⁉️ في سؤال بيتكرر كتير هل مثلا لو قدمت في تدريب بعيد عن مجالي أو قدمت وانا مش فالفئة بتاعته (تدريب مثلا للطلاب وانا خريج) أو قدمت وممكن اتقبل بس مش هعرف احضر هل دا هيحطني في البلاك ليست Black List؟
الاجابة لا وقدم فكل حاجة عادي (اهم حاجة يكون في مجالك أو مجال حابب تدخله)
🔷 تفصيلا:
معظم الشركات مش هتركز فموضوع زي دا لأن أعداد كبيرة بتقدم وكمان موضوع أن ناس تقدم وتتقبل ومتحضرش دا بيبقي في حساباتهم فعادي جدا قدم في أكبر عدد من التدريبات واختار عاوز تروح انهي من اللي اتقبلت فيهم.
❗️طب ليه تعمل كدة؟ لانك مش ضامن انك هتتقبل ودا لأسباب ممكن اوضحها في بوست تاني وعلشان بردو تستغل اجازتك الصيفية أفضل استغلال وتطلع منها بسيرة ذاتية CV قوي ينفعك السنة اللي بعدها تقدم في تدريب اترفضت فيه السنة دي.
لو استفدتوا من المعلومات دي تفاعلوا مع البوست والشير ميضرش ولو عندكوا سؤال محتاجين اجابة ليه اكتبوها في الكومنتات.
#فقرة_الاسئلة وايه رايكوا اكمل ولا لا (كنت حابب اعملها في فيديوهات قصيرة ولكن معنديش وقت للاسف)
وفولو بقي من هنا https://t.me/sheriffharpy

⁉️ سؤال بيتكرر كتير حاسس اني متأخر عن زمايلي مثلا او الناس علي لينكيدإن؟
الإجابة في ٣ خطوات بس هنا: https://t.me/sheriffharpy/5
🔗 ولينكات الماتريال في الكومنتات
✓ قول سؤالك يمكن يبقي موضوع البوست الجاي

⁉️ سؤال بيتكرر كتير حاسس اني متأخر عن زمايلي مثلا او الناس علي لينكيدإن؟
- قبل ماقولك تعمل ايه: انت مش متاخر ولا حاجة بالعكس في مثل بيقولك 'معرفة المشكلة جزء من حلها' ، ومبروك انت وصلت للمشكلة هقولك تحلها ازاي بقي ، وعن تجربة لاني كنت زيك بالظبط ودلوقتي انا اللي بنزل فرص للناس وبعلمهم يقدموا واتعلمت كتير عن الشركات والبنوك والوظائف والمسميات الوظيفية والCV وغيرها.

انت مش محتاج تعرف دا كله ولكن لازم ولابد تعرف الشركات والوظائف والمسميات الوظيفية "في مجالك" علشان تعرف تقدم سواء علي تدريب أو وظيفة وكمان تعمل CV علشان تعرف تقدم اصلا ،
لو شايف دي حاجات كتير ومستصعب انا هديك خطوات عملية ومصادر علشان تبدا حالا

📌 اولا: للطلاب سواء انت سنة اولي تانية تالتة تعمل ايه وتطور نفسك في ٣ خطوات بس؟
1️⃣ تعمل CV بسيط جدا علي Word ببياناتك الاساسية علشان تقدر تقدم علي التدريبات.
2️⃣ تبدأ تاخد كورسات مجانية واونلاين كمان علشان ميكنش عندك عذر.
3️⃣ تبدأ تقدم في التدريبات الصيفية وطبعا عامل جروب فيه مئات الفرص تقدر تقدم عليها مجانا.
🎯 وبكدة يكون حطيت نفسك عالطريق واوعدك لو طورت نفسك حياتك هتتغير 180 درجة
ومتقلقش هسيبلك في الكومنتات لينكات لل3 حاجات دي فانزل شوف ⬇️

ثانيا: لو انت في سنة التخرج او خريج جديد ولو بردو لسا في الجيش او الخدمة العامة او خلصتهم تعمل ايه؟
1️⃣ لو لسا مش عامل CV لازم تعمل واحد وتظبطه علي قد ماتقدر لان في ناس سبقتك فلازم تجتهد فيه شوية والموضوع مش صعب.
2️⃣ الكورسات لازم لازم حالا تاخد كورس في مجالك تلخصه وتبدأ في اللي بعده بحيث يدعم الCV وتعرف في مجالك اكتر.
3️⃣ لازم تقدم علي كل فرصة شغل تيجي قدامك "في مجالك" طيب هتلاقي الفرص دي فين انا عامل جروب مخصوص للوظائف.
🎯 وبكدة تكون رميت نفسك جوا سوق العمل مع شوية تركيز واجتهاد هتوصلك لوظيفتك تشبع احلامك بإذن الله.

