⛑🦺 Қала әкімі Нұрбол Нұрсағатовтың
Құтқарушылар күніне арналған құттықтау сөзі:
 

💬 1995 жылы Қазақстан Республикасы Президентінің Жарлығымен Қазақстан Республикасының төтенше жағдайлар жөніндегі мемлекеттік комитеті құрылды. Осы құжат негізінде 19 қазан Құтқарушылар күні болып белгіленді. Төтенше жағдайлар саласы үлкен жауапкершілікті талап етеді. Қауіпті қызмет кез келген тосын жағдайдың алдын алып, зардабын жоюға үлкен күш жұмсайды. Апатқа ұшырағандарды құтқарып, алғашқы жәрдем көрсетеді. Күн сайын қандай қиыншылыққа тап келсе де, ТЖ қызметкерлері мейірімділігі мен өз ісін абыроймен атқаруға бар ынталарымен кірісуде.Бүгінде Қазақстан ТЖМ қызметкерінің беделі жоғары екеніне дау жоқ. Осы жұмыстың нәтижесі – мыңдаған құтқарылған өмірлер.
Қандай қайғылы, қасіретті оқиға болмасын, бар күш-жігерін салып құтқару жұмыстарын жүргізетін құтқарушыларды кәсіби мерекесімен құттықтаймын. Мереке күні жұмыстарыңызға табыс, жанұяларыңызға амандық және зор денсаулық тілеймін. Сіздердің ауыр еңбектеріңіз Сіздер құтқарған адамдардың алғыстарымен бағаланып, тәуелсіз Қазақстанымыздың гүлденуіне үлес қоса беріңіздер!

#Семейқаласыәкімідігі