🌳Семей қаласында ағаш әктеу жұмыстары жүргізілді

Таза табиғат — таза болашақтың кепілі. Бүгін «Таза Қазақстан» жалпыұлттық экологиялық акциясы аясында Семей қаласында ағаш әктеу жұмыстары ұйымдастырылды.

Игілікті іске қаланың әкімшілік және мемлекеттік мекемелері, жастар, еріктілер мен тұрғындар белсене қатысты. Жалпы 300-ден астам адам жұмылып, нәтижесінде 1000-ға жуық ағаштың діңі әктелді. Жұмыстарға 1 тоннадан астам әк жұмсалды.

Ағаштарды әктеу – тек көріктендіру ғана емес, өсімдіктерді зиянкестерден қорғау, олардың өміршеңдігін арттыру мақсатында атқарылатын маңызды іс-шара.

Сонымен қатар, акция барысында 500-ден астам арнайы дайындалған, қаламыздың атауы жазылған жейделер таратылды. Бұл бастама қала тұрғындарына туған жеріне деген сүйіспеншілікті арттырып, бірлік пен ұйымшылдықты нығайтты.

«Таза Қазақстан» акциясы аясындағы игі шаралар бұдан әрі де жалғасын таппақ. Таза қала — әрбір тұрғынның қамқорлығы мен белсенді қатысуынан басталады!

📷inst | 🗳fb | 🌐gov.kz

#СемейҚаласыныңӘкімдігі