✅Облыс әкімі Семейдегі арнайы әлеуметтік қызмет көрсету орталықтарының өзекті мәселелерімен танысты

Облыс әкімі Берік Уәли Семейдегі арнайы әлеуметтік қызмет көрсету орталықтарының тыныс-тіршілігімен танысты. Аймақ басшысы әуелі №2 арнайы әлеуметтік қызмет көрсету орталығында, яғни Қарттар үйінде болды.

🌐Ғимарат 1985 жылы салынған. Мекеме 155 орынға арналған. Қазіргі таңда мұнда 152 адамға қызмет көрсетілуде. Оның 87-сі егде жаста, 65-і мүгедектігі бар азаматтар. Арнайы әлеуметтік қызмет көрсететін 5 бөлімше жұмыс істейді. 11 арнайы кабинет бар. 113 бейнебақылау камерасы орнатылған.

Жұмыспен қамту және әлеуметтік бағдарламаларды үйлестіру басқармасының басшысы Айман Нұрлыбек облыс әкіміне мекеменің өзекті мәселелерін жеткізді. Нысан аумағы абаттандыруды қажет етеді. Сонымен қатар мекемедегі бөлмелерге ағымдағы жөндеу жұмыстарын жүргізіп, жиһаз бен есіктерді ауыстырып, желдеткіштер мен жаңа терезелер орнату керек.

🗣️Аймақ басшысы Қарттар үйін аралап көріп, қариялармен пікірлесті.

«Мереке қарсаңында жұмыстарыңызбен танысайын деп арнайы келіп отырмын. Бұл жердегі адамдардың тағдырлары әртүрлі. Қарттар үйі дейміз, бірақ 1-інші, 2-інші топтағы мүгедек жандар да бар. Халық Қарттар үйі дегенде бала-шағасы қалдырып, қарамай кеткен қариялар ғана тұрады деп қабылдайды. Бұл жердегі 152 адамның бәрі ондай емес. Шын мәнісінде, бала-шағасы жоқ, жалғызбасты қариялар да бар. Бір өкініштісі, соңғы жылдары қарагөздеріміздің саны артып келе жатыр. Мекемеде ер адамдар көп екен. Мемлекет өз тарапынан қарастырылған міндеттемелердің барлығын орындайды. Қарттар үйіне әкімдік тарапынан тиісті көмекті көрсетеміз», - деді облыс әкімі.

Аймақ басшысы №1 арнайы әлеуметтік қызмет көрсету орталығына да барып, өзекті мәселелерімен танысты.

Мекеме 18 жастан асқан психоневрологиялық аурулары бар азаматтарға арнаулы әлеуметтік қызмет көрсетеді. Қазіргі уақытта мұнда 399 қызмет алушы бар. Олармен 190 қызметкер жұмыс істейді.

🏓Орталықтың екі корпусы бар. Бірі 1964 жылы, екіншісі 1970 жылы салынған. Алғашқы корпусқа 2023 жылы ағымдағы жөндеу жүргізілген. Соңғы күрделі жөндеу 2014 жылы жасалған.

Мекеме директоры Айдынбек Нұрдыбаевтың айтуынша, орталықта бірқатар өзекті мәселелер бар. Қызметтік көліктердің көпшілігі тозған. Қолданыстағы санитарлық «Газель» көлігі күрделі жөндеуді қажет етеді. Арнайы инватакси қарастырылмаған. Сондай-ақ қызметкерлерге арналған бақылау-өткізу пункті мен келушілермен кездесу ғимаратын салу, мекеме ғимараттарының қасбеттері мен қызмет алушылардың жатын бөлмелерін жөндеу мәселесі де күн тәртібінде тұр.

📌Облыс әкімі орталықтағы өзекті мәселелерді жақсы білетінін айтып, әлеуметтік саладағы осындай маңызды мекемелерге әкімдік тарапынан тиісті қолдау көрсетілетінін атап өтті.

«Орталыққа ағымдағы жөндеу жүргізу үшін облыстық бюджеттен 141 миллион теңге бөлінді. Техникамен қамтамасыз ету бойынша тиісті қолдау көрсетеміз. Қазіргі уақытта прокуратура органдары мемлекетке қайтарған активтер есебінен мекеме аумағында 100 орындық жаңа ғимарат салынып жатыр. Үш жүз адамға арналған орталықтың бүгінде 400 адамға қызмет көрсетіп жатқанын ескерсек, жаңа ғимарат мекеменің жүктемесін жеңілдететіні сөзсіз. Облыс орталығындағы әлеуметтік қызмет көрсету орталықтарының тыныс-тіршілігімен, мәселелерімен танысайын деп арнайы келдім. Мұндай орталықтарда заман талабына сай қызмет көрсетілуі керек. Екі мекемедегі жағдайды жақсарту үшін тиісті шараларды қабылдаймыз. Жеке бақылауымда болады», – деді аймақ басшысы.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ

✅Аким области ознакомился с актуальными вопросами деятельности социальных учреждений в Семее

Аким области Берик Уали ознакомился с работой специальных центров по оказанию социальных услуг в Семее. В первую очередь он посетил Центр №2, известный как Дом престарелых.

