📣DIQQAT, TALABALAR!

❗️Davlat nomli stipendiyalar tanlovida ishtirok etish uchun hujjatlar qabul qilinmoqda!
🗓Qabul muddati: 2025-yil 9-iyundan 14-iyungacha

Agar siz Prezident va Islom Karimov nomidagi nufuzli Davlat stipendiyalaridan birining sohibi bo‘lishni istasangiz, hujjatlaringizni tayyorlab, belgilangan muddatda topshirishga shoshiling!

⏺️MUHIM:
• Islom Karimov nomidagi stipendiya – bakalavriatning bitiruvchi va undan oldingi bosqich talabalari uchun mo‘ljallangan.
• Prezident stipendiyasi – bakalavriatning bitiruvchi bosqichi hamda magistratura talabalari uchun ajratiladi.

⸻
➡️O‘zbekiston Respublikasi Prezidenti nomidagi Davlat stipendiyasi:
• Faqat bakalavriatning bitiruvchi bosqichi va magistratura talabalariga mo‘ljallangan;
• Nomzodlar barcha fanlardan faqat “a’lo” baholarga ega bo‘lishi shart;
• Nomzod O‘zbekiston fuqarosi bo‘lishi va Fan va texnologiyalar universitetida tahsil olayotgan bo‘lishi lozim.

➡️ Islom Karimov nomidagi stipendiya:
• Bakalavriatning yuqori bosqich talabalari (3- va 4-kurslar) uchun mo‘ljallangan;
• Talab: asosiy baholar “a’lo” bo‘lishi, 25% dan ortiq bo‘lmagan “yaxshi” baholar ruxsat etiladi;
• Ilmiy-tadqiqot va ijodiy faoliyatda faol ishtirok etgan bo‘lishi lozim.

⸻
➡️Kerakli hujjatlar ro‘yxati:

• Pasport nusxasi;
• Tavsif-xarakteristika (ob’ektivka);
• Reyting daftarchasi (transcript - barcha semestrlar baholari bilan);
• Dekan yoki kunduzgi bo'lim boshlig'i tavsiyanomasi;
• Ilmiy rahbar tavsiyanomasi;
• Ilmiy ishlar ro'yxati;
• Ilmiy ishlar nusxalari;
• Ilmiy ishlar annotatsiyasi;
• Konferensiyalar, olimpiadalar va ilmiy seminarlar bo‘yicha ilmiy ishlar, diplomlar va sertifikatlar nusxalari (albatta dekanat yoki kunduzgi bo'lim boshlig'i tomonidan tasdiqlangan holda);
• Madaniy, sport va jamoat tadbirlarida ishtirok etganligini tasdiqlovchi hujjatlar;
• Chet tillari, AKT va O‘zbekiston tarixi bo‘yicha bilim darajasini tasdiqlovchi sertifikatlar.

⚠️MUHIM! Noto‘g‘ri yoki soxtalashtirilgan ma’lumotlar aniqlanganda, nomzod tanlovdan darhol chetlashtiriladi.

⸻
📍Hujjatlar qabul qilinadigan joy:
Ilmiy ishlar, innovatsiyalar va iqtidorli talabalar bilan ishlash bo‘limi
Bosh bino, 2-qavat 221-xona
🕖Qabul vaqti: 10:00 dan 17:00 gacha

📞Ma’lumot uchun bog‘lanish:
• Bo‘lim boshlig‘i – Xaitov Elmurod Bekmurodovich:
+998 90 965 86 79
⸻
🎓Imkoniyatni qo‘ldan boy bermang! Davlat stipendiyasi — bu sizning yutuqlaringiz e’tirofi va yangi marralar sari rag‘batdir!