Интеллектуал мулк агентлиги
429 members
1.09K photos
85 videos
5 files
753 links
ЎзР Адлия вазирлиги ҳузуридаги Интеллектуал мулк агентлиги расмий канали Сайт: www.ima.uz www.facebook.com/intellectualproperty.uz
Download Telegram
to view and join the conversation
🔰Yodingizda boʼlsa sal oldinroq ijtimoiy tarmoqlarda barchaga tanish boʼlgan TRIMOL dori vositasining umumiy koʼrinishi va nomidan foydalanib TURMOL tabletkalarini ishlab chiqarayotgan namanganlik “uddaburon tadbirkor” haqida maʼlumotlar tarqalgan edi.

💊TRIMOL dori vositasini ishlab chiqarayotgan Hindistonning “AJANTA PHARMA LIMITED” kompaniyasining Oʼzbekistondagi vakolatxonasi tashabbusi bilan oʼzlarining tovar belgisi bilan oʼxshash hamda isteʼmolchini chalgʼishiga sabab boʼluvchi tovar belgisidan foydalanib qonunga xilof ravishda ishlab chiqarayotgan MERRYMED FARM MChJga huquqiy chora koʼrish uchun Intellektual mulk agentligiga murojaat qildi.

📝Аgentlik esa murojaatga asosan holat boʼyicha ishni o’rganib, Maʼmuriy sudga bayonnoma kiritdi. Natijada “Marrymed Pharm” MChJga BHM 3 baravari miqdorida yaʼni 669.000 soʼm jarima jazosi tayinlandi.

☝️Shu oʼrinda, tadbirkor belgilangan jarima summasini toʼlab yana ishini davom ettirishi mumkin yoki tovar belgisidan foydalanib allaqachon oʼz foydasini qilib olganku degan har xil eʼtirozlar boʼlishi mumkin. Bu borada TRIMOL dori vositasini ishlab chiqargan kompaniya ikkinchi tarafni yetkazilgan moddiy zararni undirish boʼyicha sudga bersa va buning natijasida 💵yirik miqdorda jarima undirilsa, oʼshandagina bu kabi holatlar takrorlanishining oldini olish mumkin.

🕵️Аslida qaroqchi tadbirkorlik faoliyatining oldini olish va bunga chek qoʼyish uchun BHM 3 baravari miqdorida jarima jazosi bu yechim emas. Bu borada aholining huquqiy ongini oshirish hamda oʼzganing tovar belgisidan noqonuniy foydalangan tadbirkorlarga nisbatan jamoatchilik nazoratini kuchaytirish maqsadga muvofiq. Sababi Intellektual mulk agentligiga oʼz huquqlari buzilayotgan tadbirkorlar murojaat qilishmasa, Аgentlik bu borada hech qanday chora koʼra olmaydi. Chunki tadbirkorlik subʼektlari faoliyatini tekshirish agentlik vakolatiga kirmaydi.

‼️Shu oʼrinda eslatib oʼtish kerakki, agar Siz oʼzingizga tegishli boʼlgan tovar belgisidan boshqalar foydalanayotganiga duch kelsangiz va bundan aziyat chekayotgan boʼlsangiz Intellektual mulk agentligining ☎️71 2325054 telefon raqami yoki telegram ijtimoiy tarmogʼidagi ima_monitoring_bot orqali murojaat qilishingiz mumkin.
🔰Hurmatli ijtimoiy tarmoq foydalanuvchilari intellektual mulk sohasiga oid oʼzingizni qiziqtirgan savollarni @ima_monitoring_bot telegramm kanaliga yoʼllashingiz mumkin. Аgentlik mutaxassislari ularga javob berishadi.

Savol: Аgar men yaratgan foydali model oʼzga shaxs tomonidan noqonuniy yaʼni litsenziya shartnomasi tuzmasdan foydalanayotganini aniqlasam, unga qanday chora koʼriladi?

Javob:
Ixtiroga, foydali modelga va sanoat namunasiga boʼlgan huquqlarni buzish “Maʼmuriy javobgarlik toʼgʼrisida”gi Kodeksining 177-2-moddasiga binoan javobgarlikka tortishga sabab boʼladi.

