⚜️Мәдениет пен өнер саласына құрмет көрсетілген ерекше кеш

Семейде Мәдениет және өнер қызметкерлері күніне орай ұйымдастырылған «Құлақтан кіріп бойды алар, әсем ән мен тәтті күй...» атты авторлық әндер фестивалі жоғары деңгейде өтті. Шараға Семей қаласы әкімінің міндетін атқарушы Бекжан Мейрамбекұлы Бапышев, қалалық мәслихат төрағасы Айболат Бекжасаров, мәдениет және өнер саласының өкілдері мен қала тұрғындары қатысты.

Фестиваль – ұлттық өнерімізді ұлықтап жүрген талант иелеріне деген шынайы құрметтің көрінісі. Сахна төрінде өнер көрсеткен әрбір орындаушы – халқымыздың рухани байлығы мен мәдени құндылықтарын дәріптеуші тұлғалар.

💬«Бүгінде Семей қаласында мыңнан астам мәдениет және өнер саласының қызметкерлері еңбек етуде. Қалада 17 мәдениет және өнер нысаны халыққа қызмет көрсетіп отыр. Бұл – мәдениет саласының әлеуетін көрсететін маңызды көрсеткіш», – деді Бекжан Бапышев.

Фестиваль аясында қала мәдениетінің дамуына үлес қосқан сала мамандарына «Семей қаласына сіңірген еңбегі үшін» медалі мен Құрмет грамоталары табысталды.

📷inst | 🗳fb | 🌐gov.kz

#СемейҚаласыныңӘкімдігі

✅Облыс әкімі Семейдің шағын аудандарын дамытуға бағытталған жобалармен танысты

Бүгін облыс әкімі Берік Уәли Семей қаласындағы шағын аудандарды дамытуға бағытталған жобалармен танысып, әлеуметтік нысандарды аралады. Аймақ басшысына теміржол бекеті маңындағы аумақты дамытуға, инженерлік желілерді жаңғыртуға байланысты жобалар ұсынылды.

📌Бұл аудандағы өзекті мәселенің бірі – жылу жетіспеушілігі. Мұндағы үш қазандық жаңғыртуды қажет етеді. Қала әкімінің міндетін атқарушы Бекжан Бапышев аймақ басшысына үш қазандықтың орнына жаңа, экологиялық талаптарға сай келетін заманауи қазандық салу жөнінде ұсыныс білдірді. Бұл өз кезегінде жылу тапшылығын азайтуға мүмкіндік береді.

Облыс әкімі жобаға қолдау білдіріп, сараптама жасап, тиісті ұсыныс енгізуді тапсырды.

🏓Аймақ басшысы жұмыс сапары барысында Ақсары кентінде болды. Бұл жерде облыс әкіміне шаһардағы су жинағыштарын жаңғырту жобалары таныстырылды. Шаһардың оң жағалауын сумен қамтамасыз ететін «Смычка» су жинағышының жаңартып, қуатын арттыруға қатысты ұсыныстар айтылды. Өйткені, бұл ауданда 75 мың тұрғынға арналған тұрғын үй кешендері, 40-тан астам әкімшілік, коммерциялық және әлеуметтік нысандары, саябақтары бар бой жаңа ықшамаудан салынатын болады.

Облыс әкімі қаланың су жинағыштарының жаңғыртудың маңызды екенін атап өтіп, бұл мәселені мұқият зерттеп, ұсыныс беру қажеттігін айтты.

⏩Аймақ басшысы «Жайлы мектеп» ұлттық жобасының аясында Шығыс кентінде салынып жатқан 300 орындық мектептің құрылысын көрді. Қазір құрылыс алаңында дайындық жұмыстары қызу жүріп жатыр. Білім ордасын биылғы желтоқсан айында аяқтап, пайдалануға беру жоспарланып отыр.

«Бұл мектептің құрылысы Президент Әкімшілігінің тікелей бақылауында. Қала әкімдігі құрылыс барысын қадағалауда ұстауы тиіс. Бекітілген кестеге сай жұмыс істеп, жаңа жылға дейін бітіріп, қолданысқа беру қажет», - деді аймақ басшысы.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