"Янги Ўзбекистоннинг тинчлик ва маънавият тарғиботчилари" мавзусидаги сайёр тадбир Тўрткўл туманида ўтказилди.

"Янги Ўзбекистоннинг тинчлик ва маънавият тарғиботчилари" ташаббусига асосан Қорақалпоғистон мусулмонлари қозиёти ва Дин ишлари бўйича қўмитаси билан ҳамкорликда ўтказиб келинаётган амалий тадбирларнинг навбатдагиси 2025 йил 17 июль куни Қорақалпоғистон Республикаси Тўрткўл туманида ўтказилди. Тадбирни Қорақалпоғистон мусулмонлари қозиёти қозиси Баҳрамаддин Разов бошқариб борди.
Унда ишчи гуруҳ аъзолари Тўрткўл туманидаги 10 та масжид, 13 та маҳаллага бириктирилди. Улар ўзларига бириктирилган маҳалла ҳудудидан 100 та хонадонга кириб, шу ерда яшаётганларнинг ҳолидан хабар олди, яшаш шароитлари билан яқиндан танишди. Уларнинг муаммоларини ўрганди, фикр-мулоҳазаларини тинглади. Имом-хатиблар 10 тоифага мансуб 100 та хонадонга маънавий-маърифий, тарғибот-ташвиқот ва амалий ёрдам тадбирларини олиб борди.
Жумладан, нотинч, низоли 4 та оила ўрганилиб, уларга "Оиланинг муқаддаслиги, Фарзанд тарбияси" мазмунида насиҳатлар берилди;
- 4 та ажрим ёқасида турган оила аъзолари билан учрашиб, фарзандларнинг ота-онадаги ҳақ-ҳуқуқлари, ижтимоий етимликнинг салбий оқибатлари ҳақида тушунтириш ишлари олиб борилди.
- ёт ғоялар таъсиридаги 2 нафар фуқаро билан учрашиб, экстремизм ва терроризм ҳаракатларининг салбий оқибатлари ҳақида тушунчалар берилди.
- 43 та кам таъминланган оилага ҳомийлар кўмаги билан озиқ-овқат маҳсулотларидан моддий ёрдамлар кўрсатилди. Улар орасидан ёрдамга муҳтож оилаларга доимий моддий ёрдамлар бериш ишлари режалаштирилди.
- ичкиликка берилган 8 нафар фуқаро билан учрашиб, бу иллатнинг динимизда қаттиқ қораланиши, барча ёмонликларнинг сабабчиси эканлиги тушунтирилиб, соғлом турмуш тарзига қайтиш бўйича тавсиялар берилди.
- жазо муддатини ўтаб келган 3 фуқародан хабар олиб, юртимизда олиб борилаётган ислоҳотлар, хусусан Инсон қадри улуғлиги ҳақида тушунтириш ишлари олиб борилди.
- ногирон ва бемор фуқаролар яшайдиган 22 хонадонга кириб, уларнинг аҳволи билан танишди, 1 ногиронга ҳомийлар ёрдами билан ноиблик аравачаси берилди.
- ташриф давомида ҳаётий тажрибага эга, кўпни кўрган, ёши улуғ 9 нуроний отахон ва онахонларимиз ҳолидан хабар олиниб, юртимиз тинчлиги, осойишталиги ва халқимиз фаровонлигини тилаб дуо қилинди.
- ҳомийлар кўмаги билан чин етим болаларга 2 та уй қурилиб, фойдаланишга топширилди.
- 5 та оила аъзоларига бадиий ва илмий китоблар берилди.
Шунингдек, масжидлар атрофида ободонлаштириш ва тозалаш ишларини олиб бориш, режа асосида иш ва ҳужжат юритиш, жамоани бошқариш, масжидни тоза ва озода сақлаш, унда қулай шароитлар яратиш жиҳатлари ҳам ўрганилди. Ишчи гуруҳ аъзолари ўзларига бириктирилган масжидларда пешин намозини ўқиб, йиғилганларга "Тинчлик саодати, шукроналик, илм олиш фазилати, ёт ғоялар таъсиридан сақланиш, миссионерлик ҳаракатларининг салбий оқибатлари" каби муҳим мавзуларда маърузалар қилди.
Тадбир якунида амалга оширилган ишлар таҳлил қилиниб, Тўрткўл туманидаги масжидлар фаолиятини янада ривожлантириш бўйича кўрсатма ва тавсиялар берилди.

Қорақалпоғистон мусулмонлари қозиёти

⏺Өзиң ислемеген ис пенен мақтанба:

Сулыўлығың ҳәм келбетиң менен мақтанба, себеби оны сен жаратпағансаң.

Ата тегиң менен де мақтанба, себеби оны сен таңламағансаң.

