សហព័ន្ធកីឡាបាល់ទាត់កម្ពុជា មានកិត្តិយសសូមជម្រាបជូនដល់សាធារណជន ជាពិសេសអ្នកគាំទ្រវិស័យកីឡាបាល់ទាត់ជាតិទាំងអស់ មេត្តាជ្រាបថា ការប្រកួតជម្រើសជើងឯក ខេមបូឌានលីគយុវជន អាយុក្រោម១៦ឆ្នាំ និង១៩ឆ្នាំ ឆ្នាំ២០២៤ នឹងប្រព្រឹត្តទៅចាប់ពីថ្ងៃទី១៩​ ខែឧសភា ឆ្នាំ២០២៤ នេះតទៅ​ ដោយមានសមាគម​/ក្លិបបាល់ទាត់​ចំនួន១១ សរុបចំនួន២០ក្រុម ចូលរួមប្រកួតប្រជែងក្នុងការប្រកួតជម្រើសជើងឯកនេះ រួមមានក្រុមយុវជនអាយុក្រោម១៦ឆ្នាំ និង១៩ឆ្នាំ មកពីក្លិបបាល់ទាត់អង្គរថាយហ្គឺរ ក្លិបបាល់ទាត់បឹងកេត ក្លិបបាល់ទាត់ អាយ អេស​ អាយ ដង្កោសែនជ័យ ក្លិបបាល់ទាត់ណាហ្គាវើលដ៍ ក្លិបបាល់ទាត់ព្រខ័នរាជស្វាយរៀង ហ្វូតបលក្លិប ឯ.ក​ ក្លិបបាល់ទាត់ភ្នំពេញក្រោន សមាគមកីឡាបាល់ទាត់ ខ.ភ.ម ក្លិបបាល់ទាត់វិសាខា សាលាតម្រង់ទិសរាជធានីភ្នំពេញ រួមជាមួយក្រុមយុវជន អាយុក្រោម១៦ឆ្នាំ របស់សមាគមក្លិបបាល់ទាត់សៀមរាប យូណាយធីត និងក្រុមយុវជនអាយុក្រោម១៦ឆ្នាំ របស់សាលាកីឡាបាល់ទាត់ជាតិ។

ការប្រកួតត្រូវបែងចែកចេញជាពីរដំណាក់កាល ដោយដំណាក់កាលទីមួយត្រូវធ្វើការប្រកួត តាមរូបមន្ត លីគពីរជុំ (ម្ចាស់ផ្ទះ និងភ្ញៀវ) និងដំណាក់កាលទីពីរ បន្ទាប់ពីបញ្ចប់ការប្រកួតលីគពីរជុំ ក្រុមដែលមាន ចំណាត់ថ្នាក់ពីលេខ១ ដល់លេខ៤ នឹងត្រូវប្រកួតចំនួន០៣ប្រកួតបន្ថែមទៀត ដើម្បីជ្រើសយក០១ក្រុមដែល មានពិន្ទុខ្ពស់ជាងគេ នឹងក្លាយជាក្រុមជើងឯក។ សូមបញ្ជាក់ផងដែរថា ការប្រកួតទាំងពីរកម្មវិធីខាងលើនេះ មានចំនួនសរុប ១៨៦ប្រកួត ដែលមានរយៈពេល ០៦ខែ។

អាស្រ័យហេតុនេះ សូមសាធារណជន និងអ្នកគាំទ្រវិស័យកីឡាបាល់ទាត់ជាតិទាំងអស់ មេត្តាជ្រាបជាព័ត៌មាន។

Credit: FFC 📸

#FootballFederationofCambodia
#ffc #cambodianyouthleague2024

នៅសល់១ថ្ងៃទៀតទេ! 🏆 តើក្រុមណាែដលនឹងក្លាយជាម្ចាស់ជើងឯកការប្រកួតជម្រើសជើងឯកខេមបូឌានលីគយុវជនអាយុក្រោម ១៦ឆ្នាំ និង១៩ឆ្នាំ ឆ្នាំ២០២៤
វគ្គផ្ដាច់ព្រ័ត្រ សប្តាហ៍ទី ២១

🗓ថ្ងៃអង្គារ ទី១២ ខែវិច្ឆិកា ឆ្នាំ២០២៤ | ពហុកីឡដ្ឋានជាតិ (អូឡាំពិក)
🎫 ចូលរួមទស្សនាដោយសេរី

🏆ខេមបូឌានលីគយុវជនអាយុក្រោម ១៦ឆ្នាំ
ក្លិបបាល់ទាត់វិសាខា 🆚 សមាគមក្លិបសៀមរាប យូណាយធីត
⏰ វេលាម៉ោង ៣:០០នាទីរសៀល

🏆ខេមបូឌានលីគយុវជនអាយុក្រោម ១៩ឆ្នាំ
ក្លិបបាល់ទាត់វិសាខា 🆚 ក្លិបបាល់ទាត់ អាយអេសអាយ ដង្កោសែនជ័យ
⏰ វេលាម៉ោង ៦:៣០នាទីល្ងាច
🔴ផ្សាយផ្ទាល់ដោយ TV5 Cambodia

#cambodianyouthleague2024 #Week21 #CYL #FinalMatch #CYLU16 #CYLU19 #U16 #U19