taasifame irratti Leenjifamtootni kaayyoo leenjichaa milkeessuuf naamusa leenjichi barbaadu kabajuu fi kabachiisuu, yeroo isaanii guutuu leenjicha qofa irratti dabarsuu, hirmaannaa hoo’aa taasisuun muuxannoo qabanis waliif qooduu, beekkumsa dabalataa, ogummaa fi gahumsa olaanaa horachuuf cimanii hojjachuu qabu jedhameera. Kana malees haala yeroo ammaa biyyi keenya keessa jirtu hubachuun nageenya isaanii eeggachuu fi dhibee KOVID-19 irraayis of eeguu akka qaban ibsamee jira.