⚡️ "Реал Мадрид"нинг собиқ мураббийи Карло Анчелотти 2014 йилдаги солиқ йили билан боғлиқ равишда Давлат ғазнасига қарши жиноят содир этгани учун 1 йил қамоқ жазосига ҳукм қилинди. Бироқ, у 2015 йилга тааллуқли шунга ўхшаш айбловдан оқланган.

Ҳуқуқий манбалар ЕФЕ агентлигига маълум қилишича, Мадрид вилоят суди (30-бўлим) уни 2014 йилдаги фирибгарлик бўйича айбдор деб топиб, 386 361,93 евро миқдорида жарима тўлашга, шунингдек, 3 йил давомида давлат ёрдами ёки субсидиялар олиш ва солиқ ҳамда ижтимоий таъминот имтиёзларидан фойдаланиш ҳуқуқидан маҳрум этган.

Гарчи у 2015 йилги даромад солиғи (ИРПФ) бўйича гумон қилинаётган фирибгарликдан оқланган бўлса-да, суд 386 361,93 евро миқдоридаги фуқаролик жавобгарлиги Давлат ғазнаси фойдасига ундирилишини белгилаган.

Прокуратура Анчелоттини "Реал Мадрид"даги илк мураббийлик даврида 2014 йилда 386 361 евро ва 2015 йилда 675 718 евро, жами 1 062 079 евро миқдоридаги солиқдан қочганликда айблаган.

Мадрид судида 2–3 апрель кунлари бўлиб ўтган суд мажлисида Анчелотти ҳеч қачон солиқ тўламаслик ниятида бўлмаганини, у клуб ва маслаҳатчиларининг кўрсатмаларига амал қилганини айтган" - деб хабар бермоқда Испаниянинг "Марcа" нашри.

🔵@sports_uz

❤️❤️❤️⚽️⚽️ @cheryuzbekistan

🔥 Модрич сўнгги беллашувида кўз ёшларини тийиб тура олмади.

🔵@sports_uz

❤️❤️❤️⚽️⚽️ @cheryuzbekistan

"Реал Мадрид" дарвозабони Тибо Куртуа ПСЖдан учралган аламли мағлубият ҳақида гапирди:

"Авваламбор, барча мухлисларимиздан узр сўрайман. Муаммо шундаки, биз жамоа бўлиб босим қила олмадик. Ўйин бошидаги иккита жиддий хато бизга салбий таъсир кўрсатди.

Биз Хабининг режасини тўлиқ бажара олмадик. Буни таҳлил қилишимиз керак, лекин мен кўрганимда, биз доимо кечикиб ҳаракатланаётгандик. Шу сабаб, биз мураббийнинг кўрсатмаларига тўлиқ амал қилмадик.

Бу оғир мағлубият, аммо бундан сабоқ чиқаришимиз керак. Биз тўғри йўлдан боряпмиз.

Баъзан шундай мағлубият олдинда ҳали кўп иш борлигини англашга ёрдам беради" - дея ўз фикрлари билан ўртоқлашди бельгиялик посбон.

🔵@sports_uz

❤️❤️❤️⚽️⚽️ @cheryuzbekistan

🔥 "Реал Мадрид" мутахассиси Хаби Алонсо Клублар ўртасидаги Жаҳон чемпионатининг ярим финалида ПСЖдан учралган мағлубият ҳақида ўз фикрларини билдирди:

"ПСЖ - бу ажойиб жамоа. Биз эндигина бошладик. Қийинчиликлар билан юзлашдик, вазият оғир эди. Яхшилашимиз керак бўлган кўп жиҳатлар бор.

Таҳлил қилиш ва ўрганиш учун кўп нарса бор. Энди биз қаерда эканлигимизни, нимага эътибор қаратишимиз кераклигини, қаерга интилишимизни ва бунга қандай тайёргарлик кўришимизни биламиз.

Бизнинг ривожланишимиз учун жуда кенг имкониятлар бор. Баъзи ижобий томонларни аниқладик ва кучлироқ жамоа бўлиб кетмоқдамиз.

Бу турнир бизнинг ким эканлигимизни ва нималарни яхшилашимиз кераклигини кўрсатди. Бу 2024/25 йил мавсумининг сўнгги ўйини. Янги мавсумимиз августда бошланади.

Шунингдек, бу биз хоҳлаган натижа эмас, лекин вазият шундай. Буни қабул қилишимиздан бошқа иложимиз йўқ. Олдинда яна мағлубиятлар бўлиши мумкин. Бу футбол-да"

Лука Модрич бугунги ўйин билан эслаб қолинмайди. У бу 25 дақиқа эмас, балки кўплаб ажойиб ютуқлари билан хотирамизда қолади. У афсона, "Реал Мадрид" афсонаси. У билан ишлаш ҳақиқий завқ эди" - дея таъриф бериб ўтди қироллик клубининг янги бош мураббийи.

🔵@sports_uz

❤️❤️❤️⚽️⚽️ @cheryuzbekistan

🔥 Алонсо ўйиндан кейинги матбуот анжуманида нега Родригонинг майдонга тушмаганига жавоб берди:

"Нега Родригога дақиқа берилмади? Бу техник қарор. Биз бошқа ўйинчилар билан яхшироқ натижа кўрсатамиз деб ҳисобладик" - дея тушунтирди испаниялик мутахассис.

🔵@sports_uz

❤️❤️❤️⚽️⚽️ @cheryuzbekistan