ក្រុមកូដករណាហ្គាវើលដ៍ខកចិត្ត ចំពោះសវនាការនៅសាលាដំបូងក្រុងភ្នំពេញ នៅថ្ងៃពុធទី៣ ឧសភា ដែលព្រះរាជអាជ្ញាបានចោទប្រកាន់ពួកគេដោយគ្មានមូលដ្ឋាន ថាបានធ្វើកូដកម្មខុសច្បាប់ ។ ពួកគេថា ក្រុមអយ្យការលំអៀងទៅថៅកែក្រុមហ៊ុនណាហ្គាវើលដ៍ ។ ប្រតិកម្មនេះ ធ្វើឡើងបន្ទាប់ពីអយ្យការអមសាលាដំបូងរាជធានីភ្នំពេញ នៅក្នុងសវនាការចោទប្រកាន់តំណាងសហជីពទាំង៩នាក់ថា ញុះញង់ឱ្យក្រុមកម្មករណាហ្គាវើលដ៍ធ្វើកូដកម្មខុសច្បាប់ បង្កភាពអសន្តិសុខសង្គម និងស៊ីឈ្នួលធ្វើបាតុកម្មប្រឆាំងរដ្ឋាភិបាល។

#RFAKhmer #Cambodia #HumanRights #Worker #NagaWorld #AmSamAth #ChhimSithar
---
👉 ទស្សនាវីដេអូ៖ https://youtu.be/UeqElVUmpAc

ស្វែងរកវិទ្យុអាស៊ីសេរី នៅលើ៖
👉 t.me/rfakhmer
👉 instagram.com/rfakhmer
👉 rfa.org/khmer
👉 facebook.com/rfacambodia
👉 youtube.com/RFAKhmerVideo
👉 twitter.com/RadioFreeAsiaKH

សាលាដំបូងរាជធានីភ្នំពេញ នៅព្រឹកថ្ងៃទី២៥ ឧសភា បានប្រកាសសាលក្រមផ្ដន្ទាទោសលើថ្នាក់ដឹកនាំសហជីពនៃអតីតបុគ្គលិកណាហ្គាវើលដ៍ចំនួន ៩នាក់ ដាក់ពន្ធនាគារម្នាក់ៗ ចន្លោះពី ១ឆ្នាំ ទៅ ២ឆ្នាំ ក្រោមបទចោទប្រកាន់ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គមតាមមាត្រា ៤៩៤ និង ៤៩៥ នៃ ក្រមព្រហ្មទណ្ឌ ។ ចៅក្រមស៊ើបសួរនៃសាលាដំបូងរាជធានីភ្នំពេញ អ្នកស្រី សឿង ចរិយា ប្រកាសសាលក្រមផ្តន្ទាទោស កញ្ញា ឈឹម ស៊ីថរ ប្រធានសហជីពទ្រទ្រង់សិទ្ធិបុគ្គលិកកម្មករខ្មែរនៃក្រុមហ៊ុនណាហ្គាវើល៍ (LRSU) ឱ្យជាប់ពន្ធនាគារចំនួន ២ឆ្នាំ និងសមាជិក ៥ នាក់ទៀត គឺកញ្ញា ឈឹម សុខន កញ្ញា ទូច សិរីមាស លោកស្រី ឃ្លាំង សុបិន្ត លោកស្រី ស៊ុន ស្រីពេជ្រ និងលោកស្រី ហៃ សុភាព ឲ្យជាប់ពន្ធនាគារ ១ឆ្នាំកន្លះស្មើគ្នា។ ប៉ុន្តែ អ្នកទាំង ៥រូបនេះ តុលាការដាក់ឲ្យស្ថិតនៅក្រៅឃុំ។ ចំណែក ៣នាក់ទៀត គឺលោកស្រី រឺ សុវណ្ណឌី លោក សុខ ណារិទ្ធិ និងលោក សុខ គង្គា ត្រូវជាប់ពន្ធនាគារត្រឹម ១ឆ្នាំ ដោយតុលាការសម្រេចព្យួរទោសដែរ។
#RFAKhmer #Cambodia #HumanRights #Worker #NagaWorld #AmSamAth #ChhimSithar
---
👉 ទស្សនាវីដេអូ សូមចុចនៅត្រង់នេះ៖

