💧ЭНГ АФЗАЛ САДАҚА - СУВ УЛАШИШ

🌙 Саъд ибн Убода розияллоҳу анҳу айтадилар: “Расулуллоҳ соллаллоҳу алайҳи васалламдан: “Ё Расулуллоҳ, онам вафот этди. Онамнинг номидан бирор нарса садақа қилсам бўладими? Қайси садақа афзал?” деб сўрадим. Шунда Расулуллоҳ соллаллоҳу алайҳи васаллам: “(одамларга) Сув улашиш”, дедилар (Имом Насоий ривояти).

💬 Оиша розияллоҳу анҳодан ривоят қилинади: «Бир киши Набий соллаллоҳу алайҳи васалламнинг ҳузурларига келиб, "Ё Аллоҳнинг Расули! Онам тўсатдан жон таслим қилди. Васият қила олмади. Ўйлайманки, агар гапира олганида, садақа қилган бўлар эди. Энди унинг номидан садақа қилсам, унга ажр бўладими?" деди. У зот алайҳиссалом: "Ҳа", дедилар» (Имом Муслим ривояти).

Ақлли одамнинг белгилари

• тоқати (кучи) етмайдиган нарсани ўз бўйнига олмайди;
• Тоқатидан ташқари ишни бошқага юкламайди;
• Тушунмайдиган ишга қўл урмайди;
• Ўз тилига, гап-сўзига эга;
• Ўзига боғлиқ бўлмаган нарса билан банд бўлмайди;
• Фойдаси бўладиган миқдордаги сўзни гапиради.

Таңғы тилек

Савобни эмас, шукрни ўйланг!

Вуҳайб ибн Вирд айтади: «Бир киши келиб, «Эй Абу Умайя, Байтуллоҳни тавоф қилган инсонга қандай савоблар бўлади?» деб, ҳоли жонимга қўймай сўрайверди. Мен шундай дедим: «Аллоҳ гуноҳимизни кечирсин! Бу ҳақда сендан бошқалар ҳам сўраган эди. Мендан буни эмас, балки Байтуллоҳни етти марта тавоф қилишни насиб қилган Аллоҳ таоло зиммамизга қандай шукр қилишни вожиб қилганини сўранглар. Зинҳор сизга бирор иш буюрилганда: «Агар мукофотни тайин қилсанг, қиламан», дейдиган кишилардан бўлманглар».

“Солиҳлар гулшани”дан.

Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам: «Ўзингиздан пастларга назар солинг. Ўзингиздан баландларга назар солманг. Бундай бўлиши Аллоҳнинг сизга берган неъматига ношукр бўлишингизга олиб келиши мумкин», дедилар».
Бухорий ва Муслим ривоят қилишган.

Қиз фарзанди борлар нолиманг

"Ақлингни ошир..."

Луқмон ибн Омир Абу Дардо розияллоҳу анҳудан ривоят қилади. Расулуллоҳ соллаллоҳу алайҳи ва саллам бундай дедилар: «"Эй Уваймир, ақлингни ошир, шунда Раббингга  яқинлигинг ортади”. Мен: “Ота-онам сизга фидо бўлсин! Ақл борасида ким ҳам менга кафил бўла оларди?!” дедим.
У зот соллаллоҳу алайҳи ва саллам: “Аллоҳ таоло ҳаром қилган ишлардан сақлан ва Аллоҳнинг фарзларини адо эт, шунда ақлли бўласан. Сўнг қўшимча солиҳ амалларни ҳам бажар, шунда дунёда ақлинг кўпаяди, Раббингга яқинлигинг ортади ва бу билан азизликка эришасан”, дедилар.

"Адабуд дунё вад дин".

Авн ибн Абдуллоҳ ибн Утба айтади: Банданинг ўз гуноҳларини ўйлаши уларни тарк этишга олиб боради. Гуноҳлардан пушаймон бўлмоқ эса тавбанинг калити ҳисобланади. Баъзида инсон қилган бир гуноҳи ҳақида жуда кўп ўйлайди ва ана шу унинг айрим яхши ишларидан унга яхшироқ бўлади.

Имом Али ибн Абу Толиб розияллоҳу анҳу айтадилар:
«Сирингни ўзинг бил ва Раббинг билсин.
Икки зотнинг розилигини олишга ҳарис бўл: онанг ва отанг.
Қийин пайтларда икки нарса кўмакчинг бўлсин: сабр ва намоз.
Икки нарсадан асло чўчима: ризқ ва ўлим. Чунки бу иккаласи Раҳмоннинг "қўли"дадир.
Икки нарсани асло эслама: инсонларга қилган яхшилигингни ва бошқаларнинг сенга қилган ёмонлигини.
Икки нарсани умуман унутма: Аллоҳ ва Охират диёрини».

Ҳасан Басрий айтади: Ким нимани муҳим деб билган бўлса, эртага ўша билан бирга бўлади. Ким бир нарсага Аллоҳнинг зикридан ортиқ эътибор берган бўлса, охирати йўқ кимсанинг дунёси ҳам йўқ бўлади. Ким охиратни қўйиб мана шу ҳаётни танлаган бўлса, дунёсидан ҳам, охиратидан ҳам маҳрум бўлибди.