​កម្មវិធីចែករំលែកពីទស្សនវិស័យប្រតិបត្តិការរបស់ធនាគារ សាខមប៊ែង ខេមបូឌា
នៅថ្ងៃទី១៧ ខែកញ្ញា ឆ្នាំ២០២៣ ធនាគារ សាខមប៊ែង ខេមបូឌា បានរៀបចំកម្មវិធីចែករំលែកពីទស្សនវិស័យប្រតិបត្តិការ ដោយមានការចូលរួមពីបុគ្គលិកទាំងអស់គ្នា។ ទោះបីមានរយៈពេលខ្លីក៏ដោយ បុគ្គលិកបានស្តាប់នូវការចែករំលែកដោយការយកចិត្តទុកដាក់ និងពោរពេញដោយថាមពលពីគណៈគ្រប់គ្រង ស្តីអំពីទស្សនវិស័យអាជីវកម្ម ការគ្រប់គ្រងប្រតិបត្តិការ វប្បធម៌ការងារ ទំនួលខុសត្រូវក្នុងការគ្រប់គ្រង ។ល។ ជាពិសេសគឺគោលការណ៍លើសុខុមាលភាព អត្ថប្រយោជន៍ពិសេស និងយន្តការលើកទឹកចិត្តដ៏ទាក់ទាញផ្តល់ជូនបុគ្គលិក ដែលមាននៅធនាគារ សាខមប៊ែង ខេមបូឌា តែប៉ុណ្ណោះ ។ លើសពីនេះទៀត លោក Phung Thai Phung ជាសមាជិកក្រុមប្រឹក្សាភិបាល និងជាអគ្គនាយកធនាគារ សាខមប៊ែង ខេមបូឌា បានថ្លែងអំណរគុណយ៉ាងជ្រាលជ្រៅចំពោះការយកចិត្តទុកដាក់ពីធនាគារមេកន្លងមក ទោះបីស្ថិតក្នុងបរិបទសេដ្ឋកិច្ចដ៏លំបាកនាពេលបច្ចុប្បន្នក៏ដោយ ក៏បានប្តេជ្ញាចិត្ត ខិតខំប្រឹងប្រែងអនុវត្តឱ្យបាន នូវគោលដៅផែនការអាជីវកម្មឆ្នាំ២០២៣ ដែលបានប្រគល់ជូន។
អានបន្ថែម៖ https://www.sacombank.com.kh/workshop-on-sharing-about.../

📣 ធនាគារ សាខមប៊ែង ខេមបូឌា ចូលរួមវេទិកាពិព័រណ៍ជំនាញ និងការងារ ឆ្នាំ២០២៣
ℹ️ ចាប់ពីថ្ងៃទី២៩ ដល់ថ្ងៃទី៣០ ខែកញ្ញា កន្លងមក ធនាគារ សាខមប៊ែង ខេមបូឌា បានចូលរួមវេទិកាពិព័រណ៍ជំនាញ និងការងារ ឆ្នាំ២០២៣ ដែលរៀបចំដោយវិទ្យាស្ថានធនាគារ និងហិរញ្ញវត្ថុកម្ពុជា នៅសាកលវិទ្យាល័យជាតិគ្រប់គ្រង ដោយមានការចូលរួមពីធនាគារល្បីៗជាច្រើន ក៏ដូចជាក្រុមហ៊ុន និងគ្រឹះស្ថានផ្សេងៗនៅកម្ពុជា។
ជាពិសេស ស្តង់ធនាគារ សាខមប៊ែង ខេមបូឌា បានទាក់ទាញសិស្សនិស្សិតយ៉ាងច្រើនកុះករ ចូលរួមជាមួយសកម្មភាពជាច្រើនដូចជា ចុះឈ្មោះដើម្បីទទួលបានកាដូ និងការសម្ភាសជ្រើសរើសបុគ្គលិកដោយផ្ទាល់នៅស្តង់ ។ល។ ជាមួយនឹងពាក្យស្នើសុំរបស់និស្សិតជាង ៣៧០ ប្រវត្តិរូបសង្ខេប ដែលត្រូវបានទទួល និងសម្ភាសន៍ដោយផ្ទាល់នៅក្នុងវេទិកាពិព័រណ៍ការងារអស់រយៈពេល ២ថ្ងៃ បង្ហាញពីចំណាប់អារម្មណ៍ដ៏ពិសេសរបស់សិស្សនិស្សិតចំពោះធនាគារ សាខមប៊ែង ខេមបូឌា ជាមួយនឹងបំណងប្រាថ្នាចង់ក្លាយជាសមាជិកនៃគ្រួសារធនាគារ សាខមប៊ែង ដើម្បីរួមគ្នាកសាង និងអភិវឌ្ឍជាមួយធនាគារ សាខមប៊ែង ខេមបូឌា។
តោះមកមើលកម្រងរូបភាពឡើងវិញនៃកម្មវិធី និងចែករំលែកកម្រងរូបភាពទាំងនេះជាមួយយើងទាំងអស់គ្នា!