Бүгін қала әкімі Нұрбол Нұрсағатов қала тұрғындарын кезекті мәрте жеке сұрақтары бойынша қабылдады. Бұл жолы қала әкімінің қабылдауында болған тұрғындардың басым бөлігі, тұрғын үй коммуналдық шаруашылығына қатысты сұрақтарын қойды. Мысалы, Альфия есімді азаматша өзі тұратын Мәңгілік ел 15 мекенжайындағы тұрғын үйдің қасбетіне жөндеу жұмыстарын жүргізуді, аула аумағына қоршау мен жол белгілерін орнатуды сұрады.

💬 ”Біз биыл қаланың әртүрлі ауданындағы 32 үйдің қасбетіне жөндеу жұмыстарын жүргіземіз. Мәңгілік ел 15 мекенжайындағы көппәтерлі тұрғын үйдің қасбеті сол тізімге енгізілді. Бюджет қаражатына сай ескі қоршаулардың орнына заман талабына сай қоршаулар орнататын боламыз. Ал, жол белгілерін орнату әкімдіктің қарауына жатпайды. Ол үшін әкімдік мамандары Семей қаласының Полиция басқармасының мамандарымен бірлесіп тексеріс жұмыстарын жүргізуі тиіс»,- деді қала әкімі Нұрбол Нұрсағатов.

Әкімнің қабылдауында болған Татьяна есімді азаматша болса, Мәңгілік ел 10 мекенжайындағы көппәтерлі үйге сырлау жұмыстарын жүргізіп, балалар алаңқайын орнатып беруді сұрады.
Қала әкімі өз кезегінде аталған мекенжайдағы көппәтерлі үйдің қасбетіне ағымдағы жылы жөндеу жұмыстары жүргізілетіндігін айтып, аула аумағын биыл абаттандыру мүмкін еместігін, жұмыстардың кезең-кезеңімен жүзеге асырылатынын атап өтті.

❗️ Естеріңізге сала кетейік, қала әкімі әр аптаның жұма күні азаматтарды тұрақты түрде жеке мәселелері бойынша қабылдайды. 7 қазаннан бастап қала әкімінің және оның орынбасарларының қабылдауында 390-нан астам адам болды.

🧹Семейде 24/7 режимінде жаппай қар шығару іс-шаралары жалғасуда. Айта кетейік, наурыздың бірінші онкүндігінде жауын-шашын мол түсті, тек алғашқы 7 күнде айлық норманың 60% - дан астамы жауды. Сондықтан учаскелерде қарды жаппай шығару қайта жүргізіледі. Қыс мезгілінің басынан бастап қар полигонына барлығы 470 текше метр қар шығарылды.

Сонымен қатар, жоғары температура қардың еруіне әсер етті. Сондықтан тәулік бойы еріген қар суынан тазарту бойынша іс-шаралар жүргізілуде. Бүгінгі таңда 16 0000 текше метр су шығарылды.
Жұмыстар жалғасуда.
______________________

🧹В г. Семей в режиме 24/7 продолжаются мероприятия по массовому вывозу снега. Отметим, первая декада марта выдалась обильной на осадки в виде дождя и снега, только за первые 7 дней выпало более 60% от месячной нормы. Поэтому массовый вывоз снега на участках проводится повторно. Всего с начала зимнего сезона на снежный полигон вывезено 470 куб. метров снега.

Кроме того, плюсовая температура повлияла на таяние снега. Поэтому в круглосуточном режиме проводятся также мероприятия по откачке талых и дождевых вод. На сегодняшний день откачано 16 000 куб. метров воды.
Работы продолжаются.

#Семейқаласыәкімдігі

Биыл 32 көппәтерлі тұрғын үйдің қасбеттеріне жөндеу жұмыстары жүргізіледі.

📍Бұл туралы бүгін Семей қаласының әкімі Нұрбол Нұрсағатов Таткрай, Казкрай және қаланың орталық бөлігінің тұрғындарымен өткен кездесуінде мәлімдеді.

💬 ”Биыл қала әкімдігі қаланың сыртқы келбетіне ерекше көңіл бөледі. 2023 жылы қаланың сыртқы келбетін жақсарту үшін тұрғын үй шаруашылығын дамыту жөніндегі жұмыстар шеңберінде 32 көпқабатты тұрғын үйдің қасбеттеріне ағымдағы жөндеу жұмыстары жүргізілетін болады”, -деп атап өтті қала әкімі Нұрбол Нұрсағатов.

🏙Қасбеттерді жөндеу жұмыстары әртүрлі көшелердегі тұрғын үйлерге жүргізіледі. Сондай-ақ, биыл бірнеше көпқабатты тұрғын үйлердің қабырғаларына муралдар бейнеленетін болады.

💬. “Тұрғын үйлердің сыртына Семей қаласының туристік келбетін бейнелейтін және қалаға ерекше көрік беретін муралдарды салуды жоспарлаудамыз. Мысалы, Ш. Құдайбердіұлы, Б. Момышұлы, Қ. Сәтбаев көшелеріндегі үйлерге сол ұлы тұлғалардың бейнелері бар муралдар салынады. Сонымен қатар, №1 шағын аудандағы бірнеше үйдің қабырғаларына Абай облысының көрікті жерлерінің суреттері бейнеленеді”, -деді қала басшысы Нұрбол Нұрсағатов.