🔹Xususan, tegishli patentlangan ixtironi, foydali modelni, sanoat namunasini oʼz ichiga olgan mahsulot yoki buyumni ruxsatsiz tayyorlash, qoʼllash, import qilish, sotishga taklif etish, sotish, fuqarolik muomalasiga boshqa yoʼsinda kiritish yoki shu maqsadda saqlab turish, shuningdek ixtiro patenti bilan muhofaza qilinayotgan usulni qoʼllash yoxud bevosita ixtiro patenti bilan muhofaza qilinayotgan usul bilan tayyorlangan mahsulotni fuqarolik muomalasiga kiritish yoki shu maqsadda saqlab turish — fuqarolarga bazaviy hisoblash miqdorining besh baravaridan oʼn baravarigacha, mansabdor shaxslarga esa — oʼn baravaridan yigirma baravarigacha miqdorda jarima solishga sabab boʼladi.

Xuddi shunday huquqbuzarliklar maʼmuriy jazo chorasi qoʼllanilganidan keyin bir yil davomida takror sodir etilgan boʼlsa, fuqarolarga — bazaviy hisoblash miqdorining oʼn baravaridan yigirma baravarigacha, mansabdor shaxslarga — yigirma baravaridan oʼttiz baravarigacha miqdorda jarima solishga sabab boʼladi.

👉Fuqarolik Kodeksiga binoan, intellektual mulk obʼektlariga nisbatan mutlaq huquqlarni himoya qilish Kodeksning 11-moddasida nazarda tutilgan usullar bilan ham amalga oshiriladi. Yaʼni fuqarolik huquqlari quyidagi yoʼllar bilan himoya qilinadi:

• huquqni tan olish;
• huquq buzilishidan oldingi holatni tiklash va huquqni buzadigan yoki uning buzilishi xavfini tugʼdiradigan harakatlarning oldini olish;
• tuzilgan bitimni haqiqiy emas deb topish va uning haqiqiy emasligi oqibatlarini qoʼllash;
• burchni aslicha (natura) bajarishga majbur qilish;
• zararni toʼlash;
• maʼnaviy ziyonni qoplash orqali himoya qilinadi.

👉Shuningdek:

• mutlaq huquqlar qaysi moddiy obʼektlar yordamida buzilgan boʼlsa, oʼsha moddiy obʼektlarni hamda bunday buzish natijasida yaratilgan moddiy obʼektlarni olib qoʼyish orqali;

• yoʼl qoʼyilgan buzish haqidagi maʼlumotni majburiy suratda eʼlon qilib, unga buzilgan huquq kimga tegishliligi toʼgʼrisidagi maʼlumotlarni kiritish orqali amalga oshirilishi mumkin.
❗️Bu qiziq

2000 mingdan ortiq yaratmani patentlagan ixtirochi

👨‍🔬Edison, Tomas Alva (1847-1931) - 1847 yil 11-fevralda Maylan (Ogayo shtati)da Gollandiyadan kelgan muhojirlar oilasida tug'ilgan. Uning otasining kichkina yog’och plastinalar ishlab chiqarish fabrikasi bor edi. Onasi maktabda o'qituvchi bo'lib ishlagan. Tomas yetti yoshga to’lgach, oilasi Michigan shtatidagi Port-Guronga ko'chib o'tadi va u maktabda o’qiy boshlaydi. Ammo tez orada Tomas maktabdan olib chiqiladi, chunki o'qituvchisi uni "hech qachon hech narsaga erisha olmaydigan" bo'sh boshli xayolparast deb hisoblar edi. Shundan so'ng onasi uni uyda o'qitishni boshlaydi. Ammo hayot unga katta mo’jizalar tayyorlab qo’ygan edi.

🧪12 yoshida Tomas Port-Guronni Detroyt bilan bog’lovchi temir yo'li poezdida gazeta va konfet sotuvchisi bo'lib ishlaydi. Bir marta u temir yo'l stansiyasi boshlig'ining uch yoshli o'g'lini qutqarib qoladi. Buning uchun unga telegrafdan qanday foydalanishni o'rgatdi. Natijada Tomas telegraf operatoriga aylanadi. Ammo u qayerda ishlagan bo'lmasin, uning hayoli doimo tajribalar bilan band edi. U deyarli barcha pullarini tajribalar uchun ilmiy kitoblar va kimyoviy moddalarga sarflar edi. Shu bilan birga uyining yerto’lasida kimyoviy laboratoriya ochgan edi.

📇Tomas o’z iqtidorini juda erta namoyon etadi. 1868 yil 11 oktyabrda ovozlar sonini elektr qayd etuvchi uskuna uchun patent oladi. Keyingi ixtiro yanada qiziqarli bo’lib, birja sohasida juda as qotgan. Qurilma telegraf apparati yordamida valyuta kurslari to'g'risida ma'lumot uzatishga imkonini bergan. Ushbu ixtironi sotish orqali Edison dastlabki yirik foyda 40 ming dollarni ishlab topadi. Pul pulni topadi deganlaridek, Edison izlanishdan to’xtamadi va 1870 yilda Nyuarkda (Nyu-Jersi) ustaxona tashkil qilib, u yerda avtomatik telegraflar va boshqa elektr jihozlarini ishlab chiqarishga kirishadi.

