⚡️Семейде Жеңістің 80 жылдығына арналған әндер фестивалі өтті

Қалалық мәдениет сарайында Жеңіс күнін жақындатқан жауынгерлер мен тыл еңбеккерлерінің ерлігін еске алу мақсатында «Отты жылдар әндері» фестивалі өтті. Соғыс әндері – Ұлы Отан соғысының қайғылы да қаһарлы кезеңін бейнелейтін музыкалық жылнама, сол уақыттағы оқиғаларды бүгінгі ұрпаққа жеткізудің әсерлі жолы. Іс-шараға Семей қаласы әкімінің орынбасары Қуаныш Әбілдаев, ардагерлер, қоғам белсенділері және студенттер қатысты.

Біздің қаламыз бұл тарихи кезеңнен тыс қалған жоқ – мұнда екі атқыштар дивизиясы жасақталып, майдан үшін жұмыс істеген ірі өндіріс орындары эвакуацияланып орналастырылды, эвакогоспитальдар жұмыс істеді. «Барлығы майдан үшін, барлығы Жеңіс үшін» деген ұранды сол кездегі семейліктер жүрекпен қабылдады.

«Сіздерді Жеңістің 80 жылдығына арналған шарада қарсы алғаныма қуаныштымын. Бүгін біз осы қалада жасақталған 238-ші гвардиялық атқыштар дивизиясының жауынгерлік жолын еске аламыз. Қасиетті Отанын жаудан қорғаған жауынгерлердің ерлігі ешқашан ұмытылмайды. Отан қорғау – әр азаматтың қасиетті борышы. Бүгінгі ұрпақ ата-бабаларымыздың ерлігін ұмытпай, бейбітшілік пен келісімде өмір сүруі тиіс», – деді Қуаныш Әбілдаев.

Фестиваль 1941 жылы Семей қаласында құрылған 238-ші гвардиялық атқыштар дивизиясының жауынгерлік жолына арналған тарихи бейнероликпен ашылды. Сол қиын жылдары туған қаламыз өзінің қайсарлығымен ерекшеленді.

Сахнада шырқалған әскери әндер көрермендердің жүрегіне жол тапты.

📷inst | 🗳fb | 🌐gov.kz

#СемейҚаласыныңӘкімдігі

🩺Семейдегі облыстық жедел жәрдем ауруханасында пациенттерді қолдау қызметі ашылды

Семейдегі облыстық жедел жәрдем ауруханасында пациенттерді қолдау қызметі ашылды. Іс-шараға облыс әкімі Берік Уәли, Денсаулық сақтау министрі Ақмарал Әлназарова қатысты.

🔺Былтыр жедел медициналық жәрдем ауруханасының қабылдау бөліміне 39 815 пациент келіп, олардың 15 442-сі ауруханаға жатқызылған. Емделушілердің 70 пайызы қабылдау бөлімі мен травматологиялық пунктке жиі жүгінеді. Осыған орай аурухана басшылығы пациенттерді қолдау қызметін төртінші қабаттан бірінші қабатқа көшірді.

Енді науқастар еш кедергісіз орталық қызметіне жүгіне алады. Бұл шағымдар беру процесін жеңілдетіп, күту уақытын азайтуға және пациенттердің құқықтарын қорғауға жауапты мамандардың қолжетімділігін арттырады.

➡️Ашылу салтанатында сөз алған Денсаулық сақтау министрі Ақмарал Әлназарова пациенттерді қолдау орталығы даулы жағдайларды жедел шешуге және дәрігерлермен өзара іс-қимыл жасауға көмектесетінін атап өтті.

«Президенттің тапсырмасы аясында Семей қаласында дәрігерлерді кәсіби сақтандыру жүйесін енгіздік. Сонымен қатар, пациенттердің мәселелері тез арада шешілсін деген ниетпен осындай орталықтарды ашып жатырмыз. Қазіргі таңда республика бойынша 6 мыңнан астам адам осы қызметте жұмыс атқаруда. Бұл орталық Абай облысының тұрғындарына септігін тигізеді деген сенімдемін» деді Денсаулық сақтау министрі.

✅Пациенттерді қолдау қызметінің негізгі міндеті - емделушілер мен олардың туыстарына ақпараттық және консультативтік көмек көрсету, шағымдар мен ұсыныстарды қабылдап, жедел қарастыру.

📌Орталықтың ашылу салтанатынан кейін Денсаулық сақтау министрі Ақмарал Әлназарова Абай облысының әкімі Берік Уәлимен бірге облыстық жедел жәрдем ауруханасының бөлімшелерін аралап, жұмысымен танысты.

💬Мекемені аралау барысында министр аймақ басшысына жедел жәрдем ауруханасының мүмкіндігін кеңейту үшін Семей медицина университеті аумағында нейроинсульттық бөлімшесін ашу туралы ұсыныс айтты.

✅Аймақ басшысы облыстық жедел жәрдем ауруханасына әкімдік тарапынан тиісті қолдау болатынын атап өтті.

