#рамазан_2025

Республикамыз мешитлеринде хатми Қуран жуўмақланды

«Хатм» тамамлаў, жуўмақлаў деген мәнисти билдиреди. «Хатми Қуран» дегенде Қураны Кәримди бастан аяғына шекем толық оқып шығыў түсиниледи. Бирде-бир сүре ямаса аят қалдырып жиберилсе, шын мәнисинде хатм есапланбайды. Сондай-ақ, Қуранды өзи түсирилген тилде - араб тилинде оқылғанда ғана, хатм қылған есапланады, аўдармасын яки тәфсирин оқып шығыў, үлкен саўапларға ийе әмел болса да, хатм қылған есапланбайды. Себеби Қуранның мәниси де, сөзи де Аллаҳ тааладан. Оны басқа тилге аўдарғанда мәниси анықланса да, сөзи өзгереди, бузылады ҳәм Қураныйлығы жоғалады.
Бүгин, 26-март күни Қәдир ақшамында 27 күн даўамында Өзбекстан бойынша 1700 ден аслам мешитте хош ҳаўаз қарыйлар тәрепинен оқылған Қураны кәримниң хатманалары болып өтти. Елимиз бойлап Қуран хатмлары оқылған мешитлерде ўатанласларымыз бир ўақыттың өзинде хатманадан кейинги дуўаларға қол көтереди.
Қарақалпақстан Республикасындағы 64 мешиттен 53 мешитте хатым Қуран өтиў белгиленген. Бүгин усы мешитлерде де Қураны кәрим хатым етилди.
Елимиздиӊ тынышлығы ҳәм пәраўанлығын сорап еткен дуўаларды Аллаҳ таала дәргайында қабыл еткей…

Қарақалпақстан мусылманлары қазыяты

🌙🌙🌙🌙🌙🌙🌙🌙🌙🌙🌙🌙🌙

     Бизди социаллық тармақларда бақлап барың!

🥺Телеграм| 🤪Facebook| 🛍Instagram| 😍Youtube

🧐 Интернет сайтымыз: paziylet.uz