Интеллектуал мулк агентлиги / Уйда қолинг!
262 members
625 photos
65 videos
2 files
486 links
ЎзР Адлия вазирлиги ҳузуридаги Интеллектуал мулк агентлиги расмий канали Сайт: www.ima.uz www.facebook.com/intellectualproperty.uz
Download Telegram
to view and join the conversation
Адлия вазирлиги ҳузуридаги Интеллектуал мулк агентлиги азиз юртдошларимизни меҳр-оқибат, эзгулик ва хайр-саховат айёми – муборак Рамазон ҳайити билан самимий муборакбод этади.

Юртимиз янада обод, халқимиз фаровон бўлсин! Синовли кунларда халқимиз бирдамлиги ва юртимиз тинчлиги мангу бўлишини тилаймиз!

Хонадонингиздан тинчлик-хотиржамлик, қут-барака аримасин! Эзгу амалларингиз ажру мукофотини ва дуоларингиз ижобатини тилаймиз!
Рамазон байрами қутлуғ бўлсин азизлар!
🔺 2020 йил 24 май соат 10:00 ҳолатига кўра, Ўзбекистонда коронавирус инфекцияси қайд этилганлар сони 3132 (+17) нафарни ташкил этмоқда.

❗️Янги касалланиш ҳолатларининг 16 нафари Навоий вилоятида, 1 нафари эса Тошкент шаҳрида аниқланди.

✔️Айни пайтда юртимизда 2532 нафар коронавирус инфекциясига чалинган фуқаролар бутунлай соғайди.

✔️Ҳозирда мамлакатимизда 587 нафар беморларга шифокорларимиз томонидан белгиланган стандартлар бўйича даво чоралари кўрилмоқда.

@koronavirusinfouz
#vahimasizkarantin
#каратинбезпаники
❗️2020 йил 24 май соат 09:00 ҳолатига жаҳонда коронавирус тарқалиши тўғрисида маълумот қуйидагича:

🔹Касалланганлар сони - 5 407 414 (+ 103 минг)

🔹Тузалганлар сони - 2 248 366 (+ 90 минг)

🔹Вафот этганлар 344 025 (+ 4 минг) нафарни ташкил этмоқда.

Манбаа: https://worldometers.info
#Биласизми

🔹Патент олиш учун талабнома муаллиф, иш берувчи ёки унинг вориси томонидан Агентликка топширилади. Талабнома шахсан, патент вакили ёки ишончли вакил орқали топширилиши мумкин. Талабнома битта фойдали моделга ёки ягона ижодкорлик фикрини ташкил этган тарзда бир-бири билан узвий боғланган фойдали моделлар гуруҳига тааллуқли бўлиши керак.

Фойдали моделга талабнома қуйидагиларни ўз ичига олади:

• фойдали моделнинг муаллифи (ҳаммуаллифлари) ва кимнинг номига патент бериш сўралаётган бўлса, ана шу шахс, шунингдек уларнинг турар жойи ёки жойлашган манзили кўрсатилган патент бериш ҳақидаги ариза;

• фойдали моделнинг уни амалга ошириш учун етарли бўлган даражада тўлиқ очиб берилган тавсифи;

фойдали моделнинг моҳиятини ифодаловчи ҳамда унинг тавсифига тўла мувофиқ бўлган формуласи;

• агар фойдали модел моҳиятини тушуниш учун зарур бўлса, чизмалар ва бошқа материаллар;

фойдали модел реферати.

🔹Талабномага қуйидаги ҳужжатлар илова қилинади:

• талабнома топшириш учун белгиланган миқдорда патент божи тўланганлиги тўғрисидаги ҳужжат;
• талабнома берувчи томонидан, агар у аризани патент вакили ёки ишончли вакил орқали топширмоқчи бўлса, патент вакили ёки ишончли вакил номига берилган ишончнома.

