Испаниядан 6 ойда Ўзбекистонга 5307 нафар турист келган

Статистика агентлиги маълумотларига кўра, 2023 йилнинг январь-июнь ойларида Испаниядан Ўзбекистонга 5 307 нафар туристлар ташриф буюрган.

Ойлар кесимида Испаниядан Ўзбекистонга келган туристлар сони:

— январда – 137 нафар;
— февралда – 186 нафар;
— мартда – 534 нафар;
— апрелда – 1503 нафар;
— майда – 1629 нафар;
— июнда – 1318 нафар.

Энг сўнгги хабарларга обуна бўлинг: 👉 @sofuzb

Аҳмедов Ботир Илҳомович Бухоро вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари этиб тайинланди.

Тайинловга қадар у Иқтисодиёт ва молия вазирлиги лойиҳалар офиси бошлиғининг ўринбосари лавозимида ишлаб келаётган эди.

Энг сўнгги хабарларга обуна бўлинг: 👉 @sofuzb

Ўзбекистонда 6 ой ичида 12 млрд 146 млн киловатт-соат электр энергияси ишлатилган

Январь-июль ойларида истеъмолчиларга 12 млрд 146 млн киловатт-соат электр энергияси етказиб берилган. Бу ўтган йилнинг мос давридагига нисбатан 1 млрд 100 млн киловатт-соат ёки 9,6 фоиз кўп.

Энг сўнгги хабарларга обуна бўлинг: 👉 @sofuzb

Бухорода соф олтин қуйма бўлакларини сотмоқчи бўлганлар ушланди

Бухоро вилоятида соф қуйма олтин бўлакларини муомалага киритилишининг олди олинди, деб хабар бермоқда Иқтисодий жиноятларга қарши курашиш департаменти.
 
Хабарда айтилишича, департаментнинг Бухоро вилоят бошқармаси томонидан ИИБ ходимлари билан ҳамкорликда ўтказилган тезкор тадбирда фуқаролар Ж.Р., Ж.Н. ва Ф.Ў. Шофиркон тумани ҳудудида жами 437,3 грамм бўлган 4 дона соф қуйма олтин бўлакларини фуқаролар Р.Ш., Ф.Ш.га 7 минг АҚШ доллари ва 300 млн сўмга сотган вақтларида ашёвий далиллар билан ушланган.

Қўшимча қилинишича, мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.

Энг сўнгги хабарларга обуна бўлинг: 👉 @sofuzb

Ўзбекистон Республикасининг демографик кўрсаткичлари рақамларда

Статистика агентлиги маълумотларига кўра, 2023 йилнинг 1 июль ҳолатига Ўзбекистон Республикасининг демографик кўрсаткичлари статистик рақамларда:

Аҳоли сони – 36,4 млн киши:

— Аёллар сони – 18,1 млн киши;
— Эркаклар сони – 18,3 млн киши;

— Шаҳарда яшовчилар – 18,6 млн киши;
— Қишлоқда яшовчилар – 17,8 млн киши;

— Никоҳлар сони – 98,7 мингта;
— Никоҳдан ажралишлар сони – 25,4 мингта.

Ташқи миграция:

— Кўчиб келган – 1,6 минг киши;
— Кўчиб кетган – 9 минг киши.

Энг сўнгги хабарларга обуна бўлинг: 👉 @sofuzb

Қозоғистон Германияга 90 минг тоннага яқин нефть жўнатди

Қозоғистон Германияга 90 минг тоннага яқин нефть жўнатди. Келишувларга кўра, кўрсатилган ҳажм кўпаяди. Бу ҳақда ҚР Энергетика вазири Алмасадам Сатқалиев маълум қилди.

«Боку-Тбилиси-Жайҳон нефть қувури билан Қозоғистон нефтини экспорт қилиш бўйича келишувларимиз бор. Боку-Супса йўналишида нефтни ташиш имкониятлари муҳокама қилиняпти. Шунингдек, биз ОАВга Қозоғистон «Дружба» қувури орқали Германияга нефть етказиб беришни бошлаганини айтдик», – деди Алмасадам Сатқалиев Ҳукумат йиғилишида.

