Навбатдаги кўчма семинар Нукус туманида ташкил этилди

Одатдагидек Ўзбекистон мусулмонлари идораси томонидан имом-хатиблар ишини самарали ташкил этиш, маҳаллаларни ўрганиш, халқ билан яқин алоқада бўлиш бўйича мунтазам равишда ўтказиб келинган сайёр семинар бугун Дин ишлари бўйича қўмита билан ҳамкорликда Қорақалпоғистон мусулмонлари қозиёти қозиси Баҳрамаддин Разов раҳбарлигида Нукус туманида ташкил этилди.
Унда Нукус туманидаги 3 та масжид ва 13 та маҳалла ўрганилди. Имом-хатиблар маҳалла фуқаролар йиғини раислари, ҳожилар билан бирга 100 та хонадонга кириб, уларнинг ҳолидан хабар олди, яшаш шароитлари билан яқиндан танишди. Имом-хатиблар 10 тоифага мансуб 100 та оилага маънавий-маърифий, тарғибот-ташвиқот ва амалий ёрдам тадбирларини олиб борди.
Хусусан, ажрим ёқасига келиб қолган, жанжалли 5 та оила ўрганилиб, уларга "Оиланинг муқаддаслиги, Фарзанд тарбияси" мазмунида насиҳатлар берилди. Нотинчлик сабабларини бартараф этиш, аразлашганларни яраштириш чоралари кўрилди;
- 57 та кам таъминланган оилага ҳомийлар кўмаги билан озиқ-овқат маҳсулотларидан моддий ёрдамлар кўрсатилди. Улар орасидан ёрдамга муҳтож оилаларга моддий жиҳатдан доимий ёрдамлар бериш ишлари режалаштирилди.
- ичкиликка берилган 2 фуқародан хабар олиниб, бу иллатнинг динимизда қаттиқ қораланиши, барча ёмонликларнинг сабабчиси эканлиги тушунтирилиб, соғлом турмуш тарзига қайтиш бўйича тавсиялар берилди.
- ногирон ва бемор фуқаролар яшайдиган 35 та хонадонга кириб, улардан кўнгил сўралди, даволаниш ва дори-дармон учун моддий ёрдам кўрсатиш режалаштирилди.
- Ташриф давомида ҳаётий тажрибага эга, кўпни кўрган, ёши улуғ, нуронийлар ҳолидан хабар олиниб, юртимиз тинчлиги, халқимиз фаровонлиги тилаб дуолар қилинди.
Имом-хатиблар ўзларига8 бириктирилган масжидларда пешин намозини адо этиб, йиғилган қавмга "Тинчлик саодати, шукроналик, илм олиш фазилати, ёт ғоялар таъсиридан сақланиш, миссионерлик ҳаракатларининг салбий оқибатлари" каби долзарб мавзуларда маърузалар қилди.
Тадбир якунида амалга оширилган ишлар таҳлил қилиниб, Нукус туманидаги масжидлар фаолиятини янада ривожлантириш учун кўрсатма ва тавсиялар берилди.

Қорақалпоғистон мусулмонлари қозиёти.

