Prezident Shavkat Mirziyoyev raisligida meva-sabzavot mahsulotlarini yetishtirish, qayta ishlash va eksport qilishni ko‘paytirish chora-tadbirlari yuzasidan videoselektor yig‘ilishi bo‘lib o‘tmoqda.

Yig‘ilishda tomorqa, ko‘chalar, dala chetlari va kanal-kollektorlar atrofidagi yerlarda oziq-ovqat va daromadli ekinlarni ekib, aktivga aylantirish masalalari muhokama qilinmoqda.
〰〰〰

Ijobiy natijalar bilan birga, Prezident ta’kidlaganidek, ayrim viloyat, tuman hokimlari, qishloq xo‘jaligi bo‘yicha o‘rinbosarlar ishni to‘g‘ri tashkil qilmagani uchun mahsulot va eksport hajmida katta o‘zgarish sezilmayapti.

Shuningdek, 64 ta tumanda eksport o‘tgan yilga nisbatan kamaygan bo‘lsa, shundan 17 tasida 50 foizga ham yetmagan.

Hokimlar bugun dunyodagi og‘ir vaziyatni hisobga olib, har kuni izlanib, yangi-yangi imkoniyatlar topib, ishga solishi shartligi haqida ogohlantirildi.
〰〰〰

Yig‘ilishda dala chetlariga ekin ekish holati tanqidiy ko‘rib chiqildi.

Ba’zi joylarda dehqonlarga sifatsiz urug‘ sotilgan, zararkunandaga qarshi berilayotgan dorilar ham talabga javob bermaydi.

Shu munosabat bilan Qishloq xo‘jaligi vazirligi va O‘simliklar karantini agentligiga hokimlar, eksportchi, tajribali klaster, kooperatsiya va fermerlar bilan birgalikda oziq-ovqat ekinlarining urug‘i, ko‘chati, dorisi, o‘g‘iti bo‘yicha ishlashning yangi tizimini ishlab chiqish topshirildi.
〰〰〰

Dala chetidan samarali foydalanayotgan tadbirkorlar ham ko‘payib borayotgani ta’kidlandi.

Yil yakunigacha dala chetlaridagi 650 ming, aholiga berilgan 364 ming gektarni eksportchi-tadbirkorlarga biriktirish topshirildi.

Endilikda tomorqa, ichki ko‘chalar, dala chetlari va kanal-kollektorlar atrofidagi yerlarda daromadli ekinlar ekish va ularni eksport qilishga O‘simliklar karantini va himoya agentligi mas’ul bo‘lishi belgilandi.

Viloyat hokimlaridan ham bu borada so‘rov qattiq bo‘lishi qayd etildi.

Telegram | Facebook | Instagram | YouTube | Web-site | X

Dala chetini samarali ishlatgan fermerlarga tadbirkorlar reytingini hisoblashda qo‘shimcha ball beriladi, ichki fitosanitar sertifikati bir yil davomida bepul beriladi. Fermerlarga barcha yerlari uchun yer solig‘ini ikki yilga bo‘lib to‘lashga ruxsat beriladi.

"Oilaviy tadbirkorlik" dasturidagi 100 million so‘mgacha bo‘lgan kreditlar soddalashtirilgan tartibda ajratiladi.

Shu bilan birga, dala cheti hisobi, nima mahsulot yetishtirilgani va qancha mahsulot olingani "e-Fito" portali orqali nazorat qilib boriladi.

Shuningdek, har bir mahallada kamida 100 tadan xonadonga limon, uzum ko‘chati tarqatish, ko‘chalar va ko‘p qavatli uylar atrofida aholining tashabbuslari asosida kamida 10 million tup uzum ekish muhimligi ta’kidlandi.

Sayxunobod tajribasi asosida 164 ta qishloq tumanlarining 4 tadan mahallasiga minitexnika berilishi belgilandi. Kim minitraktorda xizmat ko‘rsatsa, o‘zini o‘zi band qilgan bo‘ladi va ularga mamlakatimizda chiqadigan texnika uchun 30 million so‘mgacha garovsiz kredit beriladi.

Telegram | Facebook | Instagram | YouTube | Web-site | X

Yil yakunigacha quvvati 57 ming tonna bo‘lgan 10 ta agrologistika markazi, 230 ming tonnalik sovutkichli omborxona ishga tushiriladi

Viloyat hokimlariga yil yakunigacha 14 ming, kelgusi yili 29 ming gektar sanoatlashgan intensiv mevali bog‘ va tokzorlarni barpo etish topshirildi.

Texnik jihatdan tartibga solish va O‘simliklar karantini agentliklariga eksportga yuborishda har bir meva-sabzavot turi bo‘yicha alohida texnik standartlarni ishlab chiqish vazifasi qo‘yildi.
〰〰〰

Hozirda atigi 10 ta tumandagi 3 ming 900 gektar maydonda organik sertifikat mavjudligi, shuningdek, Jahon bozorida organik mahsulotlar narxi an’anaviy mahsulotlardan 2-3 karra qimmatligi ko‘rsatib o‘tildi.

Mutasaddilarga organik maydonlarni 2025-yilda 10 ming gektarga, kelgusi uch yilda 100 ming gektarga yetkazish topshirildi.

Endilikda organik maydon tashkil qilgan fermer va dehqonlarga yerni lazer bilan tekislash xarajati davlat tomonidan qoplab berilishi, "Organik", "Global Gap", "Halol", "Kosher" kabi sertifikatlarni olish xarajatlari uchun subsidiya ajratilishi, yirik savdo tarmoqlarida organik mahsulotlar uchun alohida rastalar tashkil etilishi belgilandi.