Қайд этиш жоизки, ушбу етказиб беришлар Қозоғистон нефтини транзит қилиш бўйича аввал тузилган шартномаларга мувофиқ амалга ошириляпти.

«Қозоғистоннинг углеводород хомашёси ҳажми халқаро шартномалар доирасида амалга ошириляпти. Тахминан 90 минг тонна жўнатилди. Келишувларга кўра, бу ҳажм кўпаяди», – деди Вазир.

Энг сўнгги хабарларга обуна бўлинг: 👉 @sofuzb

АҚШ долларининг расмий курси пастлади

Марказий банк хорижий валюталарнинг янгиланган расмий курслари тўғрисида ахборот берди.

— 1 АҚШ доллари — 11 664.86 (-10.15) сўм;
— 1 евро — 12 796.35 (-6.47) сўм;
— 1 Россия рубли — 121.39 (+058) сўм.

Энг сўнгги хабарларга обуна бўлинг: 👉 @sofuzb

Россияга қарши санкциялар рўйхати кенгайди

Буюк Британия Россияга қарши санкциялар рўйхатига 19 та янги рўйхат қўшди.

Беларуссияга қарши санкциялар рўйхатини олтитага кенгайтирди, деди Британия ҳукумати.

Шунингдек, Россия Федерациясини мудофаа соҳасида қўллаб-қувватлагани учун Эрон ислом республикасининг жисмоний ва юридик шахсларига нисбатан санкциялар киритди.

Энг сўнгги хабарларга обуна бўлинг: 👉 @sofuzb

Brent нархи бир баррель учун 86 доллардан ошди

Душанба куни халқаро биржаларда Brent маркали нефт бир баррели учун 86,14 доллардан сотилмоқда, деб хабар бермоқда Anadolu агентлиги.

Сешанба кунги сўнгги кимошди савдосида ушбу бенчмарк маркали нефтнинг бир баррель нархи кунни 86,24 доллар билан якунлади.

7 август куни эрталабки ҳолатга кўра, бенчмарк нефть нархи 0,11 фоизга пасайиб, бир баррель учун 86,14 долларни ташкил этди.

WTI русумли нефть учун фьючерс нархи бир баррель учун 82,75 долларни ташкил этди.

Энг сўнгги хабарларга обуна бўлинг: 👉 @sofuzb

"Умра" хизматлари фақат маҳаллий туроператор томонидан амалга оширилади

“Умра” тадбирларини ташкил этиш ва ўтказишда зиёратчиларнинг манфаатларини самарали ҳимоя қилиш бўйича қўшимча чора-тадбирлар тўғрисида”ги Ҳукумат қарори (345-сон, 08.08.2023 й.) қабул қилинди.

Қарорга кўра, “Умра” тадбирларини ташкил этиш ва ўтказишга оид хизматларни кўрсатиш билан боғлиқ туристик фаолиятни амалга ошириш лицензияси чиқиш туризми кичик турининг алоҳида фаолият йўналиши ҳисобланиб, мазкур фаолият фақат маҳаллий туроператор томонидан амалга оширилиши белгиланди.

Энг сўнгги хабарларга обуна бўлинг: 👉 @sofuzb

Марказий банк бошқаруви раисига янги ўринбосар тайинланди

Улуғбек Қодиржонович Носиров Марказий банк раисининг ўринбосари лавозимига тайинланди. У кадрлар ва режим сиёсатига масъул бўлади.

Энг сўнгги хабарларга обуна бўлинг: 👉 @sofuzb

Сартарошхона хизматлари нархлари бир ойда ўртача 0,7 фоизга ошган

Статистика агентлиги маълумотларига кўра, 2023 йилнинг июль ойида сартарошхона хизматлари нархлари июнь ойига нисбатан яъни бир ойда ўртача 0,7 фоизга ошган.

Сартарошхона хизматлари нархлари йил бошидан буён ўртача 9 фоизга ўсгани кузатилган.