❗طيب السؤال المحير طب ازاي اقدم في وظائف وهما طالبين يكون عندي معرفة بحاجات معينة في سوق العمل وانا مفيش خبرة خالص مشتغلتش ولا خدت تدريب.
⚠️ استني البوست الجاي هيكون اجابة للسؤال اقدم في وظائف ازاي وانا معنديش خبرة؟
لايك وشير ومتابعة من هنا: t.me/sheriffharpy
واستنونا في #فقرة_الأسئلة جديدة وتابع الهاشتاج علشان تشوف البوستات اللي قبل كدة.
🔗 كل المصادر اللي اتكلمت عليها في الكومنتات 💬 ..

⁉️ هو انا بترفض في كل التدريبات اللي بقدم عليها ليه؟! ومحدش بيرد عليا حتي؟
مقدرش اقول سبب معين لأنه بيختلف من شخص لشخص ولكن دي ٤ حاجات بتخليك تترفض في التقديم للتدريبات:
الإجابة هنا: https://t.me/sheriffharpy/9

⁉️ هو انا بترفض في كل التدريبات اللي بقدم عليها ليه؟! ومحدش بيرد عليا حتي؟
مقدرش اقول سبب معين لأنه بيختلف من شخص لشخص ولكن دي ٤ حاجات بتخليك تترفض في التقديم للتدريبات:
1️⃣ بتقدم بطريقة غلط:
-  بتقدم علي تدريب في محافظة غير محافظتك (اكيد مش هتتقبل) دا كمان لو بتكتتب.
-  بتبعت الايميل فاضي بدون CoverLetter.
- بيبقي ناقصك ورق مش بتبعته زي القيد أو بيان الدرجات أو غيرها.
2️⃣ الCV مش مكتوب كويس:
- كاتب فيه حاجة غير مناسبة للتدريب اللي بتقدم عليه مثلا بتقدم تدريب محاسبة وانت عندك كورسات في موارد بشرية أو تسويق فكده انت معندكش ما يؤهلك انك تحضر تدريب في المحاسبة فهيخدوا حد تاني مناسب اكتر.
- كاتب عنوان بعيد عن مكان التدريب فأكيد مش هتبقي انسب شخص للحصول علي الفرصة دي بسبب أن ممكن تتأخر أو تغيب.
3️⃣ المنافسة عالية:
- بسبب أن ناس كتير بتقدم فبيضطروا يخدوا عدد معين وبيتجاهلوا الباقي فلازم الCV بتاعك يكون مناسب للحاجة اللي بتقدم عليها وتكون قريت الوصف الوظيفي (Job Description) للتدريب كويس.
4️⃣ الآف الناس علي فرصة محتاجين فيها عدد قليل:
- سبب خارج عنك خالص أن التدريب بيقبل عدد معين فبياخد اعلي كام CV يرشحهم للانترفيو والباقي بيترفض.

🎯 ملحوظة: معظم الشركات والبنوك مش بتبعت ايميل رفض لأن زي ماوضحت اعداد كبيرة بتقدم فمش طبيعي أنها تبعت لكل دا رفض.
هيتبعتلك ايميل في حالة انك اتقبلت فقط أو اترشحت للانترفيو أو لتسليم اصل الورق اللي قدمت بيه.

⚠️ وطبعا مش هتكلم عن الناس اللي مش بفتح الايميل بتاعهم كل يوم تتأكد أن مفيش رسائل جديدة جات ولا بردو الناس اللي بتقدم في كام تدريب بنك مشهور ويستني يتقبل!

🚨 متنسوش تشاركوا البوست في كل مكان علشان الكل يستفيد واكتبولنا النقطة رقم كام اللي شاكك انك بتترفض بسببها وهعملكوا بوست تاني #فقر_الأسئلة لحل المشاكل دي ... وتابعوني من هنا T.me/sheriffharpy

📢 سؤال بيتكرر كتير هل الكورس دا معتمدة؟ هل الشهادات اللي بتبقي مجانية واونلاين دي معتمدة؟⁉️
الإجابة: https://t.me/sheriffharpy/11

📢 سؤال بيتكرر كتير هل الكورس دا معتمدة؟ هل الشهادات اللي بتبقي مجانية واونلاين دي معتمدة؟⁉️
- طب تعالي نفصص يعني ايه معتمدة ومن مين ولمين!

