ដោយមានការចង្អុលណែនាំ​ពី​ ឯកឧត្តមអភិសន្តិបណ្ឌិត​ ស​ សុខា​ ឧបនាយករដ្ឋមន្ត្រី​ រដ្ឋមន្រ្តីក្រសួងមហាផ្ទៃ​ និងក្រោមការដឹកនាំផ្ទាល់របស់ ឯកឧត្តម នាយឧត្តមសេនីយ៍ ឈន សារ៉ាណេ អនុរដ្ឋលេខាធិការ​ និងជាប្រធានសមាគមកីឡាបាល់ទាត់ក្រសួងមហាផ្ទៃ​ តែងតែចូលរួមរាល់សកម្មភាពមនុស្សធម៌​ និង​ ការងារសង្គមផ្សេងៗ​។ ជាក់ស្តែងនាព្រឹកថ្ងៃចន្ទ​ ទី​០៧​ ខែ​មេសា​ ឆ្នាំ​២០២៥​ ក្រុមការងារលេខាធិការ​ គ្រូបង្វឹក​ និងកីឡាករទាំងអស់បានចូលរួមបរិច្ចាគឈាមនៅមជ្ឈមណ្ឌលជាតិផ្តល់ឈាម​ ដេីម្បីចូលរួមចំណែកជួយដល់សង្គមជាតិ​ និងជាថ្ងៃទិវាសុខភាពពិភពលោកផងដែរ​។ គួរបញ្ជាក់ផងដែរថា​ នេះគឺជាការបរិច្ចាគឈាមជាលេីកទី៣​ របស់សមាគមកីឡាបាល់ទាត់ក្រសួងមហាផ្ទៃ៕