ក្រុមកូដករណា្គវើលដ៍ ប្រមាណជិត ៤០នាក់ បន្តធ្វើកូដកម្មនៅខាងមុខក្រុមហ៊ុនបនល្បែងណាហ្គាវើលដ៍ នៅរសៀលថ្ងៃទី២៦ ឧសភា ទោះបីមេដឹកនាំរបស់ពួកគេ ត្រូវបានតុលាការកាត់ទោសឲ្យជាប់ពន្ធនាគារពីមួយឆ្នាំទៅពីរឆ្នាំក៏ដោយ។ ពួកគេស្លៀកពាក់អាវពណ៌ទឹកក្រូច ដែលជាអាវរបស់ពិរុទ្ធជន និងយកក្រណាត់ពណ៌ខ្មៅ ចងក្បាលគ្របលើភ្នែក និងមាត់ ដើម្បីបង្ហាញអំពីការបំបិទសិទ្ធិសេរីភាពក្នុងការនិយាយបញ្ចេញមតិ និងដើម្បីបង្ហាញពីភាពអយុត្តិធម៌។ ពួកគេ ក៏ប្រើជញ្ជីងយុត្តិធម៌ ដើម្បីថ្លឹងករណីវិវាទនេះ ដោយជញ្ជីងនោះផ្អៀងទៅខាងក្រុមហ៊ុនណាហ្គាវើលដ៍ ដែលមានលុយច្រើន និងទុកឲ្យម្ខាងទៀត ដែលជាកូដករទាមទារ ដើម្បីឆ្នាំងបាយចិញ្ចឹមក្រពះ រងភាពអយុត្តិធម៌។
---
#RFAKhmer #Cambodia #HumanRights #Worker #NagaWorld #ChhimSithar
---
👉 ទស្សនាវីដេអូ សូមចុចនៅត្រង់នេះ៖

ស្វែងរកវិទ្យុអាស៊ីសេរី នៅលើ៖
👉 t.me/rfakhmer
👉 instagram.com/rfakhmer
👉 rfa.org/khmer
👉 facebook.com/rfacambodia
👉 youtube.com/RFAKhmerVideo
👉 twitter.com/RadioFreeAsiaKH

ក្រុមកូដករណាហ្គាវើលដ៍ ដែលកំពុងធ្វើកូដកម្មប្រមាណជាង ៤០នាក់ បានបន្តប្រមូលផ្ដុំគ្នាតវ៉ា នៅមុខក្រុមហ៊ុនជាថ្មីទៀត ក្រោមតំណក់ទឹកភ្លៀង នៅថ្ងៃចន្ទនេះ ដើម្បីទាមទារឱ្យមានដំណោះស្រាយវិវាទការងារអូសបន្លាយជិត ២ ឆ្នាំ។ ការប្រមូលផ្តុំតវ៉ា នៅថ្ងៃរសៀលថ្ងៃទី៥ ខែមិថុនា ដែលខុសប្លែកពីសព្វមួយដងក្រុមកូដករតែងតែវាយស្គរ ប្រើឧបករណ៍បំពងសំឡេង មានបាស និងមេក្រូ កាន់បដាក្រណាត់ពណ៌ក្រហម និងខ្មៅ ជាដើម ក្នុងន័យទាមទារដំណោះស្រាយការងារ និងការដោះលែងប្រធានសហជីព កញ្ញា ឈឹម ស៊ីថរ ។ លើកនេះ ក្រុមកូដករណាហ្គាវើលដ៍នាំគ្នាដើរដង្ហែចេញក្រុមហ៊ុនណាហ្គាវើលដ៍ទីពីរឆ្ពោះទៅក្រុមហ៊ុនណាហ្គាវើលដ៍ទីមួយ ដោយពួកគាត់ធ្វើជារូបបេះដូងពណ៌ខ្មៅសរសេរឈ្មោះក្រុមហ៊ុនបនល្បែង «ណាហ្គាវើលដ៍» ជាភាសាខ្មែរ និងអង់គ្លេស ហើយកទៅបោះចោលក្នុងធុងសំរាម នៅខាងមុខណាហ្គាវើលដ៍ទីមួយ។
#RFAKhmer #Cambodia #HumanRights #Worker #NagaWorld #ChhimSithar
---
👉 ទស្សនាវីដេអូ សូមចុចនៅត្រង់នេះ៖

