Erkakni baxtli qiluvchi besh narsa:

🔹 hamfikr xotin
🔹 tarbiyali farzandlar
🔹 sodiq do’stlar
🔹 yaxshi qo’shnilar
🔹 rizqni o’z yurtida topish

@nodirbek_abdulhaev

Sariq rangning oʻzi e’tiborni tortadimi? Spoyler: yoʻq

E’tiborni qip-qizil rang, yorqin sariq yoki pushti rang tortadi deb o‘ylaymiz. Bu fikr bizga eski damlardagi haqiqatdan meros.

Haqiqat nimadan iborat edi? Avval yorqin ranglar kam bo‘lgan. Shuning uchun qip-qizil rangni o‘zi e’tiborni tortish uchun yetarli bo‘lgan. Hozir-chi? Hammayoq rang-barang. LED ekranlar. Smartfon. Ranglarga to‘yinib ketganmiz.

Hozir noodatiylik e’tiborni tortadi. Shunaqa kreativ ishlar ko‘payotgani quvonarli. Qamar do‘konidan rasm yaxshi misol.

@nodirbek_abdulhaev

Qachonki "Bilmayman" pozitsiyasida bo'lsangiz bilmagan narsalaringiz ko'pligini bilib olasiz.

Bilimlaringiz, tajribalaringiz albatta o'zingizniki va u doimo mavjud.
Ammo inson bilganlarini bir qutiga olib, bilmayman pozitsiyasida tursagina yangi bilimlarni oson qabul qiladi. Umuman qabul qilishga imkoniyat paydo bo’ladi.

Qabul qilingan bilimlarni esa avvalgi bilimlaringiz bilan keyinroq tahlil qilishingiz, solishtirishingiz va xulosa qilishingiz mumkin bo'ladi.

@nodirbek_abdulhaev

Shein: «Fast fashion»ni sekinlashtirgan kompaniya

Bilmaydiganlar bo‘lsa, Shein — xitoyning eng mashhur kiyim ishlab chiqaruvchisi hisoblanadi.

So‘nggi ikki yil ichida Shein onlayn moda sanoatida tez ko‘tarildi: 2023-yilda AQSh bozorining 40 foizini egallab, «Zara» va «H&M»larni ortda qoldirdi.

Hozir shu kompaniyaning muvaffaqiyati haqida gaplashamiz: sun’iy intellektdan foydalanishi, plagiat, tekin reklama.

Sotish taktikasi

Bugungi kunda Shein veb-sayti foydalanuvchilari boshqa kiyim platformalriga qaraganda ikki baravar ko‘p vaqt o‘tkazishar ekan.

Kompaniyaning veb-saytida foydalanuvchilarni faoliyatini kuzatadigan texnologiya bor. Masalan, siz qaysidir mahsulotga qiziqib, uni savatchaga qo‘shsangiz, Shein buni e'tiborga oladi va shu mahsulotga o‘xshagan bir nechta dizayn yaratadi.

Qizig‘i, bu tizim real vaqtda ishlaydi. Agar yangi dizayn yaxshi ishlayotgan bo‘lsa, Shein platformasi avtomatik ravishda shu dizaynni yana bir martda buyurtmaga beradi.

Umuman olganda, veb-saytni cheksiz aylantirish mumkin.

Bilasizmi, nimaga? Chunki kompaniya kuniga 10 mingtagacha yangi mahsulot qo‘shadi. Bekorga Shein «fast fashion» emas, «ultra fast fashion» deb atalmaydi.

Marketing

Shein'ning marketing usullari oddiy: inflyuyenserlar bilan ishlaydi, chegirmalar haqida push xabarlar jo‘natadi.

Geymifikatsiya bor, aytganday. Odamlar vaqtlarini ilovada ko‘proq sarflashi uchun bonus ballar tizimi. Masalan, har kuni ilovaga kirsangiz — 50 ball. Oddiy sxema: 100 ball = $1.

Shein'ni mashhur qilgan yana bitta barsa bor — insonlarning reklamasi. Kompaniyaning tovarlari juda past: futbolka - 2 dollar, shim - 7. Odamlar esa arzimagan pulga qancha narsa olganini ko‘rsatib, brendga juda ko‘p foyda keltirishgan. Marketingda bu narsa «free media» deyiladi.

