🔂Қала әкімінің міндетін атқарушы депутаттармен кездесті

Семей қаласы әкімінің міндетін атқарушы Бекжан Бапышев қалалық мәслихат депутаттарымен ашық диалог форматында кездесу өткізді. Жиынның басты мақсаты – тұрғындардың өзекті мәселелерін дер кезінде шешу, қаланы бірге көркейту жолдарын талқылау.

Кездесу барысында Бекжан Бапышев қала әкімдігінің алдағы кезеңге арналған негізгі жоспарлары мен басым бағыттарын таныстырып, әр бастаманың түпкі мақсаты – халықтың әл-ауқатын арттыру, өмір сүру сапасын жақсарту екенін атап өтті.

«Мәслихат депутаттарын халықтың өзі сайлап, сенім артты. Сондықтан сіздер әрқашан тұрғындарымыздың мұң-мұқтажын, ұсынысын билікке жеткізуші алтын көпір іспеттісіздер. Сіздермен бірлесе отырып, қаланың әлеуметтік-экономикалық дамуына серпін беретін тың жобаларды жүзеге асыруға дайынмын. Ашық диалог пен нақты нәтижеге негізделген жұмысты бірге жалғастырамыз», – деді Бекжан Бапышев.

❓Жиын кезінде депутаттар өз округтеріндегі түйткілді мәселелерді ортаға салып, ұсыныстарын айтты.

📷inst | 🗳fb | 🌐gov.kz

#СемейҚаласыныңӘкімдігі

✅Семей қаласы әкімдігінде аппараттық кеңес өтті

Семей қаласы әкімінің міндетін атқарушы Бекжан Бапышевтың төрағалығымен қала әкімдігінде кезекті аппараттық кеңес өтті. Жиында қала тазалығы, кәріз құдықтарының қақпақтарын жабу, санитарлық ағаш кесу және рұқсат етілмеген қоқыс үйінділерін жою мәселелері қаралды.

Кеңес барысында Бекжан Бапышев қала аумағындағы ашық қалған кәріз құдықтарының қақпақтарын шұғыл түрде жабуды тапсырды.

«Құдықтарды жабу – ең алдымен, қала келбеті үшін емес, тұрғындардың қауіпсіздігі үшін қажет. Дөңгелек қойып, лента тартумен мәселе шешілмейді. Ағаш кесу де осы секілді – мұқият әрі қауіпсіздік талаптарына сай орындалуы тиіс жұмыс», – деді қала әкімінің міндетін атқарушы.

🔼Бекжан Бапышев барлық жауапты бөлімдерге тапсырылған міндеттерді сапалы әрі белгіленген мерзімде орындауды жүктеп, атқарылып жатқан жұмыстардың барлығы өз бақылауында болатынын ескертті.

📷inst | 🗳fb | 🌐gov.kz

#СемейҚаласыныңӘкімдігі

✔️Облыс әкімі Семейдегі 1988 жылдан бері жаңартылмаған жылу желісіндегі жөндеу жұмыстарымен танысты

Бүгін облыс әкімі Берік Уәли таңғы сағат 7-ден бастап Семейдегі жылу желілері, жылу қазандықтары мен аулаларда жүргізіліп жатқан жұмыстармен, проблемалық мәселелермен танысты.

🗣Аймақ басшысы әуелі Жамақаев көшесіндегі жылу трассасын қайта жаңарту жұмыстарының барысын қадағалады.

Аталған жоба аясында ұзындығы 1,8 шақырым болатын, 1988 жылдан бері жөндеу көрмеген ескі жылу желілері толық жаңартылады. Құбыр диаметрі 530 мм-ден 630 мм-ге дейін ұлғайтылады. Жоба іске асқанда қаладағы жылу жүйелерінің тозу деңгейі 1,4 пайызға төмендейді.

🔺Жоба екі кезеңнен тұрады. Қазіргі таңда жұмыстың 77 пайызы орындалған. Былтыр 1,05 шақырым (58%) жылу желісі салынған. Биылғы жылдың басынан бері 400 метр құбыр төселген. Мердігерлер облыс әкіміне жұмысты мерзімінен бұрын аяқтап, бірден абаттандыру жұмыстарына кірісетінін жеткізді.

Аймақ басшысы мердігерлерге жұмысты уақтылы әрі сапалы аяқтауды тапсырды.

«Жұмысты жүргізгенде бұрын жасалған ойын алаңдарына зақым келтірмей, жылу желісінің жанынан өткізгендеріңіз дұрыс шешім болған екен. Бұл жылу желісінің ауыстырылмағанына 35 жылдан асыпты. Мұндағы жұмысты жылу маусымы басталғанға дейін аяқтап, пайдалануға беру керек», - деді облыс әкімі.

📌Семей қаласында орталықтандырылған жылумен қамтамасыз ететін 19 жылу қазандығы мен 1 жылу электр орталығы бар. Биыл облыс орталығындағы жылу желілерін жаңғырту бойынша 6 жоба іске асырылуда.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