Талабнома «Фойдали моделга Ўзбекистон Республикаси патентини бериш учун талабнома тузиш, топшириш ва кўриб чиқиш қоидалари»га мувофиқ расмийлаштирилади.
🧫«Yumshoq dori shakllari texnologiyasi» elektron oʼquv dasturi

🔹Dastur dorixona sharoitida fan va texnikaning yangi zamonaviy yutuqlaridan foydalangan holda sifatli yumshoq dori shakllarini tayyorlash boʼyicha talabalarning chuqur bilim va amaliy koʼnikmalarini shakllantirish uchun moʼljallangan. Dastur maz va krem ko’rinishidagi yumshoq dori shakllari ustida tajriba o’tkazish va dori vositalarining samarali ta’sir etish doirasini kengaytirishga yordam beradi.

🔹Dastur Oʼzbekiston Respublikasi Oliy va oʼrta maxsus taʼlim vazirligining tasdiqlangan oʼquv dasuri asosida tuzilgan boʼlib, unda oʼz bilim va tajribalari bilan farmatsiya rivojiga salmoqli hissa qoʼshgan olimlarning tadqiqot natijalari har tomonlama yoritilgan.

🔹Dasturning funksional imkoniyatlari quyidagilardan tashkil topgan:

• Android platformasidagi barcha qurilmalarda ishlaydi;

• maʼruza matnlari, savol va topshiriqlar, testlar, videoroliklar va animatsiyalar mavjud;

• tayyorlangan yumshoq dori shakllari sifat va miqdoriy tahlil qilinadi;

• qismlarning nomlari, kalit soʼzlar boʼyicha qidirish tizimi mavjud;

• har bir mavzu boshida talabalarning mavzuga qiziqishini oshirishga, bu boradagi bilimlarni shakllantirishga va bilimlarni kengaytirishga yordam beradigan kalit soʼzlar, glossariylardan iborat.

🔹Dastur orqali talaba, izlanuvchilar dori vositalarini yaratish ustida tajriba
o’tkazish va bilim, ko’nikmalarini oshirishga yordam beradi.

🔖Dastur muallifi Toshkent farmasevtika institutiga “Elektron hisoblash mashinalari uchun yaratilgan dasturlar va ma’lumotlar bazalarining huquqiy himoyasi to’g’risida”gi O‘zbekiston Respublikasining qonuniga ko’ra DGU 07723 raqamli guvohnoma berildi.
🔺 Жорий йил 24 май соат 16:00 ҳолатига кўра, Ўзбекистонда коронавирус инфекцияси қайд этилганлар сони 3150 (+18) нафарни ташкил қилмоқда.

❗️Янги касалланиш ҳолатларининг 5 нафари хориждан келган, яна 4 нафари карантин марказидаги фуқаролар орасида қайд этилди. Касаллик қолган 9 ҳолатда, жумладан, 8 ҳолатда пойтахтимизда, 1 ҳолатда эса Наманган вилоятида аҳоли орасидан аниқланди.

✔️Ҳозирда ушбу беморлар билан мулоқотда бўлган барча фуқаролар белгиланган тартибда қатъий карантинга олинган.

Айни пайтда юртимизда 2565 нафар коронавирус инфекциясига чалинган фуқаролар бутунлай соғайди. Ҳозирда 572 нафар беморга шифокорларимиз томонидан белгиланган стандартлар бўйича даво чоралари кўрилмоқда.

@koronavirusinfouz
#vahimasizkarantin
#карантинбезпаники
❗️2020 йил 25 май соат 09:30 ҳолатига жаҳонда коронавирус тарқалиши тўғрисида маълумот қуйидагича:

🔹Касалланганлар сони - 5 500 607 (+ 103 минг)

🔹Тузалганлар сони - 2 302 069 (+ 54 минг)

🔹Вафот этганлар 346 721 (+ 2 минг) нафарни ташкил этмоқда.

