#Afdp #DashenBank
የአፍሪካ ልማት ባንክ ቡድን ዳይሬክተሮች ቦርድ በኢትዮጵያ የባንክ ኢንዱስትሪ የመጀመሪያ የሆነውን ለዓለም አቀፍ ንግድ ልውውጥ ዋስትና የሚውል 40 ሚሊዮን ዶላር ለዳሸን ባንክ አፅድቋል።

የዳሸን ባንክ ዋና ስራ አስፈፃሚ አቶ አስፋው ዓለሙ ባንካችን የአፍሪካ ልማት ባንክ ያስቀምጣቸውን ጥብቅ ቅድመ ሁኔታዎች በማሟላቱ ይህ 40 ሚሊዮን ዶላር የንግድ ፋይናንስ ልውውጥ ዋስትና ማዕቀፍ በመፈቀዱ በጣም ደስተኞች ነን። ይህም ባንካችን በክፍለ አህጉሩና ከዚያም ባለፈ የንግድ አገልግሎታችንን ለማሳደግ በጣም  አስፈላጊ ድጋፍ ነው ብለዋል።

ይህን  ድጋፍ ለማግኘት ያሟላቸው ቅድመ ሁኔታዎች እና በሂደቱ የተገኙ የልምድ ልውውጦች ዳሸን ባንክ ከአፍሪካ ተመራጭ እና ቀዳሚ ባንኮች ተርታ ለመሰለፍ ያለውን ራዕይ ዕውን ለማድረግ እንደ ግብአት እንደሚጠቅም አመልክተዋል።

የአፍሪካ ልማት ባንክ የምስራቅ አፍሪካ ቢሮ ዳይሬክተር ጀነራል ኔና ኑዋቡፎ በበኩላቸው የአፍሪካን ንግድ መደገፍ ባንካችን ተቀዳሚ ትኩረት የሚሰጠው ጉዳይ ነው። ይህም የአህጉሩን የኢኮኖሚ ዕድገት ለመጨመርና ድንበር ዘለል ንግድ ለማሳደግ ወሳኝ ሚና አለው ብለዋል።

ባንኩ ከአፍሪካ ልማት ባንክ ያገኘው ይህ የድጋፍ ማዕቀፍ ባንኩ በዓለም አቀፍ ንግድ ልውውጥ ያለውን ተቀባይነት እና ተመራጭነት ይበልጥ እንደሚያሳድገው ተመልክቷል።

የፋይናንስ አቅርቦቱ ዳሸን ባንክ አነስተኛና መካከለኛ ተቋማት እንዲሁም ሌሎች አገር በቀል ድርጅቶች ምርት ለመላክና ለማስመጣት የሚፈልጉትን አቅርቦትና ዋስትና እንዲያገኙ ዕድል እንደሚፈጥር ተገልጿል።

የገንዘብ አቅርቦቱ ለኢትዮጵያ በጣም አስፈላጊ የሆኑ እንደ ማዳበሪያ፣መድሃኒት፣የሶላር ሃይል ማመንጫ፣የግብርና ማሽነሪዎችና ሌሎች ምርቶችን ለማስገባት ያግዛል።

Condoaddis.com/240809-4

በብሔራዊ ባንክ ተመን የአንድ ግራም ወርቅ ዋጋ ስንት ደረሰ?
ብሄራዊ ባንክ እለታዊ የወርቅ መግዣ ዋጋ ይፋ በማድረግ ላይ ይገኛልብሔራዊ ባንክ ወርቅ የሚገዛው በዓለም አቀፍ እለታዊ ዋጋ መሆኑን አስታውቋል

ብሔራዊ ባንክ ከምንዛሬ ስርአት ለውጥ በኋላ ወርቅ የሚገዛው በአለምአቀፍ እለታዊ ዋጋ መሆኑን መግለጹን ተከትሎ እለታዊ የወርቅ መግዣ ዋጋ በድረ ገጹ ይፋ እያደረገ ይገኛል።

በእየለቱ በምን ያህል የውጭ ምንዛሬ ወርቅ እንደሚገዛ በጽረ-ገጹ ይፋ እንደሚያደርግ የገለጸው ባንኩ፣የዛሬ የወርቅ መግዣ ዋጋን ይፋ አድርጓል።

ብሔራዊ ባንክ 1 ግራም ወርቅ በስንት ብር እየገዛ ነው?
በዚህም መሰረት ባለ 24 ካራት 1 ግራም ወርቅ 79.2074 የአሜሪካ ዶላር ወይም በእለቱ የብሄራዊ ባክ የምንዛሬ ዋጋ 8 ሺህ 834.4113 ብር እየገዛ መሆኑን አስታውቋል።

ባለ 23 ካራት 1 ግራም ወርቅ 75.9071የአሜሪካ ዶላር ወይም በእለቱ የብሄራዊ ባክ የምንዛሬ ዋጋ 8 ሺህ 466.3108 ብር እየገዛ መሆኑን የባንኩ መረጃ ያመለክታል።

ባለ 22 ካራት 1 ግራም ወርቅ 72.6068 የአሜሪካ ዶላር ወይም በእለቱ የብሄራዊ ባክ የምንዛሬ ዋጋ 1 ሺህ 098.2104 ብር እየገዛ መሆኑን ባንኩ አስታውቋል።

ባለ 21 ካራት 1 ግራም ወርቅ 69.3065 የአሜሪካ ዶላር ወይም በእለቱ የብሄራዊ ባክ የምንዛሬ ዋጋ 7 ሺህ 730.1099 ብር እየገዛ ይገኛል።

ባለ 20 ካራት 1 ግራም ወርቅ 66.0062 የአሜሪካ ዶላር ወይም በእለቱ የብሄራዊ ባንክ የምንዛሬ ዋጋ 7 ሺህ 362.0094 ብር እየገዛ መሆኑን ነው ባኩ በድረ ገጹ ያወጣው መረጃ ያሚያመለክተው።