Այսօր ՀՖՀՀ-ն հյուրընկալեց «ԵՄ անդամակցության այլընտրանքներ. Շվեյցարիայի և ԵՄ-ի հարաբերությունների օրինակը» դասախոսությունը, որով տրվեց նաև Ցյուրիխի համալսարանի Եվրոպա ինստիտուտի (EIZ) 🇨🇭 հետ համատեղ կազմակերպված ամառային ինտենսիվ դասընթացի մեկնարկը: ՀՖՀՀ ռեկտոր տիկին Սալվա Նակուզին իր երախտագիտությունը հայտնեց EIZ-ի մեր գործընկերներին ՀՖՀՀ համայնքի համար կազմակերպված ամառային դասընթացների երկրորդ թողարկման համար և հույս հայտնեց, որ այս համագործակցությունը կլինի շարունակական:
✅Ողջույնի խոսքով հանդես եկան ՀՀ-ում Ֆրանսիայի դեսպան Ն․Գ․ տիկին Անն Լույոն և ՀՀ-ում Շվեյցարիայի դեսպան Ն․Գ․ պարոն Լուկաս Ռոզենկրանցը: Պատվավոր հյուրերի ցանկում էին նաև Հայաստանում ՄԱԿ-ի Փախստականների գործակալության ներկայացուցիչ տիկին Կավիտա Բելանին և Հայաստանի դիվանագիտական դպրոցի տնօրեն, արտակարգ և լիազոր դեսպան Վահե Գաբրիելյանը: 🧑‍🏫 Դասախոսության ընթացքում Ցյուրիխի Եվրոպա ինստիտուտի տնօրեն պրոֆեսոր Անդրեաս Քելերհալսն անդրադարձավ Շվեյցարիայի և ԵՄ-ի միջև երկկողմ հարաբերությունների պատմությանը, իրավական և քաղաքական կողմերին:

🌎🇪🇺 Հաջողությամբ ավարտվեց Ցյուրիխի Եվրոպա ինստիտուտի հետ համագործակցությամբ կազմակերպված եվրոպական ինտեգրացիայի վերաբերյալ ամառային դասընթացի առաջին շաբաթը:
Ինստիտուտի տնօրեն պրոֆ․ Անդրեաս Քելլերհալսը և փոխտնօրեն դոկտոր Տոբիաս Բաումգարտներն անդրադարձան եվրոպական ինտեգրացիայի պատմությանն ու հեռանկարներին, ինտեգրացիայի այլընտրանքային մոդելներին, ԵՄ-ի ինստիտուցիոնալ և իրավական համակարգին: Շաբաթը ՀՖՀՀ համայնքի համար լի էր գիտելիքով, հետաքրքրաշարժ զրույցներով և մտածելու տեղիք տվող գաղափարներով:
🤝Շնորհակալ ենք մեր գործընկերներին։ Ոգևորությամբ սպասում ենք գալիք շաբաթվան։🌟