Президенти Ҷумҳурии Тоҷикистон муҳтарам Эмомалӣ Раҳмон ба Раиси Ҷумҳурии Исломии Эрон муҳтарам Масъуди Пизишкиён барқияи изҳори тасаллӣ ирсол намуданд, ки дар он гуфта мешавад:
Ҷаноби Олӣ,
Хабари талафоти ҷонӣ ва осеб дидани шумораи зиёди мардум бар асари таркиши газ дар яке аз конҳои ангишт дар Ҷумҳурии Исломии Эрон боиси андуҳи амиқи мо гардид.
Бинобар ин мусибати гарон ба Шумо, мардуми дӯсти Эрон ва аҳли пайвандону наздикони фавтидагон маротиб ҳамдардӣ ва тасаллияти ин ҷонибро изҳор менамоям.
Аз Худованд барои ҷонбохтагон раҳмату мағфират ва ҳамаи осебдидагон шифои комил хоҳонам.