📢Құрметті қала тұрғындары мен қонақтары!

«Jolaman» СЛО (Семей-Алматы тас жолы) аумағында 10 мамыр күні Бородулиха ауданы және Семей қаласы ауыл шаруашылығы тауар өндірушілерінің қатысуымен ауыл шаруашылығы жәрмеңкесі өтеді.

Уақыты: 09:00-13:00
——————
📢Уважаемые жители и гости города!

10 мая на территории ТЛЦ «Jolaman» (трасса Семей–Алматы) состоится сельскохозяйственная ярмарка с участием сельхозтоваропроизводителей Бородулихинского района и города Семей.

Время: 09:00-13:00

📷inst | 🗳fb | 🌐gov.kz

#СемейҚаласыныңӘкімдігі

✔️Степной кентінің мәселелері бақылауда

Семей қаласы әкімінің міндетін атқарушы Бекжан Бапышев Степной кентінің тұрғындарымен кездесу өткізді. Ашық диалог форматында өткен жүздесуде тұрғындар өздерін толғандырып жүрген бірқатар өзекті мәселелерді көтерді. Атап айтқанда, жол сапасы, көше жарықтандыру, қоғамдық көлік қозғалысы, бейнебақылау камераларын орнату, абаттандыру мен көгалдандыру.

💬«Халықпен кездесуден кейін көтерілген әрбір мәселе назардан тыс қалмайды. Әр сұрақ ретімен шешіледі. Біз тұрғындармен ашық диалог орнату арқылы нақты мәселелердің түйінін тарқатуға дайынбыз», – деді Бекжан Бапышев.

Кездесуден кейін қала әкімінің міндетін атқарушы кенттің бірнеше көшесін аралап, жағдаймен танысты. Атап айтқанда, 2-ші Степная мен Топографиялық көшелерін қарап шығып, жолдардың қазіргі күйін бағамдады.

Бүгінде жоспарға сәйкес Машина жасаушылар, Жасыл Орман және Мұқыр көшелері тегістеліп, тас төсеу жұмыстары жүргізілді. Ал Топографиялық көшесіне орташа жөндеу жұмыстарын жүргізу жоспарланған.

❕Алдағы уақытта Степной кентіндегі өзекті мәселелер өз кезегімен шешімін таппақ.

📷inst | 🗳fb | 🌐gov.kz

#СемейҚаласыныңӘкімдігі

🎗️Абай облысында Ұлы Жеңістің 80 жылдығы кең көлемде атап өтілуде

9 мамыр – Ұлы Жеңістің 80 жылдығы Абай облысында кең көлемде атап өтілуде. Атаулы күнге орай Семей қаласында бірқатар іс-шаралар ұйымдастырылды.

💐Облыс орталығындағы Жеңіс саябағында «Мәңгілік алауға» гүл шоқтарын қою рәсімі өтті. Оған аймақ басшысы Берік Уәли, ардагерлер, құқық қорғау органдары мен әскери бөлімдердің өкілдері, «Жас Ұлан» әскери мектебінің курсанттары қатысты.

Шара барысында Даңқ гирляндасы мен гүл себеттері қойылып, майдан даласында қаза тапқандарды бір минут үнсіздікпен еске алды. Мемлекеттік Ту көтеріліп, Қазақстан Республикасының Әнұраны орындалды.

✅Облыс әкімі Жеңіс саябағында мерекеге орай дайындалған көрмені тамашалап, ардагерлермен бірге майдан ботқасынан дәм татты.

Мерекелік шара аясында жұртшылық назарына «Жеңіс күні» атты концерттік бағдарлама ұсынылды. Жергілікті өнерпаздар Мапруза Өтеуленова, Гүлдана Ноғайбаева, Нұрлан Тутунов, халықтық «Ахау Семей» ансамблі, «Ақбота» би студиясы, «Самрұқ» тобы және басқа да шығармашылық ұжымдар соғыс жылдарының әндерін орындады.

🔺Бүгін кешкісін Орталық алаңда «Жеңіс жолы» атты мерекелік концерт өтеді. Абай облысы әкімінің эстрадалық-симфониялық оркестрі мен оркестр солистері, «Тамаша», «Романтики», «Тұмар», «ContraSSt» би ансамбльдері, сондай-ақ Әміре Қашаубаев атындағы мемлекеттік филармония және Семей қалалық мәдениет сарайының әртістері өнер көрсетеді.

🎼Концертке Қазақстанның еңбек сіңірген қайраткері Мапруза Утуленова, «Парасат» орденінің иегері Гүлдана Ноғайбаева, белгілі әнші Айқын Төлепберген және Маржан Арапбаева арнайы қонақ ретінде қатысады.

🎤Кеш соңында көрермендерге Айқын Төлепбергеннің жеке шығармашылық бағдарламасы ұсынылады. Айта кетейік, Ұлы Жеңіс мерекесіне орай облыста 300-ге жуық іс-шара өтеді.

АБАЙ ОБЛЫСЫ ӘКІМІНІҢ БАСПАСӨЗ ҚЫЗМЕТІ