1️⃣ شهادة معتمدة: ودي بتكون شهادة مهنية أو أكاديمية وغيرها من الشهادات زي الشهادات الدولية في الانجليزي كمثال  التوفل “TOFEL” والأيلتس “IELTS”
ودي بتكون شهادات بناء علي اختبار وبتاخد اعتماد وله صلاحية لمدة معينة وبيتهي وفي شهادات مهنية بتكون بدون صلاحية بتاخدها مرة واحدة بس وهنخصص بوست تاني هنتكلم عن الشهادات المهنية والفرق بينها وأمثلة علي شهادات مهنية وتاخدها ازاي وامته..
طيب الشهادات اللي بعد الكورسات دي معتمدة ولا لا؟ علشان نعرف نجاوب علي السؤال تعالي نكمل الشهادة معتمدة منين!

2️⃣ الشهادة معتمدة منين: (مؤسسة كبيرة - جامعة - مركز أو أكاديمية - موقع علي الانترنت)
في مواقع كتير بتقدم كورسات أجنبية زي كورسيرا ويديمي وايديكس ويوداستي وغيرها كتير ومواقع عربية زي مثلا إدراك وراق وكورس سيت وغيرها كتير
- طب الشهادات اللي بتطلع من المواقع دي معتمدة؟
الإجابة هتوضح اكتر لما نشوف اخر جزء وهي معتمدة لمين؟

3️⃣ الشهادة معتمدة لمين: انت بتاخد الكورس بتكتبه في الCV هل الHR هيقولك وريني الشهادة؟
- مبيحصلش
هل بترفق الشهادات دي وانت بتقدم؟
- اه ممكن وعادي جدا ترفق شهادات من الموقع المجانية الاونلاين.
📌 طب بالنسبة للمراكز المعتمدة اللي بتدي كورسات بفلوس هل دي افضل من الكورسات الاونلاين المجانية؟
- بالعكس قد تكون المواقع المشهورة والكبيرة أكثر اعتمادية وقيمة وجودة في المحتوي من المراكز والاكاديميات لان المحتوي ليكون مسجل وبيكون منقح من الاخطاء ومركز في مدة قليلة بحيث تستفاد منه بشكل أكبر.
⚠️ ولكن ولكن ولكن في بعض الناس مش بتعرف تتعلم لوحدها لازم يكون في شخص فوق دماغها أو بعض الناس بتفهم اكتر لما يكون face to face
عموما انصح الناس تتأكد من جودة المحاضر وقيمة المحتوي قبل ما تدفع فلوس وانصحهم قبل دا كله أنهم يجربوا نفسهم اكتر مع المحتوي اونلاين لان دا شكل التعليم في المستقبل ..
🚨 الخلاصة
متضيعش فلوسك ووقتك وجهدك في انك تنزل وتخاد كورس في مقابل له اونلاين ومجاني
اعمل كده في حالة انك نازل تاخد كورس من المعهد المصرفي كمثال وحتي المعهد المصرفي بيعمل كورساته اونلاين دلوقتي.
بردو الكورسات المدفوعة الاونلاين ليها مزايا أنها بتسهل عليك الطريق وبتجمعلك كل حاجة في مكان واحد فأنت ممكن تاخد مقابل مجاني هتتعب شوية انك تجمع الكورسات دي وتاخدها ورا بعض ولكن احنا حلنالك المشكلة وهنجمعلك كل اللي تحتاجه في مكان واحد ..
📌 طب هتلاقي فين كورسات اونلاين ذات جودة كويسة؟
انا بنزل في الجروب بتاعنا كورسات بقالي سنتين وببقي منتقيها بنفسي وبعض الكورسات دي انا بكون خدتها فعلا وبنصح الناس بيها ودا لينك الجروب T.me/egyincs

اخر نصيحة انصحك بيها وعذرا عالاطالة ولكن البوست دا فيه معلومات هتوفر جهدك ووقتك وفلوسك
اوعي اوعي تقع في فخ كثرت المصادر والتششت
الموضوع دا مكنش موجود زمان لكن دلوقتي الانفتاح الكبير مشكلة مستحدثه وناس كتير مش واخده بالها منها..
- حدد مجالك قبل ماتدور علي الكورس.
- سيبك من الجروبات اللي بتنزل كوبونات يودمي لكورسات.
- متاخدش اكتر من كورس في وقت واحد ( ممكن كورسين كحد اقصى بشرط يكون في مجالات مختلفة) كمثال كورس في مايكروسوفت اكسيل او اي كورس soft skills مع كورس محاسبة.