Bundan tashqari, Shein o‘zining muammolari bilan ham mashhur: ekologiyaga zarar, mehnat ekspluatatsiyasi, plagiat. Oxirgisiga kelsak, Shein «chopishga» usta. Hozirgi paytgacha kompaniya 50 martadan ko‘proq mualliflik huquqini buzgan.

Bularga qaramasdan, hech qanday ayblov Shein'ga ta'sir qilmadi.

Financial Times ma’lumotlariga ko‘ra, 2023-yilda kompaniyaning daromadi 2 milliard dollarni tashkil etgan. Hozirgi kunda Shein dunyoning 150 dan ortiq mamlakatlarida mavjud. Yaqinda esa O‘zbekistonga ham kirib keldi.

@nodirbek_abdulhaev

Nimaga sariyog‘ va margarin
o‘rtasida farq bor?

— Sariyog' asosan sutdan tayyorlanadi tarkibida tabiiy yog'lar, sut oqsillari va suv mavjud. Sariyog'ning yog' tarkibi odatda 80% dan 82% gacha bo'ladi.

— Margarin esa turli xil o'simlik va hayvon yog'laridan tayyorlanadi. Uning tarkibida kamida 80% yog' bo'lishi kerak, lekin u ko'pincha sun'iy emulsifikatorlar, rang beruvchi moddalar va boshqa qo'shimchalar bilan boyitiladi.

@nodirbek_abdulhaev

Voy, mazza qildim.. bo’lar ekan-u.

Bu kallar bilan faqat yutamiz shekilli 😅

@nodirbek_abdulhaev

Ikki inson oqar suvga tushsa.

Biri musulmon, biri musulmon emas - kim tirik qoladi?

Albatta suzishni bilgan tirik qoladi.

Biz sabablar dunyosida yashayapmiz. Alloh hayotimizni sabablarga bog’lagan.

Biz bir maqsad qo’ydikmi albatta sababini qilishimiz shart.

Sababini qilib - natijasiga rozi bo’lishimiz kerak. Natija - Allohdan.

O’sha siz xoxlagan narsa bo’lmadimi? Demak buni Alloh istamadi.

Bizga yaxshirog’ini, bizga mosrog’ini beradi Alloh.

Eng asosiysi biz loyiq bo’lgan vaqtimizda beradi.

So’rashdan to’xtamang.

@nodirbek_abdulhaev

Oldin odamlar gavjum,
markazlashgan joyda
yashashni orzu qilardim.

Vodiyda tug'ilganim uchun
poytaxtda yashashni o'ylab,
maqsad qilardim.

Bu maqsad birinchi bor Toshkentga kelguncha edi…

Hozir odamlardan uzoqda
bo'lishni judayam xohlayman. Namanganni yaxshi ko’raman. Chunki yashashga vaqtim bor.
Mayli o’sha osmono’par binolar bo’lmasa xam.

#Mustaqrib

@nodirbek_abdulhaev

Nimaga odamlar turli xil tillarda gaplashadi?

— Har bir millatning o'z tarixi, madaniyati va an'analari bor. O'zaro aloqalar, urushlar, migratsiyalar va savdo-sotiq kabi tarixiy voqealar tillarning tarqalishiga yordam beradi.

— Odamlar turli ijtimoiy guruhlarga mansub bo'lganligi sababli, ular o'zaro muloqot qilish uchun turli tillarni o'rganadilar. Ko'p hollarda, odamlar ta'lim olish yoki ish topish maqsadida yangi tillarni o'rganishga majbur bo'lishadi.

@nodirbek_abdulhaev

Adidas'ning asrga tatigulik xatosi

1984-yil. Nike asosiy raqobatchilariga bozorni boy berib qoʻyayotgan bir davr. XX asrning mashhur sport brendlari — Converse va Adidas AQSHda yuz millionlab tomoshabinlarga ega, oʻzi serdaromad soha hisoblangan basketbol segmentida yetakchilik qilayotgan yillar.

Ayni vaqtda Nike'ning ishlari unchalik ham havas qilarli darajada emas, balki tobora orqaga ketar va ular umumiy sport oyoq kiyimlari bozorning atigi 17% qismiga egalik qilar edi.

Vaziyatni bu taxlit qoldirib boʻlmasligini tushungan Nike rahbarlari, gartkamiga (vabank) oʻynashga qaror qilishdi va Adidas'ning asrga tatigulik xatosidan unumli foydalanib, "Chicago Bulls" basketbolchisi Maykl Jordan bilan bir umrlik shartnoma imzolashdi.

Adidas nima xato qilgan edi?
Adidas strategik direktorlarining qovun tushirgan holati shunda ediki, ular yangi porlab kelayotgan basketbolchi Maykl Jordan bilan shartnoma imzolashdan voz kechishadi. Bunga sabab ularning Mayklning agentlari bilan soʻnggi muzokarada basketbol reklamasi uchun bunchalik katta pul sarflash oʻzini qoplamaydi degan qarorga kelishgani edi.

Bu qaror uzoqni koʻra bilmaslik oqibatimi, yoki raqobatchilarning imkoniyatini toʻgʻri baholay olmaslikmi, bunisi bizga qorongʻu. Shunisi aniqki, aynan mana shu shartnoma kelgusi dekadalar davomida Nike'ni bozorning eng katta ulushdoriga aylantirgan asr kelishuviga aylandi.

Nike Jordanga quyidagilarni oʻz ichiga oladigan umrbodlik shartnoma taklif qildi:
• Yillik $500 000 daromad;
• Shaxsiy krosovka dizayni;
• Kreativ yondashuv nazorati.

Adidas'dek magnat voz kechgan sportchiga bunday katta imkoniyatlar taqdim qiladigan shartnoma imzolagan Nike dastlab insonlarning koʻziga aqldan ozgan kompaniya boʻlib koʻrindi. Ammo keyinchalik ularning bu tavakkalchiligi oʻzini ortigʻi bilan oqladi.

18-oktabr, 1984-yil. Maykl ilk marotaba oʻzining qora-qizil Nike snikerslarida basketbol kortida koʻrinish berdi.

Biroq shu yerda yana bir muammo yuzaga keldi: NBA (AQSH milliy basketbol assotsiatyasi) standartlariga koʻra, basketbolchilar rasmiy oʻyinlarda maydonga oq krosovkalarda tushishi kerak edi.

Nike'da ikkita tanlov qolgan edi:
1. Oʻziga xos aydentikadan voz kechib, snikersning rangini oqqa oʻzgartirish;
2. Mayklning qizil oyoq kiyimda maydonga tushgan har bir oʻyini uchun 5000 dollar koʻkida jarima toʻlash.

Nike “aqldan ozish”da davom etdi va har bir oʻyin uchun belgilangan jarimani toʻliq toʻladi.

Yakunda esa Jordanning krosovkalarini o‘ziga xos reklama kampaniyasi bilan qiymatini oshirdi: “NBA ularni kiyishingdan seni toʻsa olmaydi”.

Reklamadan emotsional larzaga kelgan amerikalik yoshlar yoppasiga Nike snikerslarini sotib olishni boshladi.

Kompaniya shunchaki oyoq kiyim ishlab chiqarmadi, balki Maykl Jordan bilan snikers kiyish madaniyatini shakllantirdi.

Bu, o‘z navbatida, sotuvga ham yaxshi ta’sir o‘tkazdi. Reklama kampaniyasi kutilgandan 42 barobar ko‘proq daromad keltirdi. Snikers industriyasi bunaqa katta o‘sishni tarix davomida ko‘rgan emas.

Taqqoslash uchun Nike'ning bozordagi qiymati yillar kesimida:
• 1984-yilda — 40 million dollar;
• 1985-yilda — 126 million dollar;
• 1990-yilda — 1 milliard dollar;

Bugun Air Jordan brendining o‘zi bozorda 5.1 milliard dollarlik ulushga ega.

Kelishuv ortidan afsonaviy Maykl ham 1.7 milliard dollar daromad qilib oldi. Adidas shunchaki: “Bizga basketbol qiziq emas”, degani uchun.

Nike esa otni vaqtida qamchiladi: kompaniya nafaqat snikerslar, balki hissiyot sotishni ham yaxshi uddaladi.

Oqibatda Adidas'da qilgan xatosining qanday gurkirab rivojlanayotganini tomosha qilishdan boshqa chora qolmadi.

@nodirbek_abdulhaev