Talabalar uchun Xitoyda ta’lim olish imkoniyati yaratilmoqda

Bugun Fan va texnologiyalar universitetiga Xitoyning eng nufuzli oliygohlaridan biri - Dalyan texnologiya universitetining MDH mamlakatlarini oʻrganish markazi direktori hamda “Bir makon, bir yo‘l” oliy ta’lim markazi direktori o‘rinbosari lavozimlarida faoliyat yurituvchi, iqtisodiyot fanlari doktori, professor Guo Shuhong boshchiligidagi delegatsiya tashrif buyurdi.

Universitet rahbariyati bilan uchrashuv davomida ikki oliygoh o’rtasidagi hamkorlik, kelajakdagi aloqalar, professor-o'qituvchilar almashinuvi, stajirovka, malaka oshirish masalalari, talabalar almashinuvi, ikki tomon talabalarini yozgi maktablarga qabul qilish jarayonlari muhokama qilindi.

Shu bilan birga ikki tomon professor-o'qituvchilari birgalikda monografiya, darslik va o'quv qo'llanmalar yozib, nashr etish bo'yicha ham qator masalalar muhokama qilindi hamda amaliy ishlarni boshlashga kelishib olindi. Uchrashuv so'ngida mehmonlarga universitet rektori tomonidan esdalik sovg'alari topshirildi.

Aytib o’tish lozim, Dalyan texnologiya universiteti 1949-yilda tashkil etilgan. 50 mingga yaqin talabalarga ega ushbu universitet jahon reytingida birinchi darajali oliygoh hisoblanadi. Xitoyda 3000 ta OTM ichida 20-30 o'rinlarni egallaydi.

🔵Biz bilan aloqa: +99878-888-38-88 | Lokatsiya

26-aprel kuni Fan va texnologiyalar universiteti Moliya fakulteti Dasturiy injiniring yo'nalishi 1/23 DI guruh talabalari Fizika fanidan laboratoriya mashg'ulotlarini yanada samarali o'tkazish maqsadida O'zbekiston Milliy universitetining Fizika fakultetiga tashrif buyurdilar.

Talabalar ustozlari Ma'mur Davronov ko'rsatmasi yordamida tajriba amaliyotini sinab ko'rdilar. Nazariy bilimlarini amaliyotda sinash talabalar bilimlarini yanada mustahkamladi.

🔵Biz bilan aloqa: +99878-888-38-88 | Lokatsiya