✅Семей қаласы әкімдігінде аппараттық кеңес өтті

Семей қаласы әкімінің міндетін атқарушы Бекжан Бапышевтың төрағалығымен қала әкімдігінде кезекті аппараттық кеңес өтті. Жиында қала тазалығы, кәріз құдықтарының қақпақтарын жабу, санитарлық ағаш кесу және рұқсат етілмеген қоқыс үйінділерін жою мәселелері қаралды.

Кеңес барысында Бекжан Бапышев қала аумағындағы ашық қалған кәріз құдықтарының қақпақтарын шұғыл түрде жабуды тапсырды.

«Құдықтарды жабу – ең алдымен, қала келбеті үшін емес, тұрғындардың қауіпсіздігі үшін қажет. Дөңгелек қойып, лента тартумен мәселе шешілмейді. Ағаш кесу де осы секілді – мұқият әрі қауіпсіздік талаптарына сай орындалуы тиіс жұмыс», – деді қала әкімінің міндетін атқарушы.

🔼Бекжан Бапышев барлық жауапты бөлімдерге тапсырылған міндеттерді сапалы әрі белгіленген мерзімде орындауды жүктеп, атқарылып жатқан жұмыстардың барлығы өз бақылауында болатынын ескертті.

📷inst | 🗳fb | 🌐gov.kz

#СемейҚаласыныңӘкімдігі

✔️Облыс әкімі Семейдегі 1988 жылдан бері жаңартылмаған жылу желісіндегі жөндеу жұмыстарымен танысты

Бүгін облыс әкімі Берік Уәли таңғы сағат 7-ден бастап Семейдегі жылу желілері, жылу қазандықтары мен аулаларда жүргізіліп жатқан жұмыстармен, проблемалық мәселелермен танысты.

🗣Аймақ басшысы әуелі Жамақаев көшесіндегі жылу трассасын қайта жаңарту жұмыстарының барысын қадағалады.

Аталған жоба аясында ұзындығы 1,8 шақырым болатын, 1988 жылдан бері жөндеу көрмеген ескі жылу желілері толық жаңартылады. Құбыр диаметрі 530 мм-ден 630 мм-ге дейін ұлғайтылады. Жоба іске асқанда қаладағы жылу жүйелерінің тозу деңгейі 1,4 пайызға төмендейді.

🔺Жоба екі кезеңнен тұрады. Қазіргі таңда жұмыстың 77 пайызы орындалған. Былтыр 1,05 шақырым (58%) жылу желісі салынған. Биылғы жылдың басынан бері 400 метр құбыр төселген. Мердігерлер облыс әкіміне жұмысты мерзімінен бұрын аяқтап, бірден абаттандыру жұмыстарына кірісетінін жеткізді.

Аймақ басшысы мердігерлерге жұмысты уақтылы әрі сапалы аяқтауды тапсырды.

«Жұмысты жүргізгенде бұрын жасалған ойын алаңдарына зақым келтірмей, жылу желісінің жанынан өткізгендеріңіз дұрыс шешім болған екен. Бұл жылу желісінің ауыстырылмағанына 35 жылдан асыпты. Мұндағы жұмысты жылу маусымы басталғанға дейін аяқтап, пайдалануға беру керек», - деді облыс әкімі.

📌Семей қаласында орталықтандырылған жылумен қамтамасыз ететін 19 жылу қазандығы мен 1 жылу электр орталығы бар. Биыл облыс орталығындағы жылу желілерін жаңғырту бойынша 6 жоба іске асырылуда.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ

✔️Аким области ознакомился с ремонтом теплосетей в Семее, не обновлявшихся с 1988 года

Аким области Берик Уали с раннего утра – с 7 часов – ознакомился с ходом ремонтных работ на тепловых сетях, котельных и во дворах Семея, а также с актуальными проблемами в этой сфере.

🗣Глава региона первым делом посетил участок реконструкции теплотрассы по улице Жамакаева.