ស្វែងរកវិទ្យុអាស៊ីសេរី នៅលើ៖
👉 t.me/rfakhmer
👉 instagram.com/rfakhmer
👉 rfa.org/khmer
👉 facebook.com/rfacambodia
👉 youtube.com/RFAKhmerVideo
👉 twitter.com/RadioFreeAsiaKH

ក្រុមកូដករណាហ្គាវើលដ៍ (NagaWorld) ប្រមាណ ៥០នាក់ នៅថ្ងៃទី១៣ មិថុនា បន្តធ្វើកូដកម្មនៅខាងមុខក្រុមហ៊ុនបនល្បែងណាហ្គាវើលដ៍។ ពួកគេឈរដង្ហែគ្នាពាក់វ៉ែនតាពណ៌ខ្មៅ យកលុយដុល្លាធ្វើជាម៉ាសបិទមាត់ និង កាន់រូបថតសខ្មៅ មានបូពណ៌សនៅពីលើ ក្នុងគោលបំណងកាន់ទុក្ខដល់ស្ថាប័នរដ្ឋនានា រួមមាន រដ្ឋសភា ក្រសួងកិច្ចការនារី ក្រសួងការងារ ក្រសួងយុត្តិធម៌ និងសាលារាជធានីភ្នំពេញ ដែលស្ថាប័នរដ្ឋទាំងនេះ អសមត្ថភាពស្វែងរកយុត្តិធម៌ជូនកម្មករ។ ការពាក់វ៉ែនតាខ្មៅបែបនេះ គឺសំដៅដល់ស្ថាប័នរដ្ឋទាំងនោះ មិនបើកភ្នែកសម្លឹងមើលកម្មកររងទុក្ខវេទនា ដាច់បាយក្រហាយទឹក ដែលត្រូវបានថៅកែរំលោភសិទ្ធិការងារ។ រីឯការយកលុយដុល្លាជាម៉ាសបិទមាត់វិញ សំដៅលើស្ថាប័នរដ្ឋទាំងនោះ ត្រូវបានថៅកែប្រើលុយបំបិទមាត់លម្អៀងកាន់ជើងថៅកែ មិនការពារកម្មករ។
#RFAKhmer #Cambodia #HumanRights #Worker #NagaWorld #ChhimSithar
---
👉 ទស្សនាវីដេអូ សូមចុចនៅត្រង់នេះ៖

ស្វែងរកវិទ្យុអាស៊ីសេរី នៅលើ៖
👉 t.me/rfakhmer
👉 instagram.com/rfakhmer
👉 rfa.org/khmer
👉 facebook.com/rfacambodia
👉 youtube.com/RFAKhmerVideo
👉 twitter.com/RadioFreeAsiaKH

ក្រុម​កូដករ​ណា​ហ្គាវើល៍ (​Nag​a​World​) ​ប្រមាណ​ ​៤​០​នាក់​ ​កាលពី​រសៀល​ថ្ងៃ​ទី​ ​២​៨​ ​មិថុនា​ ​បន្ត​ប្រមូលផ្ដុំ​គ្នា​នៅ​ខាងមុខ​ក្រុមហ៊ុន​បនល្បែង​ណា​ហ្គាវើ​ល​ដ៍​ទាមទារ​ឲ្យ​ថៅកែ​ក្រុមហ៊ុន​ដោះស្រាយ​វិវាទ​ការងារ​។​ ​ពួកគាត់​ ​ក៏​ធ្វើពិធី​ប្រគល់​ពានរង្វាន់​មាស​រើសអើង​សហជីព​ ​ដល់​ថៅកែ​ក្រុមហ៊ុន​ ​ដែល​មានការ​ការពារ​ជាពិសេស​ពី​លោក​នាយ​រដ្ឋមន្ត្រី​ហ៊ុន​ ​សែន​។​ ​ទោះ​យ៉ាងណា​ ​ពួកគាត់​ ​សោកស្ដាយ​ ​ដែល​ថៅកែ​ក្រុមហ៊ុន​ ​ឬ​តំណាង​ក្រុមហ៊ុន​ ​មិន​ចេញ​មក​ទទួល​ពានរង្វាន់​រើសអើង​សហជីព​នេះ​។​
#RFAKhmer #Cambodia #HumanRights #Worker #NagaWorld #ChhimSithar
---
👉 ទស្សនាវីដេអូ សូមចុចនៅត្រង់នេះ៖