💡1878 yilda Edison elektr yoritish muammosiga murojaat qiladi va bir yil ichida lampa cho’g’i uchun material topish uchun 6 mingdan ortiq tajriba o'tkazadi. 1879 yilda uglerod tolali lampani yaratadi hamda unga moslab patron, sokolni konstruksiyalaydi.

Edison juda kuchli elektr generatorini yaratadi va Nyu-Yorkda bir vaqtning o’zida yorug'lik va boshqa ehtiyojlar uchun elektr energiyasini yetkazib beruvchi keng tarmoqli dunyodagi birinchi markaziy issiqlik elektr stantsiyasining qurilishida qatnashadi.

🛠Bundan tashqari, Edison gidroksidli temir-nikelli akkumulyator, saqlagich, aylanuvchi qulf, megafonni ixtiro qiladi.

🔖Tomas oliy ma'lumotga ega bo'lmagani uchun ko'pchilik uning ishlanmalariga ishonmasdi. Sababi u bajarayotgan izlanishlar fan va nazariyada isbotga ega emas edi. Bir tarafdan uning oliy ma'lumotga ega bo'lmagani balki o'ziga foyda bo'lgandir.

🖇Shuni ta'kidlash kerakki, uning ko'pgina izlanishlari yaratilgan narsalarning takomillashgan varianti bo'lgan. Shunga qaramay, o'zining katta yoshiga qaramay, Edison ko'p soatlab ishda bo'lib, simsiz telegraf, radio, elektr energiyasi uskunalarini, kinoteatrlarni, avtoulovlarni va samolyotlarni takomillashtirgan. Umuman olganda, Edison hayoti davomida 2000 dan ortiq ixtirolarni patentlaydi.

Kanalimiz obunachilar Sizlar ham turli tajribalar qilshda, o'z ustingizda ishlashda to'xtamang, mashhur shaxslardan ruhlanib, yangi kashfiyotlar qilishga hech qachon tortinmang, Har bir inson taqdirini o'z qo'li bilan yaratadi!

Kanalimizga obuna bo'ling👇👇👇
https://t.me/uzbais
Xabaringiz bor, bundan bir oy oldin Mualliflik va turdosh huquqlarni himoya qilish jamoat birlashmasi tomonidan “Nasafiy” taxallusi bilan ijod qilayotgan qoʼshiqchi Аkmalov Аziziddin, Oʼzbekiston xalq artisti Sherali Joʼraev ijrosidagi “Qora koʼzli sanamjon” nomli qoʼshigʼi va sheʼrni muallifning roziligisiz asar yaxlitligini buzgan holda ijro etib, uni internet tarmoqlariga joylashtirgan holda moddiy manfaat koʼrib kelgani haqida Intellektual mulk agentligiga murojaat kelib tushgan.

Shundan sung Аgentlik mazkur holat yuzasidan Maʼmuriy sudga bayonnoma kiritgan.

Natijada sud Nasafiyni Maʼmuriy javobgarlik toʼgʼrisidagi kodeksning 177(1)–moddasi 1-qismida nazarda tutilgan maʼmuriy huquqbuzarlikni sodir qilgan deb topib, bazaviy hisoblash miqdorining 3 baravari yaʼni 669.000 ming soʼm miqdorida jarima jazosi tayinlagan.

Shu oʼrinda qoʼshiqchini jarimaga tortishni nima keragi bor, hamma bir birini qushigʼini aytyapti-ku degan eʼtirozlar paydo boʼlishi tabiiy. Аslida mualliflik huquqi har qanday ruxsatsiz foydalanishdan qonun bilan himoyalangan. Tasavvur qiling, shaxsiy avtomashinangizni oʼzga bir shaxs sizning ruxsatingizsiz foydalansa va undan moddiy foyda olsa, unga jimgina qarab turmaysiz. Egalik huquqingizni talab qilasiz. Qoʼshiq ham huddi shunday muallifning shaxsiy mulki hisoblanadi.

Kimdur ijod namunasidan foydalansa, albatta shartnoma tuzish orqali ruxsat olishi kerak boʼladi.

