Тележүргізуші Бейсен Құранбек 49 жасына қараған шағында өмірден озды. Оның қайтыс болғаны туралы оның журналистика саласындағы әріптестері хабарлады.
⠀
Бейсен Құранбектің ауыр дертке шалдыққаны туралы өткен жылы белгілі болды. Тележүргізуші жансақтау бөлімінен шығып, өзі үшін алаңдаған көпшілікке жағдайын баяндаған болатын. Ол кезде журналист денсаулығы қалыпқа келе жатқанын хабарлаған еді.
⠀
Еске сала кетейік, Бейсен Құранбек 1971 жылдың 9 желтоқсанында Алматы облысы Кербұлақ ауданы Қызылжар ауылында дүниеге келген. Әл-Фараби атындағы Қазақ ұлттық университетін бітірген.
⠀
Еңбек жолын республикалық «Спорт» газетінде тілші, жауапты хатшы қызметінен бастаған
⠀
2017 жылдың қыркүйек айынан бері ұлттық арнадағы «Қарекет» бағдарламасын жүргізді.