Бирақ, әдеп-икрамлылығың менен мақтана бер, себеби олар менен өзиң безенгенсең.

⏺Ўзинг қилмаган иш билан фахрланма:

Ҳусну жамолинг билан фахрланма, чунки уни сен яратмагансан.

Наслу насабинг билан ҳам фахрланма, чунки уни сен танламагансан.

Аммо одоб-ахлоқинг билан фахрланавер, чунки улар билан
ўзинг безангансан

ЁМОН ТУШ КЎРГАНДА НИМА ҚИЛИНАДИ?
#туш #турли_масалалар

❓1763-САВОЛ: Мен туш кўрдим ва уйғониб Ибни Сириннинг "Тушлар таъбири" китобини кўрсам ёмонроқ чиқди ва сиқилиб қолдим. Туш таъбири масалаларига мусулмон инсон қандай қараши керак?

💬 ЖАВОБ: Бисмиллаҳир Роҳманир Роҳим. Аввало шуни айтишимиз керакки, Ибн Сирийн роҳимаҳуллоҳга нисбат берилган “Тушлар таъбири” китоби у зотга тегишли эмас. Шунинг учун бу китобни у зотга нисбат бериб бўлмайди. Динимизга кўра тушлар уч хил бўлади:
– Аллоҳ таоло томонидан бўлган, таҳорат билан ётилганда, тонгга яқин кўриладиган, солиҳ тушлар.
– Шайтондан бўлган, аниқ эсда қолмайдиган, кайфиятни туширадиган, алаҳсирашга ўхшаш ёмон тушлар.
– Касбига ёки қизиққан нарсасига тааллуқли тушлар.
   Динимизда туш кўрганда нима қилиш кераклиги борасида аниқ тавсиялар келган. Агар рост тушлар шариатга мос келса, амал қилиш мумкин, агар зид келса, қатъий амал қилинмайди. Ёмон туш кўрган киши тушини бировга айтмаслиги ва тушнинг ёмонлигидан Аллоҳ таолодан паноҳ сўраши керак. Бу ҳақида Абдуллоҳ ибн Қатода розияллоҳу анҳу отасидан ривоят қилган ҳадисда Пайғамбаримиз соллаллоҳу алайҳи васаллам: “Рост туш Аллоҳдан, ёмон туш шайтондан. Бирортангиз қўрқинчли туш кўрса, чап томонига туфлаб қўйсин ва тушнинг ёмонлигидан (Аллоҳдан) паноҳ сўрасин. Шунда ёмон туш зарар қилмайди”, деганлар (Имом Бухорий ривояти). Яъни ёмон туш кўрган киши чап томонга енгилгина туфлаб: “Эй, Роббим! Кўрган тушимни ёмонлигидан паноҳ сўрайман”, деб қўяди.
   Баъзи уламолар имкон бўлса ўрнидан туриб, таҳорат олиб, икки ракат нафл намоз ўқигани ҳамда бироз садақа қилиб қўйгани яна ҳам яхши, дейишган.
   Шунингдек, туш инсон тақдирини белгиламайди. Тушга ортиқча баҳо бериб, уни ҳаёт мезонига айлантириш тўғри эмас. Биз динимиз кўрсатмаларига оғишмай амал қилсак, ҳам моддий, ҳам руҳий тарафдан соғлом, иродамиз мустаҳкам бўлади. Валлоҳу аълам!

Ўзбекистон мусулмонлари идораси
Фатво маркази.

ЎМИ РАИСИ ЎРИНБОСАРИ
УСТОЗ ЗАЙНИДДИН ДОМЛА

#Дуо

КЕНГ ҚАМРОВЛИ ДУО

اللَّهُمَّ إِنِّي أَسْأُلُكَ مِنَ الْخَيْرِ كُلِّهِ عَاجِلِهِ وَآجِلِهِ مَا عَمِلْتُ مِنْهُ وَمَا لَمْ أَعْلَمُ، وَأَعُوذُ بِكَ مِنَ الشَرِّ كُلِّهِ عَاجِلِهِ وَآجِلِهِ مَا عَمِلْتُ مِنْهُ وَمَا لَمْ أَعْلَمُ،  اللَّهُمَّ إِنِّي أَسْأُلُكَ مِنْ خَيْرِ مَا سَألَكَ عَبْدُكَ وَ نَبِيُّكَ، وَأَعُوذُ بِكَ مِنْ شَرِّ مَا عَاذَ بِهِ عَبْدُكَ وَ نَبِيُّكَ، اللَّهُمَّ إِنِّي أَسْأُلُكَ الْجَنَّةَ وَمَا قَرَّبَ إِلَيْهَا مِنْ قَوْلٍ أَوْ عَمَلٍ، وَأَعُوذُ بِكَ مِنَ النار وَمَا قَرَّبَ إِلَيْهَا مِنْ قَوْلٍ أَوْ عَمَلٍ، وَأَسْأَلُكَ أَنْ تَجْعَلَ كُلَّ قَضَاءٍ قَضَيْتَهُ لِي خَيْرًا.