Telegram | Facebook | Instagram | YouTube | Web-site | X

Banklar balansiga olingan issiqxona, qayta ishlash sexlari, muzlatkichli omborlar uzoq vaqt ishlatilmasa, yaroqsiz ahvolga kelishi qayd etilib, ushbu korxonalarni tajribali tadbirkorlarga uch yil muddatga ishonchli boshqaruvga berish taklif etilgan.

Ijobiy natija ko‘rsatgan tadbirkorlarga bu mulklar 10-yilda bo‘lib to‘lashga berilishi, qishloq xo‘jaligi texnikalarini lizingga yetkazib berish tizimini issiqxonalar uchun ham joriy qilish zarurligi ta’kidlandi.

O‘mon Sultonligining yirik savdo tarmoqlarida O‘zbekiston mahsulotlari uchun alohida rasta ajratilib, ilk bor gilos, shaftoli va o‘rik eksporti yo‘lga qo‘yildi. Ushbu tajribani Malayziya, Saudiya Arabistoni, Arab Amirliklari, Qatar, Singapur, Koreya, Yaponiya va Yevropada kengaytirish muhim ekani aytildi.

Ushbu davlatlarda savdo yarmarkalarini birinchi marta tashkil qilish xarajatlari qoplab berilishi ta’kidlandi.
〰〰〰

Yig‘ilishda hokimlar tomonidan eksportni bajarish uchun boshqa viloyatdan kelgan tadbirkorlarga to‘sqinlik qilish hollari haligacha uchrayotgani ko‘rsatib o‘tildi. Oqibatda xaridori va mablag‘i tayyor eksportchilar mahsulotsiz qolib ketayapti.

Bundan buyon eksport jarayonida fitosanitar sertifikatda mahsulot yetishtirilgan hudud majburiy ko‘rsatiladigan tizim bo‘lishi e’lon qilindi.

Mas’ul idoralarga bojxona va karantin ma’lumotlar bazasini integratsiya qilib, bu tizimni ishlatish topshirildi.

Telegram | Facebook | Instagram | YouTube | Web-site | X

Termiz shahri | "Kitobsevar millat” loyihasi doirasida tadbirlar o’tkazilmoqda

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

Termiz shahri | 5 ming aholini tabiiy gaz ta’minoti yaxshilanmoqda

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram

Termiz shahrida keksalar va nuroniylarni har tomonlama qo’llab-quvvatlash borasida qanday ishlar amalga oshirilmoqda?

O‘zbekiston Respublikasi Prezidentining “Nuroniylarni har tomonlama qo‘llab-quvvatlash, ularning turmush darajasini oshirishga doir qo‘shimcha chora-tadbirlar to‘g‘risida” 2022-yil 15-martdagi PQ-167 qarori ijrosi bo’yicha Termiz shahrida yolg‘iz keksalar, sharoiti og‘ir nogironligi bor keksalarning holidan xabar olish, mahallalardagi keksalarni har yili ikki marotaba bepul chuqurlashtirilgan tibbiy ko‘rikdan o‘tkazildi.

Shahardagi mahallalarda “Keksalar maslahati guruhi”, “Buvijonlar maktabi” tashkil qilingan.

O‘zbekiston Respublikasi Prezidentining 2022-yil 19-yanvardagi mahallada yoshlar bilan ishlash tizimini takomillashtirish chora-tadbirlari to‘g‘risida
PQ-92-sonli qarori ijrosi bo’yicha mahallalarda yoshlar tarbiyasi bilan shug‘ullanish uchun “Bir nuroniy o‘n yoshga mas’ul” tamoyili asosida nuroniylar o‘n nafar yoshga biriktirildi.

Qolaversa, mahallalardagi maktab, universitet va korxonalarda “Uch avlod” uchrashuvi tadbirlarini o‘tkazilib kelinmoqda.

“Ajrimlarning oldini olish”, “Qo‘sha-qarish saodati”, maktablarda “Otalar yig‘ilishi” kunlari o‘tkazilib kelinmoqda.

Mahallalarda, maktab va bog‘chalarda nuroniylar tomonidan
“Suv tekin emas!” shiori asosida targ‘ibot ishlari olib borilmoqda.

Nuroniylar dars mashg’ulotlariga qatnashmoqdalar. Yoshlarni kitob o‘qitishga jalb qilinyapti. Maktablarda “Ikki til va bir kasb” loyihasi amalga oshilib kelinmoqda. Yoshlar bilan taniqli rahbar, qahramonlar uchrashuvlari uyushtirilmoqda.

“Turizm oyligi” davrida sayohatlarga olib chiqildi, muzey va ziyoratgoh joylarga olib borilmoqda.
(Samarqand va Buxoro viloyatlariga)

Sog‘lik uchun “Besh ming qadam yurish” sport musobaqalari tashkil qilinib kelinyapti.

“Kambag‘allikdan farovonlik sari” loyihasi doirasida shahardagi 37 ta mahallaning har biridan 3 nafar nuroniyga 5 nafar kambag‘al oilalar biriktirilgan va hayriya ishlari, yordam qo’llari cho’zilmoqda.

Muhtaram prezidentimizning “Yashil makon” umummilliy harakati loyihasining shahardagi barcha o’tkazilayotgan chora-tadbirlarida nuroniylarni jalb qilingan va faol ishtirok etib kelmoqda.

🇺🇿Termiz shahar hokimligi Axborot xizmati

Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram