Дар марҳилаи ниҳоии рақобатҳои нахустин Чемпионати ҷаҳон оид ба Гӯштингирӣ паҳлавонон аз рӯи 4 вазн то 65, 70, 71 кг ва ҷамъи 95 қувваозмоӣ намуданд.
Дар вазнҳои то 65, 71 ва ҷамъи 95 кг гуруҳи мардона варзишгарони тоҷик - Муллораҷаб Халифаев, Масъуди Аҳмадзод ва Шакармамад Мирмамадов пирӯзӣ ба даст оварда, нахустин чемпионҳои ҷаҳон доир ба варзиши ҷаҳонигаштаи Гӯштингирӣ шуданд.
Дар вазни то 70 кг миёни бонувон варзишгари Ҷумҳурии Узбекистон Гулноза Матниёзова чемпиони ҷаҳон ва Шоҳида Қаландарова соҳиби ҷойи дуюм ва медали нуқраи аввалин чемпионати ҷаҳон оид ба Гӯштингирӣ гардиданд.
Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ ба ғолибони вазни то 65 кг медалҳо ва ҷоизаҳои нахустин Чемпионати ҷаҳон оид ба гӯштингириро тақдим намуданд.
Ба ҷоизадорони вазни то 71 кг медал ва ҷоизаҳои нахустин Чемпионати ҷаҳон оид ба гӯштингириро Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ва барандаи медали биринҷии бозиҳои тобистонаи олимпии Париж-2024 Темур Раҳимов тақдим намуданд.


#ЭмомалӣРаҳмон #ЭмомалиРахмон #EmomaliRahmon #Таджикистан #Tajikistan #Тоҷикистон #Президент #Таджики #Tajiks #Тоҷикон #Dushanbe #Душанбе #Gushtingiri #Гӯштингирӣ #Гуштингири

President.tj | Facebook | Instagram | Telegram | X | Youtube