Ўқилиши: “Аллоҳумма инний ас‘алука минал хойри куллиҳи ъаажилиҳи ва ажилиҳи маа ъамилту минҳу ва маа лам аълам, ва аъуузубика минаш-шарри куллиҳи ъаажилиҳи ва ажилиҳи маа ъамилту минҳу ва маа лам аълам. Аллоҳумма иннии ас‘алука мин хойри маа са‘алака ъабдука ва набиййука. Ва аъуузубика мин шарри маа ъааза биҳи ъабдука ва набиййука. Аллоҳумма инний ас‘алукал-жанната ва маа қорроба алайҳаа мин қовлин ав фиълин. Ва аъуузубика минаннаари ва маа қорроба алайҳаа мин қовлин ав фиълин. Ва ас‘алука ан тажъала кулла қозоин қозойтаҳу лий хойрон”.

Маъноси: “Ё Аллоҳим! Мен Сендан тез келадиган ва аста-секин келадиган, мен билган ва билмаган барча яхшиликларни сўрайман. Кутилмаганда тез келадиган ва аста-секин келадиган, мен билган ва билмаган барча ёмонликлардан паноҳ тилайман.

Ё Аллоҳим! Мен Сендан набиййинг ва расулинг  соллаллоҳу алайҳи ва саллам сўраган барча яхшиликларни сўрайман. Сендан набиййинг ва расулинг соллаллоҳу алайҳи ва саллам паноҳ тилаган барча ёмонликлардан паноҳ тилайман.

Ё Аллоҳим! Мен Сендан жаннатни ва унга яқинлаштирадиган сўз ва амалларни сўрайман. Сендан жаҳаннам ва унга яқинлаштирадиган сўз ва амаллардан паноҳ тилайман. Менга битилган ҳар қазо ва қадарингни хайрли қилишингни сўрайман”.

🟢Кўзнинг ибодатдаги насибаси

Имом Қуртубий роҳимаҳуллоҳнинг “Аҳкомул Қуръон” китобида шундай дейилган: “Банданинг кўзларидан у (Қуръон)га насиба бериши унинг ҳурматидандир... Агар хат (мусҳаф)га қара (б тиловат қил)са кўз ва қулоқ (унинг ҳаққини) адо этишда иштирок этади ва бу кўпроқ адо қилиш (учун сабаб)дир. Шунда кўз қулоқ каби ўз насибасини олган бўлади. Абу Саъийд Худрий розийаллоҳу анҳудан ривоят қилинади: "Расулуллоҳ соллаллоҳу алайҳи васаллам: “Кўзларингизга ибодатдан бўлган насибасини беринглар”, дедилар. У (саҳоба)лар айтишди: “Эй Аллоҳнинг Расули, уларнинг ибодатдан (бўлган) насибаси нима?” “Мусҳафга назар солиш, у ҳақида тафаккур қилиш ва ажойиботлари келганда эътибор бериш”, дедилар. Убода ибн Сомит розийаллоҳу анҳудан ривоят қилинади: "Расулуллоҳ соллаллоҳу алайҳи васаллам: “Умматим ибодатининг афзали Қуръонга қараб қироат қилишдир”, дедилар". "Танвирул азҳан" китоби муаллифи айтади: "Қалбингизни ушбу куч ва ҳисларни яратилган нарсага ишлатиш билан гўзал қилинглар, уларни нафсу ҳаво йўлида эмас, ҳидоят йўлида ишлатинглар. Токи азобга учрамай инъомга сазовор бўласиз. Қанчадан-қанча гўзал суратлар бор, охири хунук бўлади, қалб ва сийрати хунук бўлади. Қанчадан-қанча хунук суратлар бор, қалби ва сийрати чиройлилиги учун гўзал бўлади". Ё Аллох, бизнинг тана аъзоларимизни кеча-ю кундуз тоат - ибодатингга машғул қил. Одамларнинг оғизларига муҳр урилиб, уларнинг қилган ишлари ҳақида қўллари сўзлаб, оёқлари гувоҳлик берадиган кун (қиёмат)да бизга душман қилиб қўйма. Омийн.

📚«Фазилатли амаллар» китобидан.

Ҳазрати Абу Туроб Нақшабий раҳимаҳуллоҳ айтадилар:

«Уч нарсани севасиз, учови ҳам сизники эмас. Аввало, жонингизни севасиз, жон Аллоҳникидир;
иккинчидан, молни севасиз, мол меросхўрларникидир;
учинчидан, дунёни севарсиз, ҳолбуки, дунёни қўлингиздан оладилар.