2023 йилнинг июль ойида ўтган ойга нисбатан:

— Аёллар учун сартарошхона хизматлари нархлари - ўртача 0,3 фоизга ошган.

— Эркаклар учун сартарошхона хизматлари нархлари - ўртача 1,1 фоизга ошган.

Косметолог хизматлари ўртача 0,7 фоизга ошгани кузатилган.

Энг сўнгги хабарларга обуна бўлинг: 👉 @sofuzb

Словениянинг табиий офат натижасида кўрган зарари 500 млн еврога баҳоланяпти

Euronews агентлигининг ёзишича, ҳозирда бир ойлик ёғингарчиликнинг 24 соат ичида тушиши натижасида Словенияда кучли сув тошқинлари кузатиляпти.

Агентликнинг қайд этишича, мазкур тошқинлар тарихдаги энг йирик табиий офат сифатида тан олинмоқда ва ундан етган зарар 500 млн еврога баҳоланмоқда.

"Штат ҳудудининг учдан икки қисми табиий офатлардан зарар кўрган. Кўплаб бинолар сув остида қолган. Ўн минглаб уйлар электр таъминотисиз қолган", — дейилади хабарда.

Қўшимча қилинишича, Европа Комиссияси раиси Урсула фон дер Ляйен Словенияга Европа Иттифоқидан ёрдам беришга ваъда берган. Шунингдек, Словения ҳукумати НАТОга ҳарбий вертолётлар ва йиғиладиган кўприклар сўраб мурожаат қилган.

Энг сўнгги хабарларга обуна бўлинг: 👉 @sofuzb

Британия ҳукумати Гулнора Каримованинг 3 та кўчмас мулкини мусодара қилди

Жиддий фирибгарликка қарши курашиш бюроси (Serious Fraud Office, SFO)нинг хабар беришича, Гулнора Каримованинг Буюк Британияда жойлашган 3 та кўчмас мулки мусодара қилинган.

Бюронинг баёнотида айтилишича, мазкур мулклар Белгравия туманидаги 2 та квартира ҳамда Суррей графлигидаги уй ва уларнинг умумий қиймати 20 млн фунт стерлингдан ошиқроққа тенг экани айтилмоқда.

Бюро Гулнора Каримованинг бу "кошона"лари Ўзбекистондаги коррупцион жиноятлар орқали топилган пуллар эвазига сотиб олинганини таъкидламоқда.

Шунингдек, SFO'нинг даъво қилишича, Гулнора Каримова 2004 йилдан 2012 йилгача бўлган муддат ичида телекоммуникация компанияларидан Ўзбекистон бозорига киритиш эвазига миллионлаб доллар пора олган.

Энг сўнгги хабарларга обуна бўлинг: 👉 @sofuzb

Ўзбекистон Барқарор ривожланиш мақсадлари халқаро рейтингида 8 поғона кўтарилди

Бирлашган Миллатлар Ташкилотининг Барқарор ривожланиш ечимлари тармоғи (SDSN) ва халқаро экспертлар томонидан 2023 йилда эълон қилинган БРМ (SDG index) рейтингида Ўзбекистон 71,1 индекс билан 166 та мамлакат орасида 69 ўринни эгаллади.

Бу натижа 2022 йилга нисбатан 8 поғонага ошган. 2022 йилда Ўзбекистон 69,9 индекс билан 77 ўринда қайд этилган эди.

2023 йилги SDG index ҳисоботига кўра, Ўзбекистонда Барқарор ривожланишнинг қуйидаги 10 та мақсадлари бўйича кўрсаткичларида ижобий ўсиш қайд этилган:

— мамлакатда камбағалликни қисқартириш;
— соғлиқ сақлаш ва фаровонликни таъминлаш;
— сифатли таълим билан таъминлаш;
— гендер тенглигига эришиш;
— тоза сув ва санитария;
— саноатлаштириш, инновация ва инфратузилма;
— шаҳар ва аҳоли пунктларини барқарор ривожлантириш;
— иқлим ўзгаришига қарши курашиш;
— тинчлик, адолат ва самарали бошқарув;
— барқарор тараққиёт йўлидаги ҳамкорлик.