🏥Здание было построено в 1985 году и рассчитано на 155 мест. В настоящее время здесь обслуживаются 152 человека, из них 87 – пожилые люди, 65 – лица с инвалидностью. В учреждении функционируют 5 отделений и 11 специализированных кабинетов, установлено 113 камер видеонаблюдения.

Руководитель управления координации занятости и социальных программ Айман Нурлыбек озвучила акиму области насущные проблемы учреждения. Необходимо благоустройство территории, проведение текущего ремонта в комнатах, замена мебели и дверей, установка новых окон и систем вентиляции.

🗣️Глава региона осмотрел Дом престарелых, пообщался с его обитателями.

«В преддверии праздника специально приехал ознакомиться с вашей работой. Судьбы людей здесь разные. Говорим «Дом престарелых», но здесь также находятся люди с инвалидностью первой и второй групп. В обществе бытует мнение, что сюда попадают только те, кого бросили дети. Но это не так. Здесь живут и одинокие пожилые люди, у которых нет близких. Печально, что в последние годы увеличивается число наших соотечественников, попадающих сюда. Среди проживающих преобладают мужчины. Государством со своей стороны предусмотрены все условия. Администрация области окажет необходимую помощь, – отметил Берик Уали.

Аким также посетил Центр №1 по оказанию специальных социальных услуг.

🏓Здесь получают услуги 399 человек с психоневрологическими заболеваниями старше 18 лет. С ними работают 190 сотрудников.
У центра два корпуса: один построен в 1964 году, другой – в 1970-м. В 2023 году в одном из корпусов был проведен текущий ремонт, последний капитальный ремонт датируется 2014 годом.
По словам директора учреждения Айдынбека Нурдыбаева, в центре имеются ряд актуальных проблем. Среди проблем учреждения – изношенный автопарк, санитарный автомобиль нуждается в капитальном ремонте, отсутствует специализированное инватакси. Необходимо строительство контрольно-пропускного пункта и помещения для встреч с посетителями, ремонт фасадов зданий и спален получателей услуг.

➡️Аким области отметил, что в курсе актуальных проблем и выразил готовность оказать поддержку:

«Из областного бюджета на текущий ремонт центра выделено 141 млн тенге. Окажем необходимую помощь в обеспечении техникой. За счет возвращенных прокуратурой активов на территории учреждения ведется строительство нового корпуса на 100 мест. Учитывая, что центр, рассчитанный на 300 человек, сегодня обслуживает 400, новый корпус, безусловно, позволит снизить нагрузку на учреждение. Приехал, чтобы лично ознакомиться с ситуацией в таких важных учреждениях. Примем все меры для улучшения условий. Буду держать вопрос на личном контроле», – подчеркнул глава региона.

ПРЕСС-СЛУЖБА АКИМА ОБЛАСТИ АБАЙ

🏫Облыс әкімі Семейдегі №42 жалпы орта білім беретін мектепке барды

Облыс әкімі Берік Уәли қаланы аралау барысында Семейдегі №42 жалпы орта білім беретін мектепке барып, білім ордасының ахуалымен танысты. 1974 жылы салынған бейімделген ғимаратта 287 оқушы білім алып жатыр. Мектеп жанындағы интернатта 120 бала тәрбиеленуде.

⚡️Қазіргі таңда мектепте бірқатар мәселелер туындап отыр. Мектептің аумағы қоршалмаған. Аумақты қоршау үшін жобалық сметалық құжаттама әзірленген. Мектеп жанындағы интернат ғимараты үш подъезден тұрады. Соның біреуінде интернат балалары тұрып жатыр. Бүгінде екеуі бос тұр. Мектеп басшылығы облыс әкіміне бос тұрған бір подьезді ашып, күрделі жөндеу жүргізіп, интернатты кеңейтсе деген ұсыныс айтып, көмек сұрады. Сонымен қатар интернат тәрбиеленушілері үшін спорт алаңы салынса деген өтініш білдірді.

🟢Аймақ басшысы интернаттың бос тұрған және жұмыс істеп тұрған ғимараттарын аралап көрді. Облыс әкімі Семей қаласы әкімдігі мен Білім басқармасына мектептің қоршау мәселесін шешіп, интернаттың бос тұрған бөлігіне техникалық зерттеу жүргізіп, жобалық-сметалық құжаттама әзірлеп, тиісті ұсыныс енгізуді тапсырды.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