ស្វែងរកវិទ្យុអាស៊ីសេរី នៅលើ៖
👉 t.me/rfakhmer
👉 instagram.com/rfakhmer
👉 rfa.org/khmer
👉 facebook.com/rfacambodia
👉 youtube.com/RFAKhmerVideo
👉 twitter.com/RadioFreeAsiaKH

កូដករនៃក្រុមហ៊ុនណាហ្គាវើលដ៍ជាង ៤០នាក់ កាលពីថ្ងៃសុក្រ ទី៧ កក្កដា បន្តប្រមូលផ្ដុំគ្នាតវ៉ា ដោយប្រើយុទ្ធសាស្ត្រថ្មី និងប្លែកៗ ជារៀងរាល់សប្តាហ៍ ដើម្បីទាក់ទាញការចាប់អារម្មណ៍ពីមហាជនឲ្យបានដឹងឮ អំពីទុក្ខសោករបស់ពួកគេ ដែលកំពុងរងគ្រោះ ពីសំណាក់ក្រុមហ៊ុនល្បែងស៊ីសងណាហ្គាវើលដ៍ ស្ថិតនៅកណ្តាលរាជធានីភ្នំពេញ និងដែលនៅមិនឆ្ងាយប៉ុន្មានពីផ្ទះលោកនាយករដ្ឋមន្រ្តី ហ៊ុន សែន។

មិនខុសពីសព្វដង ការប្រមូលផ្តុំធ្វើកូដកម្មពីរដងក្នុងមួយសប្តាហ៍ ជារៀងរាល់ពេលរសៀលរបស់កូដករណាហ្គាវើលដ៍ ក្នុងគោលបំណងតែមួយគត់ គឺដើម្បីទាមទាររកយុត្តិធម៌ឱ្យ តំណាងសហជីពពួកគេ គឺកញ្ញា ឈឹម ស៊ីថរ ដែលពេលនេះ កំពុងជាប់ឃុំនៅពន្ធនាគារព្រៃស និងឱ្យថៅកែក្រុមហ៊ុនណាហ្គាវើលដ៍ ចេញមកដោះស្រាយវិវាទការងារដ៏រុំារ៉ៃឱ្យបានឆាប់។ បន្ថែមពីលើសារ ដែលបង្ហាញពីរឿងអយុត្តិធម៌ប្រចាំថ្ងៃរបស់កូដករណាហ្គាវើលដ៍ សារថ្មីដែលរំលេចឡើងក្នុងពេលតវ៉ា នៅថ្ងៃទី៧ កក្កដា មានខ្លឹមសារថា «ជាវិវាទការងារតវ៉ា ដើម្បីឲ្យណាហ្គាវើលដ៍គោរពសិទ្ធិសហជីព» «សហជីព LRSU មិនមែនរឿងនយោបាយ» និង «បញ្ឈប់ការលាបពណ៌ហើយដោះស្រាយ» ជាដើម។
#RFAKhmer #Cambodia #HumanRights #Worker #NagaWorld #ChhimSithar
---
👉 ទស្សនាវីដេអូ សូមចុចនៅត្រង់នេះ៖

