ሮፍናን "ዘጠኝ" የተሰኘ ሁለት የሙዚቃ አልበም በአንድ ጊዜ ሊለቅ ነው።
#Waliya_Entertainemnt
ተወዳጁ ሙዚቀኛ ሮፍናን "ዘጠኝ" የተሰኘ በአንድ ጊዜ ሁለት የሙዚቃ አልበም ሊያወጣ እንደሆነ ዛሬ ጥር 16/2016 ዓ.ም በሃያት ሪጀንሲ ሆቴል በሰጠው መግለጫ አስታውቋል።

የፋስት መረጃ ሪፖርተር ከስፍራው ባደረሰን መረጃ ሁለቱ አልበሞች "ሐራምቤ" እና "ኖር" የተሰኙ እንደሆኑ የተገለፀ ሲሆን ሁለቱ አልበሞች ከሶስት ሳምንት በኋላ ለህዝብ እንደሚደርስ ነው የተነገረው።

የድምፃዊው ሶስተኛ እና አራተኛ አልበም የሆኑት አልበሞቹ 10 እና 11 ሙዚቃዎችን የያዙ ሲሆን በግጥም እና ዜማ አብዛኛውን ድምፃዊው እንደሰራቸው ገልጿል።

ዛሬ ሐሙስ ለቅምሻ 1 ነጠላ ዜማ እንደሚለቀቅ የተገለፀ ሲሆን አልበሞቹ በሁሉም የዲጅታል የሙዚቃ ማሰራጫ አማራጮች እንደሚለቀቅ ተነግሯል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://www.t.me/waliyaentmt

#Waliya_Entertainemnt #Music

የኤንቢሲ የድምፅ ውድድር አሸናፊው አበባው ጌታቸው በአዳማ የክብር አቀባበል ተደረገለት።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://www.t.me/waliyaentmt

#Waliya_Entertainemnt #Music

የደጋ ሰው ሊያልቅ የተቃረበ አልበም ተቋርጦ የተጠነሰሰ ፕሮጀክት ነው ተባለ
****

ድምፃዊት የማርያም ቸርነት(የማ) በቅርቡ ለአድማጮች ያደረሰችው "የደጋ ሰው" የተሰኘው የሙዚቃ አልበም ላይ ውይይት ተካሂዷል።

የሙዚቃ አልበሙ ፕሮጀክት፣ ሊያልቅ የተቃረበ አልበም ተቋርጦ የተጀመረ ሲሆን፣ መነሻውም የቦንኬ ማኅበረሰብ ሙዚቃ መሆኑን፣ የሙዚቃው አቀናባሪና ፕሮዲዩሰር ኢዩኤል መንግሥቱ ገልጿል።

ሀገረሰባዊ ሙዚቃዎችን ከማጥናት እና መደርደሪያ ላይ ከማስቀመጥ ባሻገር፣ ወደ አደባባይ የማውጣት እና የማስተዋወቅ ዓላማ እንዳለውም ተናግሯል ።

ድምፃዊቷ ወደ ጥበቡ ዓለም የተቀላቀለችው የእንግሊዝኛ ሙዚቃ በማቀንቀን መሆኑም ተገልጿል።

የሙዚቃ ባለሙያው ሰርፀ ፍሬስብሀት ባቀረበው የውይይት መነሻ ሀሳብ፣ "የደጋ ሰው" ከይዘት አኳያ ሙዚቃ የተርታ ሀሳቦች መገኛ አለመሆኑን ያሳየ፣ ታሪክና ባህልን "በንቡር ጠቃሽ" ስልት ያቀረበ እንዲሁም ስሜት እና በሳል ሀሳቦች ተዋህደው የሚገኙበት መሆኑን ገልጿል። ዜማዎቹም ለሙዚቃ መዋቅር በሚመች መልኩ የተዘጋጁ ናቸው ብሏል።

ውይይቱን የኢትዮጰያ ሳይንስ አካዳሚ፣ ብላቴን ጌታ ኅሩይ ወልደ ሥላሴ ሥነጥበባት ማዕከል አዘጋጅቶታል።

በውይይቱ ላይ ድምፃዊት የማርያም ቸርነት እና የሙዚቃ አቀናባሪው ኢዩኤል መንግሥቱ፣ ስለአልበሙ ከተሳታፊዎች ለተነሱ ጥያቄዎች ማብራሪያ ሰጥተዋል።

በመጨረሻም ድምፃዊት የማርያም ቸርነት ከራያ ህዝብ ለምስጋና የተላከላትን የባህላዊ ልብስ ስጦታ ተቀብላለች።
በወንድወሰን ሞላ

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt

የማ (የማን) ...?!

በብርቱካን ሚደቅሳ

#Ethiopia  | ለራሴ በሚገባኝ መልኩ ፈጣሪን የጠየኩት (ያልጎመጎምኩለት ) አንድ ነገር ነበር፤ ያልተሠሙትን ቃላት፣ ያልተቀመሩትን ዜማዎች ያልተሳሉትን ሥእሎች ያልተባሉትን ነገሮች ለጦብያ ልጆች አሳይላት ብዬ፡፡ አረገላት መሰለኝ ሰሞኑን……..