Энг сўнгги хабарларга обуна бўлинг: 👉 @sofuzb

АҚШ долларининг расмий курси кўтарилди

Марказий банк хорижий валюталарнинг янгиланган расмий курслари тўғрисида ахборот берди.

— 1 АҚШ доллари — 11 667.00 (+2.14) сўм;
— 1 евро — 12 809.20 (+12.85) сўм;
— 1 Россия рубли — 119.99 (-1.40) сўм.

Энг сўнгги хабарларга обуна бўлинг: 👉 @sofuzb

Прокуратура ҳузуридаги департамент 3 млрддан ортиқ кредит маблағлари талон-торож қилинганини аниқлади

Иқтисодий жиноятларга қарши курашиш департаментининг хабар беришича, Миробод, Қўрғонтепа ва Хўжаобод туманларида кредит маблағларини талон-торож қилиш ҳолатлари аниқланган:

— Миробод туманида дори воситаларини ишлаб чиқаришган мўлжалланган ускуналарни сотиб олиш учун ажратилган 2.3 млрд сўм;

— Хўжаобод таманида мебель ишлаб чиқариш фаолиятини ривожлантириш мақсадида ускуна ҳамда ҳом-ашё маҳсулотларини сотиб олиш учун ажратилган 610 млн сўм;

— Қўрғонтепа туманида эса 4 нафар фуқаронинг бандлигини таъминлаш мақсадида ажратилган жами 125,6 млн сўм кредит маблағлари талон-торож қилинган.

Қўшимча қилинишича, мазкур ҳолатлар юзасидан ЖКнинг 167-моддаси (ўзлаштириш йўли билан талон-торож қилиш) ва 228-моддаси (ҳужжатлар, штамплар, муҳрлар, бланкаларни қалбакилаштириш, сотиш ёки улардан фойдаланиш) билан жиноят ишлари қўзғатилиб, тергов ҳаракатлари ўтказилмоқда.

Энг сўнгги хабарларга обуна бўлинг: 👉 @sofuzb

Ўзбекистонда iCRAFT лойиҳасини амалга ошириш учун Жаҳон банки 46,25 млн АҚШ доллари ажратади

Ўзбекистонда Президент қарорига мувофиқ "Энергетика ислоҳотлари учун инновацион углерод ресурсларини қўллаш" (iCRAFT) лойиҳаси амалга оширилади. Ушбу мақсадда Жаҳон банки 46,25 млн АҚШ доллари миқдорида маблағ ажратади.

Энг сўнгги хабарларга обуна бўлинг: 👉 @sofuzb

Ўзбекистон 107,5 млн АҚШ долларига тенг барча турдаги мобил телефон импорт қилган

Статистика агентлигининг дастлабки маълумотларига кўра, Ўзбекистон 2023 йилнинг январь-июнь ойларида хориждан қиймати 107,5 млн AҚШ долларига тенг бўлган 1 558,3 минг дона мобил телефонлар импорт қилган.

Ўзбекистонга 2023 йилнинг январь-июнь ойларида энг кўп мобил телефон импорт қилган давлатлар:

— Хитой – 1 389,5 минг дона;
— Вьетнам – 148,8 минг дона;
— Ҳиндистон – 14,2 минг дона;
— Қозоғистон – 2,4 минг дона;
— Тайвань – 1,6 минг дона;
— Туркия – 1,9 минг дона;
— Бошқа давлатлар – 1,4 минг дона.

Энг сўнгги хабарларга обуна бўлинг: 👉 @sofuzb

Ўзбекистонда доллар курси 12 минг сўмдан ошди

Мамлакатдаги тижорат банкларида АҚШ долларининг сотув курси 11 690 - 12 135 сўм, сотиб олиш курси 11 610 - 12 060 сўм ташкил қилмоқда.

Энг сўнгги хабарларга обуна бўлинг: 👉 @sofuzb