កូដករក្រុមហ៊ុនបនល្បែងណាហ្គាវើលដ៍ (NagaWorld) ជាង ៤០នាក់ កាលពីថ្ងៃទី ១៧ កក្កដា បានបន្តប្រមូលផ្តុំគ្នាធ្វើកូដកម្ម ដោយពាក់របាំងមុខរូបថៅកែក្រុមហ៊ុនណាហ្គាវើលដ៍ លោក តាន់ ស្រ៊ី (Tan Sri) ឬ លោក ចេន លីប គឹង (Chen Lip Keong) និងលោក ទីម៉ូធី ផាទ្រីក (Timothy Patrick McNally ) ជាប្រធាន NagaCorp និងរូបសញ្ញា (ឡូហ្គោ) សរសេរអក្សរអង់គ្លេស LRSU ដែលជាឈ្មោះ «សហជីពទ្រទ្រង់សិទ្ធិការងាររបស់កម្មករនៃក្រុមហ៊ុនណាហ្គាវើល៍» ។ ក្រៅពីនេះ ក្រុមកូដករចោទប្រកាន់ទៅលើស្ថាប័នចំនួន ៣ រួមមាន ស្ថាប័នតុលាការ ក្រសួងយុត្តិធម៌ និងក្រសួងការងារ ដែលជាខ្នងបង្អែកនៅពីក្រោយក្រុមហ៊ុនណាហ្គាវើលដ៍ ដែលបណ្ដែតបណ្ដោយឱ្យថៅកែរំលោភសិទ្ធិការងារក្រុមកម្មករ សហជីព តាមអំពើចិត្ត និងធ្វើទុក្ខបុកម្នេញលើកូដករភាគច្រើនជាស្ត្រី។
#RFAKhmer #Cambodia #HumanRights #Worker #NagaWorld #ChhimSithar
---
👉 ទស្សនាវីដេអូ សូមចុចនៅត្រង់នេះ៖

ស្វែងរកវិទ្យុអាស៊ីសេរី នៅលើ៖
👉 t.me/rfakhmer
👉 instagram.com/rfakhmer
👉 rfa.org/khmer
👉 facebook.com/rfacambodia
👉 youtube.com/RFAKhmerVideo
👉 twitter.com/RadioFreeAsiaKH

ក្រុម​កូដករ​ណាហ្គាវើលដ៍ (NagaWorld) ជិត ៤០​នាក់ កាលពី​​​ថ្ងៃទី​២០ កក្កដា បន្ត​តវ៉ាដោយ​ប្ដូរ​យុទ្ធសាស្ត្រ​ប្លែកៗ ក្នុងពេលធ្វើកូដកម្ម​ម្តងៗ ដើម្បី​រក​យុត្តិធម៌​ជូនមេដឹកនាំសហជីព​គឺ​កញ្ញា ឈឹម ស៊ីថរ និង​ទាមទារឲ្យទម្លាក់​រាល់​ការ​ចោទ​ប្រកាន់​លើ​សហការី​របស់​ពួកគេ។ ការប្រមូលផ្តុំគ្នាតវ៉ា​​ថ្ងៃ​នេះ ក្រុម​កូដករ​បាន​ចងបដាក្រណាត់ពណ៌សមួយផ្ទាំងជាប់នឹងរបងក្រុមហ៊ុនណាហ្គាវើលដ៍​ រួចនាំគ្នាជ្រលក់​ដៃ​នឹង​ទឹក​ថ្នាំ​ពណ៌ចម្រុះគ្នា ហើយយកទៅប៉ាតនៅលើផ្ទាំងក្រណាត់ពណ៌ស ក្នុងបំណង​បង្ហាញពី​អត្ថន័យនៃ​ពណ៌នីមួយៗ។ ក្រុមកូដករ បានពន្យល់ពី​ខ្លឹមសារពណ៌និមួយៗ ថា ពណ៌ស្វាយ "Equality" តំណាងឲ្យ «សមភាពចំពោះមុខច្បាប់» ពណ៌ខៀវ "Peace" «សន្តិភាពពិតប្រាកដ មិនក្លែងក្លាយ» ពណ៌លឿង "Rule Of Law" «ប្រើប្រាស់ប្រព័ន្ធច្បាប់ដោយសុក្រឹត និងគតិយុត្តិ ពណ៌បៃតងចាស់ "Justice" «យុត្តិធម៌ពិតប្រាកដសម្រាប់ប្រជាជនរងគ្រោះ ដោយមិនលំអៀង» និងពណ៌ក្រហម "Freedom" «សិទ្ធិសេរីភាពក្នុងការបញ្ចេញមតិ» ។
#RFAKhmer #Cambodia #HumanRights #Worker #NagaWorld #ChhimSithar
---
👉 ទស្សនាវីដេអូ សូមចុចនៅត្រង់នេះ៖