🔔 واخيرا لو في حاجة اتكلمت عنها مش واضحة ومحتاجين تفاصيل عنها اكتر اكتب سؤالك في كومنت وهرد عليك في بوست من #فقرة_الأسئلة وتابعني من هنا http://T.me/sheriffharpy

❌ الفيسبوك اسوء منصة تواصل اجتماعي حاليا
المنصة مع كبرها لا تدعم صناع المحتوي ولا تحمي حقوقهم ..
- المنصة تدعم فقط المحتوي الرائج ولو عاوز المحتوي بتاعك يوصل لكل المتابعين لازم تدفع اعلانات مع انهم المتابعين اللي عندك.
- غير كده المنصة اتحولت أنها تبقي لتضيع الوقت وانك تدخل متطلعش غير بعد ساعات ومعظم المحتوي الرائج عليها بيبقي بيبقي ترفيهي أو حتي محتوي سئ
عموما احنا لسا موجودين عالمنصة لان في ناس كتير منعدهاش غير فيسبوك ودا مؤقتا حتي نجد بديل أفضل
ولكن انا شخصيا بطلت استخدمها

مثلا لتطبيق محترم زي يوتيوب حتي تصميم التطبيق أو الموقع يحترم عقلك في تبويب للHome ودا بيعرض محتوي عشوائي حسب اهتماماتك أو محتوي رائج وعندك تبيويب الاشتراكات Subscription ودا افضل حاجة عالتطبيق ودا بيجبلك الفيديوهات اللي نزلت من القنوات اللي مشترك فيها وطبعا تطبيق الshorts الجديد محاولة منهم يواكبوا موجة الفيديوهات القصيرة وطبعا مميزات كتير زي دعم البودكاست وانك تعمل مشاهدة لاحقا للفيديوهات ويتحمعوا في playlist
هل فيسبوك يقدر يعمل كده اكيد ولكن هو اختار استغلال المستخدمين اكتر من غيره

بردو تطبيق لينكيدإن دا المنصة رقم ١ ودائما متفوقة علي Whatsapp من نفس شركة meta

🚨 وانتظرونا علي تطبيق جديد يعتبر أول منصة تواصل اجتماعي عربية هنستخدمها وهبقي متواجد عليها وهنقدم محتوي مختلف هناك ..
#إنسايت

نظرا لعدم تفرغي لإنشاء محتوي بالجودة المطلوبة هنا هشارك معاك بعض الفيديوهات والبودكاست وغيرها من الحاجات اللي هتفيدكم بإذن الله

حمي التفاهة .. فيديو عن المحتوي التفاهة المتتشر هذه الأيام للمبدع خالد النجار

https://www.youtube.com/watch?v=JhTXqRM7VLI&list
#فيديو

فيديو رائع من كنوز عن الاستخارة

https://youtu.be/ADd1ODWBD-k?si=jZAloB3bWrVRGyc9

تابعني: https://sheriffharpy.bio.link
#فيديو

الإيجابية المزيفة!
وهي عبارة عن تصدير وهمي للنجاح من كل الأشخاص وان كله تمام والدنيا بخير ودا عكس للوقع
دا بنشوفة علي لينكيدإن وانستجرام وغيره من مواقع التواصل الاجتماعي
كله بيشير نجاحه حتي لو بسيط
طب فين الفشل يا جماعة؟

فدا بينعكس علينا بالسلب وبيخلينا نفكر كتير ونقارن وبطبيعة دماغنا فبيصدرنا كل ماهو فاشل في حين انت بتشوف كل ما هو ناجح من ناس تانية
بس لو جيت حسبتها في ناس بتشتغل اكتر من ما بتعيش واللي بيحاول يوازن مش بيقعد عالسوشيال ميديا دا بيبقي شخص شغال وهو بيعيش

بحس أن جزء مهم جدا من حياتنا لازم يكون فيه فشل علشان نقدر نحس بالنجاح
تخيل أن ربنا خلقنا كلنا ناجحين مش هنحس بطعم الحياة ومرارة الفشل قد ما هي صعب قد ماهي بتدينا دافع اكتر ننجح وساعات بتأثر علينا سلبا وبتخلينا نفصل علشان نكمل وهكذا ..

دي الطبيعة دا توازن الحياة اللي كلنا بنبحث عنه
لا تنخدعوا بما ترونه عالسوشيال ميديا احنا مش ناقصين سلبيه أكثر من اللي احنا عايشين فيها

الفلوس مش نجاح ولا الشهرة ولا تحقيق الحلم ... فكر فيها
الرحلة هي النجاح .. تحديد الأهداف البسيطة اللي هي يومية واسبوعية وشهرية ... الحاجات اللي بنلحق نلاحظها
ودا مجرد انسايت وتذكير لنفسي قبلكم لعلنا نحظي بحياة أفضل ..

تابعني واعمل فولو هنا https://sheriffharpy.bio.link
#إنسايت