Чўнтаги бой, руҳи қашшоқ бўлган инсонларнинг аҳволлари жуда ҳам ачинарли.

Чунки улар ҳамма нарсанинг нархини билишади, аммо қадрини билишмайди

Жалолиддин Румий

Мана буни Ислом дейдилар

Ҳасан Басрий роҳимаҳуллоҳ айтадилар: «Ислом, Ислом деймиз, аслида Ислом нима ўзи? Унда ошкора ва махфий ҳолатлар бир хил бўлиши керак. Ислом қалбингни Аллоҳга таслим этишинг, барча мусулмон ва муоҳадлар сендан омонда бўлишидир».

Изоҳ: Исломдаги ошкора ва махфий ҳолатнинг бир хил бўлиши шундаки, мусулмон киши одамлар олдида ўзини қандай тутса, ёлғиз қолганида ҳам шундай бўлади. Иккиюзламачи, серниқоб бўлмайди. Мусулмон одамдан мусулмонларнинг ўзига ҳам, бошқа диндагиларга ҳам зарар етмайди, бутун инсоният мусулмондан фақат омонлик, яхшилик кўради.

ЎМИ РАИСИ ЎРИНБОСАРИ
УСТОЗ ЗАЙНИДДИН ДОМЛА

НАМОЗДА НЕЧА РАКАТ ЎҚИГАНЛИГИДА ШАК ҚИЛИШ
#намоз

❓1776-САВОЛ: Мен тўрт ракатлик намоз ўқиётиб, уч ёки тўрт ракат ўқиганлигимда шак қилиб қолдим. Ушбу ҳолатда қандай йўл тутишим керак?

💬 ЖАВОБ: Бисмиллаҳир Роҳманир Роҳим. Агар ушбу ҳолат ҳаётингизда биринчи марта содир бўлса, намозни қайтадан ўқийсиз. Такрор-такрор содир бўлса, у ҳолда гумонингизни кўпига амал қиласиз. Агар гумонингиз бир томонга тош босмаса, у ҳолда ракатнинг озини оласиз. Яъни, уч ракатни оласиз ва эҳтиёт юзасидан қаъдада ўтириб, ташаҳҳудни ўқийсиз. Чунки тўртинчи ракат бўлиши эҳтимоли мавжуд. Сўнг яна бир ракат ўқиб, намозни охирида саҳв саждаси қиласиз.
   Агар гумонингизнинг кўпига амал қилганингизда, бир рукн (уч тасбеҳ) миқдорича тафаккур қилиб, жим қолган бўлсангиз, у ҳолда саҳв саждаси лозим бўлади. Агар ушбу миқдорда тафаккур қилмаган бўлсангиз, у ҳолда саҳв саждаси вожиб бўлмайди. Валлоҳу аълам.

Ўзбекистон мусулмонлари идораси
Фатво маркази.

🟢АВФ ВА КЕЧИРИМ

Бандадан хато содир бўлмаслиги мумкин эмас, балки содир бўлган хатоларни тузатишга интилиш – ана шу бандалик хусусиятидир. Одам боласидан хато содир бўлиши оддий ҳол. Хатоларни афв этиш эса, ҳамма ҳам қила олмайдиган, охиратда шараф бўладиган хислатдир.

Европалик бир файласуф: “Оловни ҳаддан зиёд ёқиб юборма, душмандан олдин ўзингни куйдириб қўймасин”, дейди.

Бир одам Ҳазрати Абу Бакрга: “Мен сени шундай ҳақорат қиламанки, у сен билан бирга қабрингача боради”, деди.

Абу Бакр розияллоҳу анҳу: “Сенинг ҳақоратинг қабргача мен билан эмас, балки ўзинг билан бирга боради”, дедилар. Хуллас, Абу Бакр Сиддиқ розияллоҳу анҳу унинг ахлоқсизлигига эътибор ҳам бермадилар.

Қуръони Карим жоҳил кишилардан юз ўгириб ўтиб кетишни ва беҳуда ишлардан батамом сақланишни таълим берган ва таъкидлаган.

Абдуллоҳ ибн Умар розияллоҳу анҳумодан ривоят қилинади: “Бир киши Расулуллоҳ соллаллоҳу алайҳи васалламнинг ҳузурларига келиб: “Эй Аллоҳнинг Расули! Хизматкоримнинг хатоларини неча маротаба афв қилайин?” деб сўради. Расулуллоҳ соллаллоҳу алайҳи васаллам унга жавоб қилмай жим турдилар. У яна қайта сўради. Шунда Расулуллоҳ соллаллоҳу алайҳи васаллам: “Ҳар куни етмиш маротаба” дедилар. (Имом Термизий ривояти)

Ҳадисдан тушуниладики, хатоларни афв қилишнинг ҳадди белгиланган эмас. Агар ходим ҳар куни етмиш маротаба хато қилса ҳам, уни кечириш гўзал хулқ ва раҳм-шафқатнинг талабидир.

“Насиҳатлар гулдастаси”дан.

Гўзал матонат

Расули акрам алайҳиссаломнинг муборак сийратларини ўрганиб, тафаккур қилсангиз, кишини ҳайратга соладиган даражада Аллоҳга ишонч, умид, сабр ва матонатга гувоҳ бўласиз. Ҳатто энг оғир дамларда ҳам у зотнинг муборак тилидан умидсизликка доир бирор сўз чиқмаган. Савр ғорида, уларни излаб юрган мушриклар жуда яқин келганларида, Абу Бакр Сиддиқ розияллоҳу анҳу: “Агар улардан бирортаси оёғи учига қараса, бизни, албатта, кўриб қолади”, деди. Бутун умматга ўрнак бўлган зот ишонч тўла қалблари ила: “Эй Абу Бакр! Маҳзун бўлманг, Аллоҳ биз билан биргадир. Эй Абу Бакр! Учинчиси Аллоҳ бўлган икки кишидан нега гумон қиласиз?!” дедилар.

Таңғы тилек