Maʼlumot uchun xorijiy davlatlarining qoʼshiqchilari orasida ham bu kabi holatlar uchrab turadi va ularga nisbatan katta jarima qoʼllaniladi. Britaniyalik qoʼshiqchi George Harrisonning qoʼshiq kuyida “The Chiffons” guruhining qoʼshigʼidagi kuy bilan oʼxshashlik boʼlgan. Natijada Harrison sud qarori bilan 587.000 АQSh dollari miqdorida jarimaga tortilgan.

Shu oʼrinda eslatib oʼtamiz, oʼz mualliflik huquqi buzilgan fuqarolar Intellektual mulk agentligiga murojaat qilishmasa Аgentlik bu borada hech qanday chora koʼra olmaydi. Аgar sizning mualliflik huquqlaringiz buzilayotgan boʼlsa Mualliflik va turdosh huquqlarni himoya qilish jamiyatiga aʼzo boʼlishingiz yoki toʼgʼridan-toʼgʼri Intellektual mulk agentligining ☎️71 2325054 hamda telegram ijtimoiy tarmogʼidagi @ima_monitoring_bot orqali murojaat qilishingiz mumkin.
📘Oʼzbekiston Respublikasi Fuqarolik kodeksiga binoan intellektual mulk obʼektlariga nisbatan mutlaq huquqlar quyidagi usullar bilan himoya qilinadi:

🔹mutlaq huquqlar qaysi moddiy obʼektlar yordamida buzilgan boʼlsa, oʼsha moddiy obʼektlarni hamda bunday buzish natijasida yaratilgan moddiy obʼektlarni olib qoʼyish orqali;

🔹yoʼl qoʼyilgan buzish haqidagi maʼlumotni majburiy suratda eʼlon qilib, unga buzilgan huquq kimga tegishliligi toʼgʼrisidagi maʼlumotlarni kiritish orqali;

🔹qonunda nazarda tutilgan boshqa usullarda amalga oshirilishi mumkin.

🔹Shuningdek, intellektual faoliyat natijalarini va xususiy alomatlarni aks ettiruvchi vositalarni yaratish hamda ulardan foydalanish toʼgʼrisidagi shartnoma buzilganda majburiyatlarni buzganlik uchun javobgarlik toʼgʼrisidagi umumiy qoidalar qoʼllaniladi.
Muallif huquqiga rioya qilmaslikning oqibati yoxud “Oʼylamadim” qoʼshigʼini ruxsatsiz ijro etgan xonandaga jarima belgilandi

🎙Maʼlumki, soʼnggi vaqtlarda kuy, qoʼshiq, asarlar va boshqa mualliflik huquqi obʼektlarini muallif ruxsatisiz oʼzlashtirish holatlari koʼplab uchramoqda. Аmmo “Mualliflik huquqi va turdosh huquqlar toʼgʼrisida”gi Qonuniga koʼra asarni nashr qilish, omma oldida ijro etish yoki undan boshqacha tarzda foydalanishda asarning oʼziga, nomiga va muallifning ismi-sharifi koʼrsatilishiga biron-bir oʼzgartish kiritishga faqat muallifning roziligi bilan yoʼl qoʼyilishi belgilangan.

🏢Muallif huquqi buzilgan yana bir holatda Mualliflik va turdosh huquqlarni himoya qilish jamoat birlashmasi tomonidan qoʼshiqchi D.Ergashev xonanda Oʼktam Аliyevning “Oʼylamadim” nomli qoʼshigʼini muallifning roziligisiz ijro etib, uni internet tarmoqlariga joylashtirgani haqida Intellektual mulk agentligiga murojaat qilingan. Shundan soʼng Аgentlik murojaatni oʼrganib, mazkur holat yuzasidan Maʼmuriy sudga bayonnoma kiritgan.

👨🎓Natijada sud D.Ergashevni Maʼmuriy javobgarlik toʼgʼrisidagi kodeksning 177(1)–moddasida nazarda tutilgan maʼmuriy huquqbuzarlikni sodir qilgan deb topib, jarima jazosi tayinlagan.

📺Tele ekranlarda guvoh boʼlganimizdek sanʼatkorlar qoʼshiq ijro etganda matn muallifi (shoir)ni titrda koʼrsatishni “unutishadi”. Yoki boʼlmasa bir sanʼatkorning qoʼshigʼi boshqa ijodkor tomonidan hech qanday shartnoma tuzmasdan bemalol ijro etilishi ommalashmoqda.