Манбаа: https://worldometers.info
❗️ Коронавирус билан касалланганлар сони бўйича энг юқори 10 мамлакат 2020 йил 25 май соат 09:30 ҳолатига:

🔹«Worldometers» маълумотларига кўра, коронавирус энг кўп тарқалган мамлакат —

АҚШда 1,686,436 (+ 41 минг) нафар инсон касалликни юқтирган.

Иккинчи ўрин Бразилияда 365 минг (+33 минг)дан ортиқ касаллангар аниқланган.

Учинчи ўрин Россияда 344 минг (+18 минг)дан ортиқ касалланганлар қайд этилган.

Манбаа: https://worldometers.info

@koronavirusinfouz
#vahimasizkarantin
#карантинбезпаники
⚡️(+16) — 2020 йил 25 май соат 10:00 ҳолатига кўра, Ўзбекистонда коронавирус инфекцияси қайд этилганлар сони 3180 нафарни ташкил этмоқда.


Айни пайтда юртимизда 2565 нафар коронавирус инфекциясига чалинган фуқаролар бутунлай соғайган.

❗️Ҳозирда мамлакатимизда 602 нафар беморга шифокорларимиз томонидан белгиланган стандартлар бўйича даво чоралари кўрилмоқда. 3 нафар беморнинг аҳволи оғир.

Соғлиқни сақлаш вазирлиги

@koronavirusinfouz
#vahimasizkarantin
#карантинбезпаники
❗️ Bu qiziq

❇️1948 yil 25 mayda Endryu J.Moyer penitsillinni ommaviy ishlab chiqarish usulini patentlaydi.

🔹Penitsillin eng birinchi kashf qilingan va keng tarqalgan antibiotiklardan biridir. Antibiotiklar - bakteriyalar va zamburug'lar chiqaradigan tabiiy moddalar bo’lib, boshqa organizmlar jismoniy harakatini to’xtatish vositasi hisoblanadi.

🔹Barchamizga ma’lum antibiotiklar orasida eng muhimlaridan biri ko’p yillar davomida hech kim tomonidan ahamiyat qaratilmagan. Faqatgina 1928 yilda Aleksandr Fleming mikroskop orqali ozuqaviy mog'orni kuzatib, u bir guruh mikroblarni yo'q qilishini aniqlaydi va shu tariqa penitsillinni kashf qiladi.

🔹Biroq ikkinchi jahon urushi boshlanguncha Fleming kashfiyotining ahamiyati ommaga ma’lum bo’lmagan. Bunga olim ixtironi patenlashni xohlamagani ham sabab bo’lishi mumkin. Keyinchalik ushbu vosita tanadagi ba'zi patogen bakteriyalarni yo’q qiluvchi dorilarni yaratilishiga turtki beradi.

🔹Bakteriyalarga qarshi samarali vosita topish maqsadida 1941 yil 26 noyabrda shakllarni oziqlantirish laboratoriyasining mutaxassisi Endryu J. Moyer doktor Xitlining yordami bilan penitsillin hosilini 10 baravar oshirishga muvaffaq bo'ladi. 1943 yilda zaruriy klinik tadqiqotlar o'tkazilgandan so’ng penitsillin hozirgi kunga qadar eng samarali antibakterial vosita ekanligi ma’lum bo’ladi. Mazkur antibiotik ikkinchi jahon urushida ko’plab yarador askarlar hayotini saqlab qolishga yordam beradi.

🔹Ishlab chiqarish ko'payishi bilan antibiotik bir dozasining narxi 1943 yil iyul oyida 20 AQSh dollaridan, 1946 yilga kelib har bir dozasi uchun 0,55 sentga tushadi.

🔖Faqatgina 1948 yil 25 mayda Endryu J.Moyerga penitsillinni ommaviy ishlab chiqarish usuli uchun patent beriladi.

