❄️Семей қаласында екі күнде бір айлық нормадағы қар жауды

29 және 30 қаңтар күндері Семей қаласында 10,5 мм-ден астам қар жауды, ал бір айлық норма – 11,4 мм құрайды (1 мм шамамен – 1,5 см қар мөлшері). 1 қаңтардан бастап бүгінге дейін жалпы жауған қар – 25,1 мм. Ал қаланың шет аймақтарына 30 см-ден астам қар түскен.

Көшелерді қардан тазалауға 96 бірлік арнайы техника, соның ішінде автогрейдер, шұмшашқыш, тиегіш және самосвал жұмылдырылды. Екі күнде 140-тан астам адам қызмет етіп, негізгі трассалар мен аула жолдарын тазалады. Сонымен қатар қарды шығару жұмыстары жалғасуда.

Қыс басталғалы бері қаладан 35 мың текше метр қар шығарылды.

Қоммуналдық қызметтер тұрғындардың қауіпсіздігін қамтамасыз ету үшін күшейтілген жұмыс режиміне көшкен.

❗️Қала тұрғындарынан коммуналдық қызметтердің жұмысына түсіністікпен қарап, жолда абай болуды, жылдамдықты асырмауды, арақашықтықты сақтауды және қар тазалаушы техниканың жұмыс істеп жатқан жерлерінде көліктерді тұраққа қоймауды сұраймыз.

#СемейҚаласыныңӘкімдігі