កូដករណាហ្គាវើលដ៍ នៅតែស្នើយ៉ាងទទូចដល់ថៅកែក្រុមហ៊ុនបនល្បែងណាហ្គាវើលដ៍ និងរដ្ឋាភិបាលថ្មី ដែលដឹកនាំដោយកូនប្រុសច្បងរបស់លោកនាយករដ្ឋមន្ត្រី ហ៊ុន សែន គឺលោក ហ៊ុន ម៉ាណែត ពន្លឿនការដោះស្រាយវិវាទការងារនេះ ឲ្យបានឆាប់រហ័ស ដើម្បីផ្ដល់យុត្តិធម៌ដល់កម្មកររងគ្រោះ។ សំណើរបស់ក្រុមកូដករ ធ្វើឡើងនៅថ្ងៃទី២៨ កក្កដា ខណៈពួកគេជិត ៤០ នាក់ បន្តចេញធ្វើកូដកម្មទាមទារឲ្យដោះស្រាយវិវាទការងារ ដែល​អូស​បន្លាយ​អស់​រយៈពេលជិត ២ឆ្នាំមកហើយ។ កូដកម្មថ្ងៃនេះ ពួកគេសរសេរអក្សរធំៗ នៅលើក្រណាត់សមួយផ្ទាំង ដែលមានពាក្យថា «ឈប់» ជាភាសាខ្មែរ និង «Stop» ជាភាសាអង់គ្លេស ក្នុងបំណងចង់បង្ហាញឲ្យក្រុមហ៊ុនណាហ្គាវើលដ៍ បញ្ឈប់ការរើសអើងមកលើសហជីពទ្រទ្រង់សិទ្ធិការងារនៃបុគ្គលិកកម្មករខ្មែរ នៃក្រុមហ៊ុនណាហ្គាវើលដ៍ (LRSU) និងបញ្ឈប់ការលាបពណ៌ចោទប្រកាន់លើពួកគេ និងទម្លាក់ចោលការចោទប្រកាន់លើតំណាងកម្មករ ហើយទទួលយកបុគ្គលិកចាស់ៗ ដែលថៅកែបានបញ្ឈប់ ចូលធ្វើការវិញ។
---
#RFAKhmer #Cambodia #HumanRights #Worker #NagaWorld #ChhimSithar
---
👉 ទស្សនាវីដេអូ សូមចុចនៅត្រង់នេះ៖

កូដករណាហ្គាវើលដ៍ យករូបទីងមោង បង្ហាញពីការសហការគ្នារំលាយសហជីពណាហ្គាវើលដ៍
---
ក្រុមកូដករណាហ្គាវើលដ៍ (NagaWorld) ប្រមាណ ៤០នាក់ នៅថ្ងៃទី២០ សីហា បន្តការតវ៉ាដាក់ដោយបង្ហាញទីងមោងតំណាងឲ្យក្រសួងការងារ និងថៅកែក្រុមហ៊ុន ដើម្បីទាមទារឲ្យដោះស្រាយបញ្ចប់វិវាទការងារ។ ទីងមោងពណ៌ខៀវតំណាងថៅកែណាហ្គាវើលដ៍ និងទីងមោងពណ៌សតំណាងឲ្យក្រសួងការងារ ហើយទីងមោងទាំង២ ប្រៀបបីដូចជាប្ដីប្រពន្ធ រាំបណ្ដើរទះដៃគ្នាបណ្ដើរ យោលទៅយោលមក បង្ហាញពីការសហការគ្នាយ៉ាងល្អ ក្នុងការរំលាយសហជីពណាហ្គាវើលដ៍។ បើទោះបីជាក្រុមកម្មករគោះឆ្នាំងគោះចាន បន្លឺសម្លេងស្នើសុំក្រសួងការងារប្រើច្បាប់ ស្ដីពីការងារដោះស្រាយបញ្ចប់វិវាទការងារនេះ ជិត ២ឆ្នាំមកហើយក្ដី ក៏ក្រសួងការងារបែរជាធ្វើមិនដឹងមិនឮ ដោយទុកឲ្យកម្មករបន្តរងគ្រោះ។
#RFAKhmer #Cambodia #HumanRights #Worker #NagaWorld #ChhimSithar

👉 ទស្សនាវីដេអូ សូមចុចនៅត្រង់នេះ៖

ស្វែងរកវិទ្យុអាស៊ីសេរី នៅលើ៖
👉 t.me/rfakhmer
👉 instagram.com/rfakhmer
👉 rfa.org/khmer
👉 facebook.com/rfacambodia
👉 youtube.com/RFAKhmerVideo
👉 twitter.com/RadioFreeAsiaKH

