​​Абитуриентлар нечта фандан имтиҳон топширади?

Бундан икки кун олдин ДТМ иккита фандан имтиҳон бўлиши режалаштиралаётганини бутун оммага эълон қилган эди, бугун MY5 каналида тестлар бешта фандан бўлади, лекин осон саволлар сони кўпаяди деган хабар тарқалди.

Яхши менинг фикрларим тентакона экан, ДТМ ҳеч бўлмаса, ўз сайтида тентакона бўлмаган аниқ қарор айта оладими?

Ўтган кунлар давомида абитуриентларни энг қизиқтирган саволлар туркумини эълон қиламан:

- Нечта фандан имтиҳон бўлар экан?

- Қачон аниқ бўлар экан?

- Биз нима қилайлик, кейинги ойга репититорларимизга пул тўлашимиз керак? Шунда иккита репититорга пул тўлайликми ёки бештага?

- Адабиёт (литература) фанидан мактаб дарсликларидан ташқари тест тузиладиган қўшимча адабиётлар рўйхати ҳам эълон қилинган эди, саволлар соддалашганда шу китоблардан тестлар тушадими ёки йўқми?

- Математика фанида информатикани чиқариб юборишган эди, бу йил яна қўшилади деган гап бор, шуни аниқ айтишсин.

- Ўзи осонлашади деганда нима назарда тутилади, шунга ҳам аниқ жавоб йўқ.

Аслида саволлар бундан ҳам кўп, лекин ДТМ ҳали ҳам бир қарорга келмади, қачон келиши ҳам номаълум бўлиб қолмоқда, бу эса абитуриентларда иккиланишни юзага келтирмоқда.

Умуман Мажид Каримов раҳбарлиги остидаги бу ташкилот нега бундай қилаётгани ҳақида аниқ тушунча берадиган одам борми?

Агар бундан бошқа саволлар бўлса, изоҳларда қолдиришингиз мумкин.

@tentakminds “вапше” чалкашиб кетди.

ДТМ мушук сичқон ўйнаяпти.

Шу ҳар йили ёз яқинлашаверган сари юртимиз ёшларининг асосий дарди имтиҳонлар бўлиб қолади, неча йиллардан бери бу ўзгармайди, лекин бу йил саволлар ҳар йилгидан кўпайиб кетяпти, лекин ДТМ мум тишлаб олган ёки Мажид Каримов раҳбарлигидаги ташкилот абитуриентлар билан мушук сичқон ўйнашни жуда яхши кўради.

Бир кун чиқиб иккита фан бўлади, кейин яна бешта фан, кейин яна иккита фан - хуллас ҳаммаси чалкаш.

Зак, зак, законний жавоб кутиб абитуриент столбани ушлаб ўтираверади.

Майли, нечта фан бўлиши бир гап бўлар, ҳозир яна бир бошқа савол чиқиб қолди.

Абитуриентлар сўрашяпти, мен жисмоний тарбия олийгоҳига топширмоқчи эдим, шунда биз тест топширмаймиз, ижодий имтиҳонларимиз қанақа бўлади? Худди шу савол театр ва рассомчилик йўналишига топширмоқчи бўлган абитуриентларда ҳам юзага келмоқда.

Ҳурматли Мажид Каримов, тасаввур қилинг абитуриент Жисмоний тарбия олийгоҳининг Яккакураш спорт турлари факультетига топширмоқчи, уларга ҳам уч квадрад метрли масофа сақланадими? Ёки абитуриент ўзи билан ўзи жанг қилиб ўқишга кириб кетаверадими? Кечирасиз, бу абитуриентларнинг саволи, меники эмас.

Яна бир абитуриент ёзмоқда: уч метрдан туриб яккакурашда любойига жавоб...

Пост тугади.

@tentakminds

“IELTS Indicator” баллари маҳаллий олий ўқув юртларига ўтадими?

Карантин сабабли IELTS имтиҳонига тайёргарлик кўрган абитуриентлар бу имтиҳонни топшира олмаяпти, дунёнинг кўзга кўринган олийгоҳлари, хусусан Тошкентдаги Вестминистер олийгоҳи ҳам “IELTS Indicator” имтитоҳларининг натижаларини қабул қилмоқда, шу имтиҳон натижалари бизнинг маҳаллий олийгоҳларга ўтадими?

ДТМ жавоби: Йўқ, чунки Вазирлар Маҳкамасининг 395 қарорига кўра “IELTS Indicator” тестларидан олинган натижалар абитуриентларни инглиз тили имтиҳонларидан озод қилмайди, чунки бу қарорда кўрсатилмаган.

@tentakminds талқини: Бу ДТМ деган ташкилот бутун чириб битган экан, на ўзи шароит яратиб беради, на шароит яратаётганларга имкон беради. Бир нарса десанг, Президент имтиҳонларни енгиллаштириш ҳақида топшириқ берди, шунинг учун иккита фан қиляпмиз дейди, лекин бу ҳам Вазирлар Маҳкамасининг қарорида кўрсатилмаган. Жуда хоҳласа, қарорга ўзгартириш киритади, лекин бу томондан келиб мана шунақа қилиб имтиҳон топширса ҳам бўлади десанг, қарорда кўрсатилмаган дейди.

Хўш, IELTS Indicator натижаларини қабул қилишга нима ҳалақит қилади, ҳеч нарса, аксинча бу пандемияга қарши курашда яхши восита бўлиши мумкин, абитуриентлар тест жараёнида икки соат эмас, бир соат ўтириши мумкин, бу билан одамларнинг оммавий тўпланишининг олди олинади.

Сенга нима фарқи бор, қайси тест натижаси, энг асосийси, боланинг билими эмасми? Ўзинг CEFR имтиҳонларини онлайн қилиб бера олмадинг, кел, шу имконият яратганларнинг натижаларини қабул қил деворгинг келади-ю, кимга гапиряпман, барибир илдизидан чириб бўлган ташкилот, абитуриент томонга қадам ташлармиди? - деб ўйлаб қоласан.

Ҳа, ўша бир тийинга қиммат тестларингни олавер, абитуриентларни тобора манқурт қилиб кайф қилавер.

@tentakminds