🏅Britaniya guruhining ikki a'zosi - Endryu J. Moyer va doktor Xitlining izlanishlari natijasida Nobel mukofotiga sazovor bo'lishadi. Peoriya laboratoriyasining doktori Endryu Moyer nomi esa ixtirochilarning Shon-sharaf zalidan o’rin oladi.
#Биласизми

📘Муаллифлик ҳуқуқи ижодий фаолият натижалари ҳисобланадиган фан, адабиёт ва санъат асарларига (асарнинг мақсади, қадр-қиммати ва ифодаланиш усулига боғлиқ бўлмаган ҳолда) тааллуқли ҳисобланади.

💢Муаллифлик ҳукуки бошқа шахсга ўтказилмайди ва берилмайди. Ижодий фаолият натижасига нисбатан муаллиф ҳуқуқи ижодкор-яратувчисининг ўзигагина тегишли бўлиб, уни ўзидан бошқа бировга ўтказилиши мумкин эмас.

💢Шу сабабдан муаллифлик ҳуқуқини битим ёки шартнома асосида бошқа бировга ўтказиш (сотиш, ҳадя қилиш) ёки ундан бошқа шахслар фойдасига воз кечиш муаллифнинг ўз эрки, ихтиёри ва хоҳиши билан содир бўлса ҳам ҳакиқий ҳисобланмайди.

Бинобарин, бир шахс иккинчи шахс учун унинг номидан диссертация ёзиб бериши, асар ёзиб бериши ҳакидаги келишувлари хақиқий ҳисобланмайди ва қонунга номувофиқ битим саналади.

🔸Ўзбекистон Республикаси Жиноят кодекси 149-моддасига биноан эса интеллектуал мулк объектига нисбатан муаллифпик ҳуқуқини ўзлаштириб олиш, ҳаммуаллифликка
мажбурлаш ҳаракатлари учун жиноий жавобгарлик белгиланган.

Жумладан, Ўзбекистон Республикаси Жиноят кодексига кўра тафаккур мулки объектига нисбатан муаллифлик ҳуқуқини ўзлаштириб олиш, ҳаммуаллифликка мажбурлаш, шунингдек, тафаккур мулк объектлари тўғрисидаги маълумотларни улар расман рўйхатдан ўтказилгунга ёки эълон қилингунга қадар муаллифнинг розилигисиз ошкор қилиш —

🔸базавий ҳисоблаш миқдорининг йигирма беш бараваридан етмиш беш бараваригача миқдорда жарима ёки
🔸беш йилгача муайян ҳуқуқдан маҳрум қилиш ёхуд
🔸уч юз олтмиш соатгача мажбурий жамоат ишлари ёки
🔸уч йилгача ахлоқ тузатиш ишлари билан жазоланади.
«OIV bemorlarda markaziy asab tizimining opportunistik infeksiyalarini tashxislash va davolash algoritmi» dasturiy majmuasi

🔹Dastur OIV bilan kasallangan bemorlarda markaziy asab tizimining opportunistik infeksiyalarini tashxislash va davolash uchun moʼljallangan. Аsab tizimi OIV infeksiyasida organlar va tizimlarga zarar yetkazilish chastotasi boʼyicha immun tizimidan keyin ikkinchi oʼrinda turadi. Shu bois kasallik asab tizimiga zarar yetkazishini oldini olish va unga qarshi kurash dasturning bosh maqsadi sanaladi.

🔹Dasturning ahamiyati shundaki, unda keltirilgan metodik tavsiyalar OIV infeksiyasi bilan kasallangan bemorlarda markaziy asab tizimining opportunistik infeksiyalarini erta tashxislash va davolashning zamonaviy usullarini qo’llash orqali kasallikni samarali davolash imkonini beradi.

👨‍🔬Dasturdan OIV infeksiyasi sohasida ishlaydigan shifokorlar, nevropatologlar, infeksionistlar, klinik ordinatorlar, talabalar foydalanishi mumkin.

🔖Dastur muallifi Kasimova Ra’noga “Elektron hisoblash mashinalari uchun yaratilgan dasturlar va ma’lumotlar bazalarining huquqiy himoyasi to’g’risida”gi O‘zbekiston Respublikasining qonuniga ko’ra DGU 08048 raqamli guvohnoma berildi.