ទឹកភ្នែកកម្មករណាហ្គាវើលដ៍
---
​កូដករណាហ្គាវើលដ៍ បន្តកូដកម្ម ដោយគូររូបមុខយំ បង្ហាញពីការឈឺចាប់របស់ពួកគេ ។ ពួកគាត់ នៅតែអះអាងថា ការធ្វើកូដកម្មអស់រយៈពេល ៦០៩ ថ្ងៃមកនេះ គឺដើម្បីតែសិទ្ធិសហជីព មិនមែនស៊ីឈ្នួល និងមិនមែនជាការញុះញង់នោះឡើយ។ ការលើកឡើងនេះ បន្ទាប់ពីក្រុមកូដករណាហ្គាវើលដ៍ប្រមាណ ៤០នាក់ បន្តនាំគ្នាចេញមកការតវ៉ា កាលពីថ្ងៃទី ២៤ សីហា ដោយលើកបដាមានរូបគំនូរមុខយំ និងភ្ជាប់ជាមួយពាក្យថា «ទឹកភ្នែកកម្មករ» ក្នុងន័យចង់បង្ហាញថា ទឹកភ្នែករបស់កម្មករ ដែលកំពុងតស៊ូមតិទាមទារសិទ្ធិសេរីភាពការងារ ដោយខំប្រឹងប្រែងពុះពារឧបសគ្គគ្រប់បែបយ៉ាង និងរងការធ្វើទុក្ខបុកម្នេញពីសំណាក់អាជ្ញាធរ រហូដល់កម្មករខ្លះ បានរលូតកូនស្ទើរតែបាត់បង់អាយុជីវិតទៀតផង។
#RFAKhmer #Cambodia #HumanRights #Worker #NagaWorld #ChhimSithar

👉 ទស្សនាវីដេអូ សូមចុចនៅត្រង់នេះ៖

ស្វែងរកវិទ្យុអាស៊ីសេរី នៅលើ៖
👉 t.me/rfakhmer
👉 instagram.com/rfakhmer
👉 rfa.org/khmer
👉 facebook.com/rfacambodia
👉 youtube.com/RFAKhmerVideo
👉 twitter.com/RadioFreeAsiaKH

កូដករណាហ្គាវើលដ៍ បន្តកូដកម្មទាំងកណ្ដាលភ្លៀង ទាមទារឲ្យមានដំណោះស្រាយវិវាទការងារ
---
ក្រុមកូដករ ក្រុមហ៊ុនបនល្បែងណាហ្គាវើលដ៍(NagaWorld) ប្រមាណ៤០ នាក់ នៅថ្ងៃទី២៧ សីហា ប្រមូលផ្ដុំគ្នាតវ៉ាទាំងកណ្ដាលភ្លៀង នៅខាងមុខក្រុមហ៊ុន ដើម្បីទាមទារឲ្យថៅកែ និងរដ្ឋាភិបាលដោះស្រាយបញ្ចប់វិវាទការងាររ៉ាំរ៉ៃ ដែលអូសបន្លាយពេលជិត ២ឆ្នាំ។ ការតវ៉ានេះដោយ ក្រុមកូដករ យកក្រដាសឡាំងធ្វើជាគ្រាប់ឡុកឡាក់ ហើយបិតរូបថៅកែក្រុមហ៊ុននៅលើនោះ ដើម្បីបង្ហាញថា បើទោះបីជា ក្រុមកូដករប្រឹងទាមទារឲ្យថៅកែក្រុមហ៊ុនដោះស្រាយវិវាទការងារយ៉ាងណាក៏ដោយ ក៏នៅតែថៅកែក្រុមហ៊ុនជាអ្នកមានលុយ មានអំណាច ឈ្នះកម្មករជានិច្ច។ ចំពោះអ្នកក្រឡុកគ្រាប់ឡុកឡាក់វិញ កូដករប្រើខ្សែទាក់ក ដើម្បីព្យួរក្រណាត់ពណ៌ស ដែលមានពាក្យថា ក្រសួងការងារ សម្រាប់បង្ហាញថា ក្រសួងការងារជា អ្នកកំណត់ឲ្យអ្នកណាឈ្នះ ឬចាញ់។
#RFAKhmer #Cambodia #HumanRights #Worker #NagaWorld #ChhimSithar

