#Рамазан_ҳайыты_2023

РАМАЗАН ҲАЙЫТЫ НАМАЗЫ ОҚЫЛДЫ

Бүгин, 21-апрель 2023-жыл пайтахтымыз Нөкис қаласындағы орайлық «Имам ийшан Мухаммад» жаме мешитинде ҳайыт намазы оқылды. Ҳайыт намазы оқылыўы алдынан Министрлер Кеңеси орынбасары Р.Нуразизов келип гүллән халқымыз, бәрше мөмин-мусылманларды Рамазан ҳайыты байрамы менен қутлықлап, Ҳүрметли Президентимиздиң ҳәм Жокары Кеңеси баслығы А.Орынбаевтың ҳайыт қутлықлаўларын жеткизди.
Қаракалпақстан Мусылманлары Қазыяты қазысы, устаз Ш. Баҳауддинов та өз гезегинде ҳайыт намазы алдынан Рамазан ҳайыты менен қутлықлап, ҳайыт намазы пазыйлети ҳәм елимиздеги тынышлық себепли быйылғы Рамазан жүдә өзгеше көтериңки болып өткенлигин атап өтти. Намаздан соң журтымыз, халқымыз ҳаққына қайырлы дуўалар қылынды.

https://t.me/paziyletuz