➡️ #Yamankoc_Danışmanlık

⚡️ “Yamankoc” bilan hamkorlikda eksport bo‘yicha eksklyuziv o'quv dasturi o'z ishini boshlandi

➡️ Bugun, 14-iyul kuni “O‘zeltexsanoat” uyushmasi binosida Turkiyaning “Yamankoc Danışmanlık” kompaniyasi bilan hamkorlikda tashkillashtirilgan eksklyuziv o‘quv dasturi o‘z ishini boshladi.

➡️ Dastlabki nazariy mashg‘ulotlar bilan start olgan ushbu loyihaning asosiy maqsadi — O‘zbekiston korxonalarining eksport salohiyatini oshirish, ularga xalqaro savdo yo‘nalishida mustahkam bilim va amaliy ko‘nikmalarni berishdan iborat.

➡️ Dastur doirasida tinglovchilar tashqi savdo strategiyalari, mahsulot kodlari bilan ishlash, bozor tahlili, mijozlar bazasini yaratish, raqobatchilarni aniqlash kabi eksportning asosiy jihatlari bo‘yicha chuqur bilimlarga ega bo‘ladilar.

➡️ Mashg‘ulotlarga xalqaro darajadagi ekspert, Turkiyaning tashqi savdo va marketing sohasi bo‘yicha 25 yillik tajribaga ega Yaman Koç rahbarlik qilmoqda. U Yevropa va Turkiyaning yuzlab kompaniyalari bilan muvaffaqiyatli ishlagan, shuningdek, O‘zbekistondagi yirik ishlab chiqaruvchi subyektlarga ham konsalting xizmatlari ko‘rsatgan.

➡️ Toshkentda o‘tayotgan nazariy darslar amaliy tajriba bilan boyitiladi: tinglovchilar dastur yakunida Anqara shahriga borib, Turkiyaning eksport bo‘yicha ilg‘or tajribalari bilan tanishadilar va sertifikat topshirish marosimida ishtirok etadilar. Bu esa o‘quv jarayonini nafaqat nazariy, balki real amaliy ko‘nikmalar asosida chuqurlashtirish imkonini beradi.

➡️ Dastur taqvimi:

14-iyul – 01-avgust kunlari — Toshkent shahrida nazariy mashg‘ulotlar
11–15-avgust kunlari — Anqara (Turkiya) shahrida amaliyot va diplom topshirish marosimi

➡️ Mazkur eksklyuziv o‘quv dasturi – “O‘zeltexsanoat” uyushmasining tashqi savdoga ixtisoslashgan kadrlarni tayyorlashga qaratilgan ilg‘or tashabbusidir. Ushbu loyihada qatnashayotgan korxonalar uchun bu bilimlar nafaqat eksport hajmini oshirishga, balki yangi bozorlarni egallashda ham mustahkam asos bo‘lib xizmat qiladi.

🌐 UZELTEXSANOAT | Telegram

➡️ #vakansiya #samarqand

⚡️Urgutda “Bo‘sh ish o‘rinlari” mehnat yarmarkasi o‘tkazildi

➡️“O‘zeltexsanoat” uyushmasi tashabbusi bilan Samarqand viloyati Urgut erkin iqtisodiy zonasida joylashgan “Ideal Elekro Lyuks” hamda “Sam-Ferre” korxonalaridagi mavjud vakansiyalarni ishchi-mutaxassislar bilan to‘ldirish maqsadida “Bo‘sh ish o‘rinlari” mehnat yarmarkasi tashkil etildi.

➡️Ushbu yarmarkaga hududdagi texnikum bitiruvchi yoshlari, kambag‘al oilalar, muddatli harbiy xizmat va xorijda ishlab qaytganlar, ”probatsiya” hisobida turuvchilar, shuningdek, tumandagi ishsiz fuqarolar keng qamrab olindi.

➡️Har bir tashrif buyuruvchiga ish beruvchilar tomonidan korxonada yaratilgan shart-sharoitlar, ish haqi va boshqa rag‘batlantiruvchi to'lovlar haqida to‘liq ma'lumot berildi.

➡️Yarmarka natijalariga ko‘ra, 44 nafar texnikum bitiruvchisi, 15 nafar hududdagi xotin-qizlar, 20 nafar boshqa toifadagi fuqarolar ishlash istagini bildirib, ishga joylashish istagini bildirdilar.

🌐 UZELTEXSANOAT | Telegram