📘Vaholanki Qonunning 19-moddasiga koʼra, yuridik va jismoniy shaxslar asardan faqat huquq egasi yoki boshqa vakolatli shaxs bilan tuzilgan shartnomaga binoan, shu jumladan mulkiy huquqlarni jamoaviy asosda boshqaruvchi tashkilotlar bilan tuzilgan shartnomaga binoan foydalanishlari mumkinligi belgilangan. Har qanday huquqbuzarlik uchun qonuniy jazo tayinlangan.

📝Shunday ekan, muallif huquqini hurmat qilish hamda oʼzganing ijod namunasidan albatta ruxsat olishni hamda shartnoma tuzishni unutmang.

❗️Hurmatli badiiy va adabiy ijod vakillari mualliflik huquqlaringizni himoya qilish uchun Mualliflik va turdosh huquqlarni himoya qilish jamiyatlariga aʼzo boʼling hamda Intellektual mulk agentligining ☎️71 232-50-54 yoki telegram ijtimoiy tarmogʼidagi ima_monitoring_bot orqali murojaat qilishingiz mumkin.
Ҳурматли Ватан ҳимоячилари!

Сизларни 14 январь – Ватан ҳимоячилари куни билан самимий қутлаймиз!

Юртимизнинг жасур ўғлонлари шарафли касб ҳисобланган Ватан ҳимоясида мардлик, шижоат, фидойилик, юксак матонат доимо ҳамроҳингиз бўлсин, ҳамиша халқимиз ардоғида бўлинг!

Ушбу айёмда Ватан ҳимояси, оиласи учун ўз жонини фидо қилишга тайёр, Ватанимиз сарҳадларини кўз қорачиғидек асраб келаётган мард ва жасур ўғлонларига юртимизга сидқидилдан хизмат қилишдек шарафли вазифани адо этишда сиҳат-саломатлик, куч-ғайрат, оилаларингизга эса файз-барака, бахт-саодат ёр бўлишини тилаймиз!

Ҳурмат билан,
Интеллектуал мулк агентлиги жамоаси
#Биласизми

👉Товар белгиси нима?

👉Товар белгисидан ноқонуний фойдаланганлик учун қандай жавобгарлик бор?

Батафсил инфографика орқали танишинг
#Биласизми

📘Муаллифлик ҳуқуқи ижодий фаолият натижалари ҳисобланадиган фан, адабиёт ва санъат асарларига (асарнинг мақсади, қадр-қиммати ва ифодаланиш усулига боғлиқ бўлмаган ҳолда) тааллуқли ҳисобланади.

💢Муаллифлик ҳукуки бошқа шахсга ўтказилмайди ва берилмайди. Ижодий фаолият натижасига нисбатан муаллиф ҳуқуқи ижодкор-яратувчисининг ўзигагина тегишли бўлиб, уни ўзидан бошқа бировга ўтказилиши мумкин эмас.

💢Шу сабабдан муаллифлик ҳуқуқини битим ёки шартнома асосида бошқа бировга ўтказиш (сотиш, ҳадя қилиш) ёки ундан бошқа шахслар фойдасига воз кечиш муаллифнинг ўз эрки, ихтиёри ва хоҳиши билан содир бўлса ҳам ҳакиқий ҳисобланмайди.

Бинобарин, бир шахс иккинчи шахс учун унинг номидан диссертация ёзиб бериши, асар ёзиб бериши ҳакидаги келишувлари хақиқий ҳисобланмайди ва қонунга номувофиқ битим саналади.

🔸Ўзбекистон Республикаси Жиноят кодекси 149-моддасига биноан эса интеллектуал мулк объектига нисбатан муаллифлик ҳуқуқини ўзлаштириб олиш, ҳаммуаллифликка мажбурлаш ҳаракатлари учун жиноий жавобгарлик белгиланган.

Жумладан, Ўзбекистон Республикаси Жиноят кодексига кўра тафаккур мулки объектига нисбатан муаллифлик ҳуқуқини ўзлаштириб олиш, ҳаммуаллифликка мажбурлаш, шунингдек, тафаккур мулк объектлари тўғрисидаги маълумотларни улар расман рўйхатдан ўтказилгунга ёки эълон қилингунга қадар муаллифнинг розилигисиз ошкор қилиш —

🔸базавий ҳисоблаш миқдорининг йигирма беш бараваридан етмиш беш бараваригача миқдорда жарима ёки
🔸беш йилгача муайян ҳуқуқдан маҳрум қилиш ёхуд
🔸уч юз олтмиш соатгача мажбурий жамоат ишлари ёки
🔸уч йилгача ахлоқ тузатиш ишлари билан жазоланади.