#ILQSOn mata duree #Seera_Deemsa_Falmii_Hariiroo_Hawaasaa jedhu irratti leenjii hojii irraa yeroo gabaabaa Abbootii Alangaatiif Magaalaa #Shaashamanneetti kennaa jira. Inistiitiyuutiin Leenjii fiQorannoo Seeraa Oromiyaa (ILQSO)n sakatta'iinsa fedhii leenjii gaggeeffame irratti hundaa'un leenjii dandeettii raawwachiisummaa cimsu kennaa jira.

Kaayyoon leenjichaa Dhimmoota Seera Deemsa Falmii Hariiroo Hawaasaa irratti gahuumsa abbootii alangaa cimsuf akka ta'e ibsamee jira.

Leenjichi guyyoota 3f kan turu yoo ta'u, Abbaa Seeraa MMWO fi Leenjisaa ILQSO #Obboo_Jamaal_Qumbii tin kennamaa jira.

Guyyaa 11/04/2017
Inistiitiyuutiin Leenjiifi Qorannoo Seeraa Oromiyaa Qorattoota Poolisii Godinaalee fi Magaalotaatif mata duree #Qorannoo_Yakka_Malaammaltummaa jedhu irratti leenjii hojii irraa yeroo gabaabaa guyyoota 3f turu magaalaa #Adaamaatti kennaa jira.

Kaayyoon leenjii kanaa qorattoonni poolisii yakka malaammaltummaa adda baasanii hubachuun qorannaa akka gaggeessanii fi adeemsaa fi tooftaa garaagaaa fayyadamuun akkaataa woytaawaa fi saayinsaawaa ta'een yakka malaammaltummaa ittisuu irratti dandeettii raawwachiisummaa cimsuuf akka ta'e ibsame.

Leenjicha kan kennaa jiran Gorsaa Ol'aanaa Dhimmoota Seeraa Caffee Oromiyaa #Obboo_Dhaabaa_Dirribaa ti.