የጋሞ ዞኗ ቦንኬ ወረዳ የጋሽ አሰፋ ሠፈር እንደ ሆነችው ጬንቻ ተራራማ ነች አሉ፡፡ ይህን የሰማሁት ባለፈው ቅዳሜ የደጋ ሰው አልበም ድምጻዊ የማ እና ፕሮዲውሰሩ ኢዩኤልን ለማክበር በኢትዮጵያ ሳይንስ አካዳሚ በተዘጋጀው ውይይት ላይ በተገኘሁበት ወቅት ነው፡፡

ቦንኬ እና ማህበረሰቧ ለሙዚቃው ንሸጣ የተገኘበት ስፍራ ነው፡፡ጋሞን ሙሉ በሙሉ አውቃለሁ ብዬ ስለምኩራራ ቦንኬን ለመጀመሪያ ጊዜ የዛን ዕለት በመስማቴ ተቁነጠነጥኩ፡፡ እዛው ሆኜ አንዳንድ ማጣራቶች አረኩ፡፡ ለካ በምርጫ ቃላት ቦንኬ የምትጠራው በጎረቤቷ ወረዳ ገረሴ ነው፡፡ ሁለቱ ተዋህደው አንድ የፓርላማ መቀመጫ፡፡

ታዲያ እነ የማ ደጋነትን ለሙዚቃቸው  መጠሪያ ከቦንኬ ብቻ ወስደው የጣፉት ነገር አይደለም፡ ፡የሙዚቃው እና የግጥሙ መንፈስ ከድምጻዊዋ ጋር ይዋሀድ ዘንድ ባሌ ተራራ ወጥተዋል፡፡ለእኔ ለማይሟ ለማብራራት ከባድ የሆነ የሙዚቃ ጥበባ (ግስ ነው) ተጠቅመው የደጋን  ጉም እና ውርጭ የሚዘውረውን የንፋስ  ድምፅ በሙዚቃው ውስጥ በስሱ እንዲሰማ አድርገዋል (የኢዩኤል ስራ ነው)፡፡ አይገርምም? ነገሩ የገባኝ የደጋ ሠውን እንደገና ቅዳሜ ማታ ስሰማው ነው፡፡

የራያ ራዩማን ነገር ካነሳሁ አውርቼ አላበቃም፤ በፍቅር ዘፈን አዘቦም ቆቦም የማ (የማን) እንደሆነ ጠይቆ ሁሉም የኛ ብሎ መመለስ እንዴት መታደል ነው?! ትርጉም የእኔ! የጎበዙን ገጣሚ ሀሳብ ወደፊት የምንሰመው ይሆናል፡፡

Telegram: https://www.t.me/waliyaentmt

የዘመን ቃናዎች ቁጥር 1
*

የዘመን ቃናዎች ቁጥር 1 የሙዚቃ ቅጂዎች ማስተዋወቂያ ተካሂዷል።

ለዛቸው ከፍ ያለ፣ በትናንት ትዝታ ውስጥ ያሉ፣ ተወዳጅና ለጆሮ የሚስማሙ፤ ነገር ግን በጊዜ ዑደት የተረሱ፣ በደንብ ያልተደመጡ 3 ዜማዎች በነበራቸው ቃና የአሁኑን ዘመን የዋጁ እንዲሆኑ በግጥም ተስተካክለው በድምፃዊ ዳዊት ፅጌ አማካኝነት ለአድማጮች ቀርበዋል።

የሙዚቃ ዝግጅቱ በተለያዩ ምክንያቶች 2 ዓመት እንደፈጀ ተነግሯል።

ሙዚቃውን አንጋፋው የሙዚቃ አቀናባሪ አበጋዝ ክብረወርቅ ሽወታ ያቀናበረው ሲሆን፤ ከድምፃዊ ዳዊት ፅጌ ጋር በጋራ ፕሮዲዩስ አድርገውታል።

ሙዚቃዎቹ በ1950፣ 60 እና 70ዎቹ የተሰሩ ሲሆኑ፤ ሁሉም ከባንድ ጋር በመድረክ የተቀዱ ናቸው።

ሥራው አድካሚ ቢሆንም ትናንትን የዘከርንበት፣ እኔም ሕልሜን የኖርኩበት ነው ያለው ድምፃዊ ዳዊት ፅጌ፤ ሁለተኛ አልበሙም በቅርቡ ለአድማጭ ጆሮ እንደሚደርስ ተናግሯል።

የሙዚቃ አቀናባሪው አበጋዝ ክብረወርቅ ሽወታም የአስቴርና የጋሽ ጥላሁንን የቆዩ ዜማዎች በድጋሚ ሰርተናል፤ ይህንንም በዛ ልክ ሰርተነዋል ብሏል።

በሙዚቃ አጃቢነት፥ መስፍን ሽፈራው፣ መስፍን ሙላት እና ሜላት ቀለመወርቅ ተሳትፈዋል።

የዜማ ደራሲ አየለ ማሞ፣ የድምፃዊ እሳቱ ተሰማ፣ የድምፃዊ አሰፋ አባተ እና የድምፃዊ ጥላሁን ገሰሰ ቤተሰቦች ዜማዎቹ እንዲሰሩ ስለፈቀዱም ምስጋና ቀርቦላቸዋል።

Follow us on Social Medias
Youtube - https://www.youtube.com/@waliyaentmt
Facebook - https://www.facebook.com/Waliyaentmt
Tiktok - https://www.tiktok.com/@Waliyaentmt
Telegram - https://www.t.me/waliyaentmt

#Waliya_Entertainemnt #Music