Inistiitiyuutiin Leenjii fi Qorannoo seeraa Oromiyaa (ILQSO)n Hojiilee ijoo hojjachaa jiru hawaasa bal'aa biraan gahuuf Raadiyoo OBN irratti ergaa gabaabaa dabarfachaa jira. Ergaan gabaabaan kun kan darbu guyyaatti si'a tokko Oduu galgalaa Sa'aatii 1:00n booda yoo ta'u, akkaataa waliigaltee Dhaabbaticha wajjiin taasisneen hanga gaafa guyyaa 16/11/2016 qilleensarra kan turu ta'a.
Dabalataan sagalee ergaa gabaabaa daqiiqaa 1(tokkoo) kana Teeleegiraamii keenya www.t.me/ILQSO1 irra isinii keennee jirra.

Inistiitiyuutiin Leenjii fi Qorannoo Seeraa Oromiyaa (ILQSO)n Gamaaggama Raawwii Hojii Kurmaana 4ffaa Gaggeesse.

Gabaasa raawwii hojii bara 2016 dhiyaate kana keessatti hojiileen akka Inistiitiyuutichaatti hojjatamuuf karoorfaman akkaatama karoorfamaniin kan raawwataman ta'uun gabaasicha keessatti dhiyaatee jira. Daayrekteerri Ol'aanaan Inistiitiyuutii Leenjii fi Qorannoo Seeraa Oromiyaa Obboo Dobee Dhaabaa hojiiwwan bara kana hojjatamuuf karoorfaman milkaa'inaan kan xumuraman ta'uu ibsuun, hojii kana milkeessuu keessatti hojjattootni hundi gahee isaanii waan bahaniif galateeffatanii jiru.

Dhuma irrattis yaadaa fi gaaffiwwan gabaasa dhiyaate ilaalchisee ka'an irratti deebii erga kennanii booda bara hojii 2017f haala kanaa olitti hojiilee karoorfanne akka raawwannuuf waliigalteen waldeeggaranii hojjachuun barbaachisaadha jechuun dhaamanii jiru.