👉 ទស្សនាវីដេអូ សូមចុចនៅត្រង់នេះ៖

ស្វែងរកវិទ្យុអាស៊ីសេរី នៅលើ៖
👉 t.me/rfakhmer
👉 instagram.com/rfakhmer
👉 rfa.org/khmer
👉 facebook.com/rfacambodia
👉 youtube.com/RFAKhmerVideo
👉 twitter.com/RadioFreeAsiaKH

សន្តិសុខ​កាស៊ីណូ​ណាហ្គាវើលដ៍ ប្រើ​ហិង្សា​ធ្វើ​ឲ្យ​កូដករ​ម្នាក់​របួស​ដៃ
---
សន្តិសុខ​ក្រុមហ៊ុន​កាស៊ីណូ​ណាហ្គាវើលដ៍ (​NagaWorld​) ប្រើ​អំពើ​ហិង្សា​រុញច្រាន​បណ្ដាល​ឲ្យ​កូដករ​ម្នាក់​រង​របួស​ដៃ នៅ​រសៀល​ថ្ងៃ​ទី​០២ ខែ​មីនា​។ កូដករ​ថា ទង្វើ​របស់​សន្តិសុខ​នេះ គិត​តែ​ពី​ការពារ​ប្រយោជន៍​ឲ្យ​ជន​បរទេស​។
ទស្សនាវីដេអូ សូមចុចនៅត្រង់នេះ៖
#RFAKhmer #Cambodia #HumanRights #Worker #NagaWorld #ChhimSithar #MamSovathin
--- ដើម្បី​ស្វែងរក​ព័ត៌មាន​ផ្សេងទៀត​របស់​វិទ្យុ​អាស៊ីសេរី សូម​ចូល​ទៅកាន់៖
👉 rfa.org/khmer
👉 facebook.com/rfacambodia
👉 youtube.com/RFAKhmerVideo
👉 twitter.com/RadioFreeAsiaKH
👉 t.me/rfakhmer
👉 instagram.com/rfakhmer

ពលរដ្ឋ​មួយ​ចំនួន​ធ្វើ​ចំណាក​ស្រុក មក​ស៊ី​ឈ្នួល​ធ្វើ​ជា​កម្មករ​កាត់​ដំឡូង
---
ពលរដ្ឋ​មួយ​ចំនួន​នាំ​កូន​ចៅ ធ្វើ​ចំណាក​ស្រុក​ចេញ​ពី​ខេត្ត​ផ្សេង​ៗ ដើម្បី​ស៊ី​ឈ្នួល​ធ្វើ​ជា​កម្មករ​កាត់​ដំឡូង​ហាល​ឱ្យ​ឈ្មួញ នៅ​ស្រុក​គូលែន ខេត្ត​ព្រះវិហារ សម្រាប់​រក​ប្រាក់​ដោះស្រាយ​ជីវភាព​ប្រចាំ​ថ្ងៃ​។ ពលរដ្ឋ​ទាំង​នោះ​លើកឡើង​ថា ពួក​គាត់​ខ្លះ​ជា​អតីត​ពលករ​ធ្លាប់​ធ្វើ​ការ​នៅ​ប្រទេស​ថៃ និង​ខ្លះ​ជា​កសិករ​ធ្វើ​ស្រែ​ចម្ការ ដូច្នេះ​ មាន​តែ​តស៊ូ​ដើរ​ស៊ី​ឈ្មួញ​ធ្វើ​ជា​កម្មករ​ឆ្លង​ខេត្ត ដើម្បី​រក​ប្រាក់​ចិញ្ចឹម​គ្រួសារ​។
ទស្សនាវីដេអូ សូមចុចត្រង់នេះ៖
---
#RFAKhmer #Cambodia #HunSen #HunManet #hengSour #Worker #PotatoCutter #Potato #PreahVihear #Debt
---
ដើម្បី​ស្វែងរក​ព័ត៌មាន​ផ្សេងទៀត​របស់​វិទ្យុ​អាស៊ីសេរី សូម​ចូល​ទៅកាន់៖
rfa.org/khmer
RFA Khmer
youtube.com/RFAKhmerVideo
twitter.com/RadioFreeAsiaKH
t.me/rfakhmer
instagram.com/rfakhmer