В рамках проекта полностью обновляются старые теплосети протяженностью 1,8 км, не ремонтировавшиеся с 1988 года. Диаметр труб увеличивается с 530 мм до 630 мм. Реализация проекта позволит снизить износ городских теплосетей на 1,4%.

🔺Проект реализуется в два этапа. На сегодняшний день выполнено 77% работ. В прошлом году было проложено 1,05 км (58%) сетей, с начала текущего года уложено ещё 400 метров труб. Подрядчики заверили акима, что завершат работы досрочно и сразу перейдут к благоустройству.

Глава региона поручил завершить работы в срок и с соблюдением всех стандартов качества.

«Важно, что при проведении работ не были повреждены ранее установленные детские площадки. Правильным решением было проложить теплосеть в обход, рядом с основным участком. Эти тепловые сети не менялись более 35 лет. Работы здесь необходимо завершить и ввести в эксплуатацию до начала отопительного сезона», – отметил Берик Уали.

📌В Семее действуют 19 котельных и одна теплоэлектроцентраль, обеспечивающие централизованное теплоснабжение. В этом году в областном центре реализуются 6 проектов по модернизации теплосетей.

ПРЕСС-СЛУЖБА АКИМА ОБЛАСТИ АБАЙ

✅Семейде 40 аула жаңа кейіпке енеді

Облыс әкімі қаланы аралау барысында Семейдегі аулаларды абаттандыру жұмыстарының барысын тексерді.

Биыл «Аулаішілік аумақтарды ағымдағы жөндеу» бағдарламасы аясында шаһардағы 22 аулада абаттандыру жұмыстары жүргізіледі. Олардың тең жартысы сол жағалауда, қалғаны оң жағалауда орналасқан. Жоба аясында ашық спорт алаңдарын, балалар ойын алаңдарын және шағын сәулеттік формаларды орнату көзделген. Бұдан бөлек халық қатысатын бюджет аясында қосымша 13 аула абаттандырылады.

➡️Қазіргі таңда қаладағы 12 үйдің ауласында абаттандыру жұмыстары басталды. Аймақ басшысы Засядко көшесі 88 мекенжайында жүргізіліп жатқан жөндеу жұмыстарын көріп, тұрғындармен пікірлесті.

Тұрғындар аулаларының жаңа кейіпке еніп жатқаны үшін алғыс айтып, ризашылықтарын жеткізді.

«Ауламыздың жаңарып жатқанына өте қуаныштымыз. Бұл сәтті көп жыл күттік. Балаларымыз ойнайтын алаңқайлар салынып, тұрғындарға қолайлы жағдай жасалып жатқаны үшін алғысымызды айтамыз. Сонымен қатар, осы аумақтағы ескі гараждардың орнына автотұрақ салынса деген өтінішіміз бар», – деді осы үйдің тұрғыны Марат Дулуганов.

➡️Мердігерлердің айтуынша, Засядко көшесіндегі аулаішілік жөндеу жұмыстары 10 күннің ішінде аяқталады.

🗣Облыс әкімі мердігерлерге жұмысты уақтылы әрі сапалы аяқтауды тапсырды.

«Қазіргі таңда Семейдегі 35 ауланы абаттандыруды жоспарлап отырмыз. Жыл соңына дейін бұдан бөлек тағы 5 аула мен 5 қоғамдық кеңістікті, яғни, арбаттарды, шағын саябақтарды жасаймыз. Келесі жылы қаладағы 150 ауланы абаттандыратын боламыз. Осылайша кезең-кезеңімен облыс орталығындағы бүкіл аулаларды жаңартамыз. Қала әкімінің міндетін атқарушы Бекжан Бапышев тұрғындармен кездесіп, өтініш-тілектерін ескеріп, осы жұмыстардың барлығын қадағалап, басы-қасында жүруі керек», – деді аймақ басшысы.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