Было/стало

👏Всем большое спасибо! Сегодня наш город стал немного чище!

200 тоннадан астам қоқыс полигонға шығарылды.


Бүгін, 22 сәуірде Семей қаласында экологиялық екіайлық аясында ауқымды жалпықалалық сенбілік өтті. Оған Семей қаласының әкімі Нұрбол Нұрсағатов, сондай-ақ, 3 мыңнан астам кәсіпорын мен 10 мыңға жуық қала тұрғындары қатысты.
Бүгінгі сенбілкте қала жастары ерекше белсенділік танытты. Облыстық және қалалық әкімдіктің мамандарымен бірлесіп қаламыздағы жастар қаламыздың сол бөлігіндегі жағалау аумағын қоқыстан тазартты.

Сенбілікке қала тұрғындары, мемлекеттік мекемелердің, бюджеттік ұйымдардың, жоғары және орта оқу орындарының, шағын және орта бизнес субъектілерінің, көппәтерлі тұрғын үйлерді басқару органдарының қызметкерлері, жеке сектордың үй иелері шықты.

Санитарлық тазалауды және қоқысты жинауды қамтамасыз етуге арнайы техника, оның ішінде 20 тиегіш пен 60 самосвал көлігі жұмылдырылды.

Сағат 13:00-де сенбілікке қатысушылар жинаған 200 тоннадан астам қоқыс полигонға шығарылды.

Семей қаласы әкімінің аппараты бүгінгі сенбілікке қатысқан қаламыздың барлық қамқор тұрғындарына өз алғысын білдіреді. Тазалық өзімізден басталады!