СВАЕ ВІНШАВАННІ “ВІШНЁВАМУ ФЕСТЫВАЛЮ” НАКІРАВАЛА КІРАЎНІЦТВА ВОБЛАСЦІ

Дарагія сябры!


Шчыра віншуем з Х юбілейным Міжнародным святам ”Вішнёвы фестываль“!

За дзесяць год фестываль стаў сапраўднай візітнай карткай рэгіёна. Ён натхняе творчых людзей на новыя ідэі і задумы, аб’ядноўвае сяброў з розных куткоў нашай краіны і замежжа.

Праграма свята насычана цікавымі конкурсамі і спаборніцтвамі, сустрэчамі і прэзентацыямі. Адметна, што кожны дзень юбілейнага фестываля напоўнены выдатнымі культурнымі падзеямі, сярод якіх: сустрэча Вішневай каралевы, інтэлектуальна-прыгодніцкі квест ”PRO-вішню“, адкрыццё вернісажа кітайскага мастака Пань Уліцзі, кірмаш народных майстроў, дзіцячы конкурс паветраных змеяў.

Маштабнасць і ўзровень фестываля сведчаць, што мір, сяброўства, добрасуседства, культурны дыялог заўсёды спрыяюць развіццю грамадства.

Ад усёй душы жадаем вам здароўя, поспехаў і здабыткаў, шчасця і дабрабыту ў сем'ях!