#أخبار_عالريق
■عيد جديد بدأ في إلعاد ، فرّح الملايين وأغضب المنافقين ، و إلعاد عليكم بالخير والسعادة😀

■شبين جدعان قرروا الرد بطريقتهم الخاصة على اقتحام الأقصى وضرب بناتنا وحرائرنا بالقدس

■سحبوا فأس ومسدس وطبوا بعج ،النتيجة كانت 3 فرم ناعم، 3شقف
3 سلخ.

■كل الدنيا باركت العملية ،إلا أبو مازن طلع بنص الليل يدينها ويستنكرها

■الحلويات إللي توزعت عشان العملية أكثر من حلويات أيام التوجيهي

■المهم ..الحمد لله الشباب لحتى الآن شاردين وربنا يحفظهم من كل سوء ومن كلاب الأثر

■توفى اليوم ولد صغير وراجل كبير بحادثين دهس واحد في شمال غزة والثاني بخانيونس

■المدارس بكرة ان شاء الله حيكون دوامها عالسبعة الصبح حيدق جرس الحصة الاولى

■الدولار شبط لفوق ، عشان الناس مفلسة ووصل مبارح ل3.41

■أبو مازن فصل مبارح 40 كادر من فتح عشان نزلوا انتخابات بلدية بقوائم ثانية

■عميدة أمهات الأسـ ـرى أم كريم يونس توفت مبارح وهي بتستنى ابنها إلها 40 سنة

■اليــ ـهود افرجوا عن الأسيـ ـر عماد القديم من غزة بعد 20 سنة من الأ.سر

■غانتس قرر تمديد إغلاق الضفة وغزة ليوم الأحد الجاي

■بلدية غزة مسكت فوق ال 100 كيلو من لحمة شاورما خربانة بمطعم بغزة

■ما شاء الله باصات الرحلات بتنعف نعف على مطاعم الشاروما والملاهي وفي ناس الهم 3 أيام مروحوش من المينا ..الله يفرح الناس

#صباح_الخير لأبطال الفأس خص نص الجدعان إللي أكلوا الفسيخ وتحلوا وعيدوا وخلصوا عيديهم وفرحونا بعيد جديد
الله يحميهم ويبعد عنهم شر بني آدم وتضلهم بخير وسلام

جمعة جديدة ونهار جميل صلوا فيه على سيدنا محمد
اللهم صل وبارك على سيدنا محمد 🌹
#الجمعة 6-5-2022

~
#️⃣#أخبار_عالريق 1033 يوم

▪︎جنين كل يوم صارت تودع زينة شبابها مبارح ودعت حبيب كميل وعبد الهادي نزال واليوم من الصبح زفت 3 شباب زي الورد ان شاء الله للجنة..

▪︎يزن الجعبري ، عز الدين حمامرة ، وأمجد خليلية الفرسان الثلاثة الجداد إللي انضموا لقافلة الشهدlء في جنين

▪︎توفى شاب مقدسي جدع اسمه محمد زعل سلايمة كان كل يوم الفجر يوزع التمر والقهوة عالمصليين بالمسجد الأقصى ببلاش

▪︎توفى برضه بعد صراع مع المرض رجل الأعمال حسني عفانة صاحب شركات عفانة لللحوم والعجول في غزة

▪︎جريمتين قتل في الداخل المحتل وحدة بعد الظهر ووحدة بالليل ولسة السنة بأولها

▪︎معلش اليوم كله موت وقتل وشهدlء النشرة كئيبة شوية

▪︎الوكالة بدها توزع تعوضيات أضرار سنة 2014 خلال شهرين أو ثلاثة بالكثير

▪︎الوضع السياسي رايق شوية ،بس شكله الهدوء إللي حيسبق العاصفة

▪︎لسة دعدوش بغزة ومضلش رجل أعمال ولا صاحب مطعم إلا استقبله وعزمه

▪︎نقابة الإعلاميين في مصر حولت "ياسمين عز" للتحقيق، لاتهامها بمخالفات مهنية وقانونية ..النسوان هالوقت شمتانات فيها

▪︎جاية شوية مخفضات قوية من هان لآخر الشهر ..للناس إللي بحبوا الشتا

▪︎العطلة عشان الشتا شبه ضاربة وإن نوت العيلة تطلع مشوار بيضيع نص النهار باللبس والمواصلات

#صباح_الخير لجنين ومخيمها وأبطالها وصغارها وكبارها وأمهات شهدlئها ..لكتيبتها وعرينها ومجموعاتها وفرسانها وشوارعها الضيقة وسواتيرها المتينة..

#صباح_الخير والعزة والكرامة لمتاريس المخيم وبيوت وأهالي فرسان نفق الحرية..

#يسعد_صباحكم 🌹
14-1-2024



آبًوٌ بًکْر🔥🔥