«Бұл мекеменің мәселелерімен жақсы таныспын. Ғимарат құрылысы әуелде дұрыс жоспарланбаған. Дренаж жүйесі де дұрыс жобаланбаған. Жерасты суының көтерілуіне байланысты аурухананың жертөлесіне су жайылған. Бұл мәселені шешу үшін тиісті жобалық-сметалық құжаттар дайындалып, мемлекеттік сараптамаға жіберілді. Қазіргі уақытта жедел жәрдем ауруханасының корпустарының шатыры мен қасбеттеріне күрделі жөндеу жүргізілуде. Бұған облыстық бюджеттен қаржы бөлінген. Құрылыс жұмыстары жеке бақылауымда болады» деді облыс әкімі.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ

🩺В областной больнице скорой медицинской помощи в Семее открылся Центр поддержки пациентов

В областной больнице скорой медицинской помощи в Семее открылся Центр поддержки пациентов. В мероприятии приняли участие аким области Берик Уали и министр здравоохранения Акмарал Әлназарова.

🔺В прошлом году в приёмное отделение больницы скорой медицинской помощи обратились 39 815 пациентов, из них 15 442 были госпитализированы. 70% пациентов чаще всего обращаются в приёмное отделение и травмпункт.

➡️В связи с этим руководство больницы переместило Центр поддержки пациентов с четвёртого этажа на первый. Теперь пациенты могут беспрепятственно обратиться в центр. Это упростит процесс подачи жалоб, сократит время ожидания и повысит доступность специалистов, ответственных за защиту прав пациентов.

📌Выступая на церемонии открытия, министр здравоохранения Акмарал Альназарова отметила, что Центр поддержки пациентов поможет оперативно решать спорные ситуации и наладить взаимодействие с врачами.

«В рамках поручения Президента мы внедрили в Семее систему профессионального страхования врачей. Также мы открываем подобные центры, чтобы оперативно решать вопросы пациентов. В настоящее время по всей республике в данной службе работают более 6 тысяч человек. Уверена, что этот центр принесёт пользу жителям области Абай», — отметила министр здравоохранения.

✅Основная задача Центра поддержки пациентов — предоставление информационной и консультативной помощи пациентам и их родственникам, приём и оперативное рассмотрение жалоб и предложений.

💬После церемонии открытия министр здравоохранения Акмарал Альназарова и глава региона Берик Уали осмотрели отделения областной больницы скорой помощи и ознакомились с работой. В ходе визита министр предложила открыть нейроинсультное отделение на территории Семейского медицинского университета для расширения возможностей больницы.

🔊Аким области отметил, что акимат окажет необходимую поддержку больнице скорой помощи.

«Я хорошо знаком с проблемами этого учреждения. План строительства этого здания изначально был неправильным. Дренажная система также спроектирована неверно. Из-за повышения уровня грунтовых вод вода зашла в подвал больницы. Для решения этого вопроса подготовлена и направлена на государственную экспертизу соответствующая проектно-сметная документация. Сейчас проводится капитальный ремонт крышы и фасадов корпусов больницы. На это выделены средства из областного бюджета. Строительные работы будут находиться на моем личном контроле», — сказал глава региона.

ПРЕСС-СЛУЖБА АКИМА ОБЛАСТИ АБАЙ

🔺Семей қаласында бірқатар нысандар жаңартылады

Ұлы Жеңістің 80 жылдығына дайындық жұмыстары аясында Семей қаласының әкімі Талғат Мұратов Суықбастау кентінде орналасқан «Еске алу тақтасы» мен Б.Байғожина көшесіндегі «Восток» қару-жарақ және әскери техника тарихы мұражайына барып, нысандардың қазіргі жай-күйімен танысты.

Аталған еске алу тақтасы – ел үшін жанын қиған батырларымыздың есімін мәңгілікке қалдырған қасиетті орын. Алайда бүгінде тақтаның техникалық және эстетикалық жағдайы көңіл көншітпейді. Жылдар бойы күтімнің болмауы, уақытылы жөндеу жұмыстарының жүргізілмеуі салдарынан бұл нысан жарамсыз күйге түскен. Қала әкімі осыған орай, жауапты бөлім басшылары мен мердігер ұйым өкілдеріне бұл мәселені жедел түрде шешуді, еске алу тақтасын қалпына келтіруді тапсырды.

«Бұл тақтада ел мен жер үшін жанын қиған ерлеріміздің есімі жазылған. Мұндай жағдайда тұрғаны – қала үшін үлкен сын. Алдымызда Ұлы Жеңістің 80 жылдығы секілді аса маңызды тарихи күн келе жатыр. Біз батырлар рухына лайық құрмет көрсетуіміз керек», – деді қала басшысы.

Сапар барысында әкім Б.Байғожина көшесінде орналасқан «Восток» қару-жарақ және әскери техника тарихы мұражайына да арнайы барды. 2008 жылы ашылған бұл ашық аспан астындағы музей — сол жағалау тұрғындары мен қала қонақтарының жиі баратын сүйікті орындарының бірі. Мұражай аумағында соғыс жылдарында қолданылған әскери техникалар қойылған, алайда қазіргі уақытта бұл нысан да қайта жаңғыртуды қажет етеді.

«Бұл орында қала тұрғындары 9 мамыр – Жеңіс күні қарсаңында келіп, гүл шоқтарын қойып, батырларымызды еске алады. Сондықтан мұражай аумағын абаттандыру және жөндеу жұмыстарын дереу қолға алу қажет. Бұл – тек мерекелік шараға дайындық қана емес, жас ұрпаққа патриоттық тәрбие берудің де маңызды бір бөлігі», –деді Талғат Мұратов.

Бөлім және мердігер ұйым басшылары мәселелерді шұғыл түрде шешіп, нысандарды тиісті деңгейде жаңғыртатындарын жеткізді.

📷inst | 🗳fb | 🌐gov.kz

#СемейҚаласыныңӘкімдігі