Каҳф сурасининг хосияти

Уламолар наздида Каҳф сурасини, айниқса, жума куни ўқиш – энг матлуб иш. Абу Саид Худрий розияллоҳу анҳу ривоят қилган ҳадисда Пайғамбаримиз соллаллоҳу алайҳи ва саллам бундай дедилар: “Ким жума куни Каҳф сурасини ўқиса, икки жума орасида ундан нур таралиб туради” (Имом Насоий ривояти).
Баро ибн Озиб розияллоҳу анҳудан ривоят қилинади: “Бир киши Каҳф сурасини ўқирди. Унинг олдидаги қозиққа оти боғлаб қўйилган эди. Осмондан бир булут тушиб, у кишига яқинлашди ва уни ўраб олди. Бундан от ҳуркиб, безовталанди. Эртаси куни Расулуллоҳ соллаллоҳу алайҳи ва салламнинг олдиларига келиб, воқеани баён қилди. Расулуллоҳ соллаллоҳу алайҳи ва саллам: “Бу сакинатдир, Қуръон ўқилгани учун тушган”, дедилар (Имом Бухорий ривояти).
Сакинат – Аллоҳнинг Қуръон учун муаккал қилган фариштаси бўлиб, тиловат вақтида қорига хотиржамлик ва салобат бағишлайди.
Абдуллоҳ ибн Умар розияллоҳу анҳу ривоят қилган ҳадисда Пайғамбаримиз соллаллоҳу алайҳи ва саллам бундай марҳамат қиладилар: “Ҳар ким жума куни Каҳф сурасини ўқиса, ердан самога қадар у учун бир нур юксалади. У нур қиёматга қадар порлайди. У инсоннинг икки жума ўртасидаги гуноҳлари афв этилади” (Ибн Мурдавайҳ ривояти).
Жума куни Каҳф сурасини ўқиган инсон барча фитналардан муҳофаза этилади. Дажжол чиқса, унинг ҳам найрангидан ҳимояда бўлади.

Орамиздаги энг кўп гуноҳкорлар – бошқаларнинг гуноҳларини гапириб вақтини ўтказадиганлардир.

Ибн Сирин

🕋Эй Аллоҳ!
Мусибатимни динимда, жасадимда, молимда, аҳлимда қилма!

🥛Эй Аллоҳ!
Ҳасадгўйнинг менга ҳасад қилишига ва душманимга йиқилганимни кўриб хурсанд бўлишига имкон берма!

⭕️Эй Аллоҳ!
Ҳалолинг ила мени ҳаромингдан беҳожат қил ва қўрқувинг ила Сенга исён этишдан асра!

⭕️Эй Аллоҳ!
Кенг ер юзи менга тор бўлмасин. Ўзинг менга раҳматинг ила ёрдам бер!

Омин...🤲

РИЗҚНИНГ ҚАДРИ

Мен Ҳазратим Доктор Абдулҳай Орифий сирроҳдан Ҳазрат қоддасаллоҳу Таҳонавий раҳматуллоҳи алайҳнинг бир воқеаларини эшитганман. Бир куни Ҳазрат касал бўлиб қолдилар. Шу аснода бир киши у зотга сут келтирди. Ҳазрат сутни ичдилар ва озгинаси ортиб қолди. Ортиб қолган сутни бош тарафларига қўйдилар. Шу орада Ҳазрат ухлаб қолдилар. Уйғонганларида ёнларида турган бир кишидан: “Биродар, озгина сут ортиб қолган эди. У қаерга кетди?” деб сўрадилар. У киши: “Ташлаб юбордим. Бор-йўғи бир қултум экан, холос”, деди. Ҳазрат Таҳонавий раҳматуллоҳи алайҳ хафа бўлдилар ва шундай дедилар: “Сен Аллоҳ таолонинг неъматини ташлаб юбордингми? Жуда ёмон иш қилибсан. Агар мен у сутни ича олмаган бўлсам, у ҳолда сен ўзинг ичиб қўйгин эди ёки бошқа бировга бергин эди, ҳеч бўлмаса, мушук ёки тўтига ичиргин эди. Ўша бир қултум сут Аллоҳ таолонинг бирор махлуқи эҳтиёжига ярарди. Сен эса, уни ташлаб юбординг?!”. Кейин бир усул-қоидани баён қилдилар: “Инсон ҳаёти давомида кўп фойда оладиган нарсаларнинг озгина миқдорини ҳам қадрлаши ва ҳурматлаши вожибдир”.
Масалан, инсон доимий таом истеъмол қилади. У билан очлигини кеткизади. Қорнини тўйғазади. Лекин ўша таомнинг озгина қисми ортиб қолса, ташлаб юбормаслиги, уни эъзозлаши, қадрлаши вожибдир. Бу гапнинг асли ҳадисдан олинган. Унинг мазмуни бундай: “Аллоҳнинг ризқини асло қадрсиз қилманг. Уни бирор ўринга сарф қилинг”.

“Насиҳатлар гулдастаси”дан.