Польшада қийин аҳволга тушиб қолган Ўзбекистон фуқароси Ватанга қайтарилди

Ўзбекистоннинг Польшадаги Элчихона Вазирлар Маҳкамаси ҳузуридаги Миграция агентлиги билан ҳамкорликда оғир жисмоний ҳолатда келиб қолган 32 ёшли (1992 й.т.) Ўзбекистон фуқаросини Ватанга қайтариш бўйича зарур чоралар кўрилди.

Фуқаро Польша ҳудудида оғир ижтимоий ва жисмоний аҳволда экани аниқланганидан сўнг, элчихона томонидан унга зарур ёрдам кўрсатилди. У вақтинчалик бошпана, озиқ-овқат ва кийим-кечак билан таъминланди.

Барча ташкилий ишлар якунлангач, фуқаро жорий йил 26 март куни Варшава – Тошкент йўналиши бўйича авиапарвоз орқали Ўзбекистонга қайтарилди.

Мазкур ҳолатга бефарқ бўлмаган ватандошларимизга миннатдорчилик билдирамиз.

#Ramazon #yaxshilikqil #Uzbekistan

🚀Telegram | 🔵Facebook |🎬 YouTube|📷Instagram