❗️Облыс әкімі Нұрлан Ұранхаев Каштак орманшылығында болды

Жедел штабпен кездесіп, орман өртін сөндіру жұмысы барысымен танысты.

Қызыл жалынды ауыздықтауға еліміздің түрлі өңірлерінен келген өрт сөндірушілер қол ұшын созуда. Өртті сөндіру бойынша Төтенше жағдайлар министрінің байланыс торабы және жылжымалы басқару пунктері ұйымдастырылған.

—————————

❗️Аким области Нурлан Уранхаев посетил Каштакское лесничество

Он встретился с оперативным штабом и ознакомился с ходом работы по тушению лесного пожара.

Огнеборцы из разных регионов страны протягивают руку помощи для ликвидации пожара, были организованы узлы связи и передвижные пункты управления.

#АбайОблысыныңӘкімдігі

⚡️Абай облысының эвакуацияланған ауылдарының тұрғындары көмек пен қолдау деңгейі үшін алғыс білдіреді

Орман өрттерінен туындаған қатты түтіннің салдарынан Абай облысының Талица, Половинки және Бұлақ ауылдарының тұрғындары эвакуацияланып, Семей қаласындағы колледж жатақханаларына уақытша орналастырылды.

«Бізді екі рет эвакуациялады. Алдымен 9 маусымда қатты түтіннің кесірінен шығарып, педагогикалық колледжінің жатақханасына орналастырды. Келесі күні таңертең үйге қайттық. Бірақ бір сағат өткен жоқ, өрттен шыққан түтін ауылды қайтадан жауып тастады. Түнде қараңғы болды. Тағы да эвакуация жарияланды. Полицейлер үйлерді аралап, әрқайсымызға ешкім қалмас үшін ескерту жасады. Енді бізді электротехникалық колледждің жатақханасына орналастырды. Әр отбасына бөлме таңдау ұсынылды. Үлкен отбасыларға сәйкесінше үлкен бөлмелер ұсынылды. Бірақ, мысалы, бізге екі кішкентай бөлмеге – ата-анам мен үлкен ұлыма бір бөлмеде, кіші балам мен маған көрші бөлмеде тұру ыңғайлы. Күніне үш рет жақсы тамақтандырады. Асханадағы үстелде тәттілер үнемі тұрады, балалар қаласа, алаңсыз тамағын іше алады. Бір сөзбен айтқанда, біз санаторийдегідей өмір сүрудеміз. Үйлеріміз туралы уайым болмаса, жай ғана рахаттанып демалуға болар еді», - деп ризашылықпен атап өтті Талица ауылының тұрғыны Әсел Қадырбекова.

Эвакуацияланған 28 баланың арасында биоцентрге, қалалық мұражайларға және ойын-сауық орталықтарына тегін сапарлар ұйымдастырылды. Жатақханада екі ауысымда Семей теміржол ауруханасының дәрігерлері кезекшілік етіп, дәрі-дәрмектермен қамтамасыз етуде.

«Кеше бәрімізді моншаға апарды, жуынуға қажетті заттар, сүлгілер берілді. Эвакуация кезінде үй аяқ киімімен шыққан зейнеткерге ыңғайлы аяқ киім әкелінді. Жалпы, киім, аяқ киім және басқа да қажетті заттар мол. Бізге қажет нәрсенің бәрі бар. Ол үшін облыс басшылығына, еріктілерге және барлық бей-жай қарамайтын адамдарға үлкен рахмет», - деді Талица ауылының тұрғыны Ирина Михайловна Ширян.

Абай облысының әкімі Нұрлан Ұранхаев эвакуациялық пункттерге барып, тұрғындардың қал-жағдайымен танысты. Сонымен қатар, ауыл тұрғындарына өрттің ағымдағы жағдайы туралы айтып берді.

«Елді мекендерге өрт қауіп төндірмейді. Сіздерді қатты түтін болғандықтан ғана эвакуациялауға тура келді. Өртпен күрес жалғасуда. Әрине, желдің екпіні жағдайды қиындатады», - деп түсіндірді облыс әкімі.

Бүгінгі таңда үш эвакуациялық пунктте 189 адам орналастырылса, Семейде 800 адамды қабылдауға мүмкіндік беретін 9 пункт жабдықталған.

#АбайОблысыныңӘкімдігі

✅Абай облысындағы өрттен зардап шеккендерге жинақ ашылды

Қайырымдылық жинақ жиналған қаражатты арнайы шоттарға аударады. Жинаудан түскен барлық қаражат Абай облысындағы өрттен зардап шеккендерге көмекке жұмсалады.
Реквизиттер:
«Ақ Ертіс» қоғамдық қоры
БСН 220 840 037 964
арнайы банк шоты
KZ80601A261001216131
«Қазақстан Халық Банкі» АҚ
BIC HSBKKZKX
Кбе 18

Қазақстандықтар жеке қайырымдылық қаражатын «Ақ Ертіс» ҚҚ шотына арнайы QR коды арқылы және Kaspi.kz қосымшасында аудара алады:

1. Kaspi.kz қосымшасына кіріңіз
2. «Төлемдер» бөліміне өтіңіз
3. Іздеу жүйесінде қордың атын енгізіңіз
4. Соманы көрсетіңіз, төлеңіз.

«Ақ Ертіс» қоры 2022 жылдың тамыз айында құрылған.
«Ақ Ертіс» қоры Жарғысына сәйкес әлеуметтік, мәдени, ғылыми, білім беру, қайырымдылық шараларына, сондай-ақ қоғамдық игіліктерді қамтамасыз етуге бағытталған басқа да мақсаттарға қол ұшын көрсетеді.

#АбайОблысыныңӘкімдігі