#challenge

📌 TRAFFIK – MIJOZLAR QAYERDAN KELADI?

Marketingda “traffik” degani – sahifangizga yoki do‘koningizga kirayotgan odamlar oqimi. Bu odamlar sizni ko‘radi, o‘rganadi, yozadi, sotib oladi yoki ketadi.

Shu sababli traffik — har bir onlayn biznesning “qoni” deyish mumkin.

🛣 TRAFFIK TURLARI:
1. Organik traffik – pul to‘lamasdan kelganlar
• Google orqali topganlar
• Instagramdagi post/stories orqali
• Tavsiya orqali
2. Pullik traffik (reklamadan)
• Instagram/Telegram reklamasi
• TikTok, Google Ads, YouTube
• Blogerlar orqali
3. To‘g‘ridan-to‘g‘ri (direct) traffik
• Odam sayt manzilini o‘zi yozadi
• Do‘koningizga to‘g‘ridan-to‘g‘ri kiradi

✅ MISOL:

👕 Siz erkaklar futbolkasi sotasiz.
• Instagramda reklama berdingiz — 5000 odam sahifaga kirdi
• Shulardan 500 tasi yozdi
• 100 tasi sotib oldi

Demak, traffik bor, savdo ham bor.

❗️ MUHIM:
• Traffik bo‘lmasa – savdo bo‘lmaydi.
• Faqat ko‘p traffik emas, sifatli traffik kerak.
(Yani, aynan sizga mos odamlar kiryaptimi?)

📌 XULOSA:

Traffik – bu sizga kirayotgan mijozlar oqimi. Uni o‘lchab boring, qayerdan ko‘p kelayotganini tahlil qiling va samarali kanalga ko‘proq e’tibor bering.

@nodirbek_abdulhaev

#challenge

📌 LID – POTENTSIAL MIJOZ KIM?

Marketingda LID — bu sizga qiziqqan, yozgan yoki raqamingizni olgan, lekin hali sotib olmagan odam.
Ya’ni, u hali mijoz emas, lekin bo‘lishi mumkin.

🎯 LID – bu xaridga yaqinlashgan odam.
• Savollar bergan
• Narx so‘ragan
• “Hali o‘ylab ko‘raman” degan
• Raqam qoldirgan
• “Tez orada olaman” degan

Ular bilan to‘g‘ri ishlasangiz — sotib oladi.

✅ MISOLLAR:

👗 Siz ayollar kiyimini sotasiz.
• 10 000 kishi post ko‘rdi — bu traffik.
• 300 kishi yozdi yoki qiziqdi — bu LID.
• 80 tasi buyurtma berdi — bu mijoz.

Qolgan 220 kishi — hali potentsial mijoz (lid), ularga yana yozish, eslatish, aksiya taklif qilish kerak.

❗️ NIMA UCHUN LID MUHIM?
• Ular issiq auditoriya – yaqin orada sotib olishi mumkin.
• Ular bilan to‘g‘ri skript, eslatmalar, aksiya orqali ishlansa – savdo oshadi.
• Ular sizning CRM tizimingizda saqlanishi kerak.

🧠 MASLAHAT:
• LID larni “issiq”, “iliq”, “sovuq” deb bo‘ling.
Issiq – hozir oladi
Iliq – 2-3 kun ichida
Sovuq – hali o‘ylayapti

📌 XULOSA:

LID – bu sizning keyingi mijozingiz. U bilan ishlashni bilsangiz – reklama xarajatlari bekorga ketmaydi!

@nodirbek_abdulhaev

#challenge

📌 BREND – BU FAQAT LOGOTIP EMAS!

Ko‘pchilik “brend” deganda logotip yoki nomni tushunadi. Aslida esa brend – bu siz haqingizda mijozlarning miyasida va yuragida shakllangan tasavvur.

🎯 BREND – bu sizni boshqalardan ajratib turadigan narsa.

U ichiga quyidagilarni oladi:
• Nom (masalan, “Fluggi”)
• Logotip, ranglar, dizayn
• Gapirish uslubi (postlaringizdagi til)
• Vadalaringiz (va ularni bajarasizmi yo‘qmi)
• Mahsulot sifati
• Xaridorgacha va xaridordan keyingi munosabat

✅ MISOL:

👶 Siz bolalar kiyimi sotasiz.
Agar siz:
• Faqat 100% paxtadan tikasiz
• Doim bir xil ohangda post yozasiz (masalan, samimiy va quvnoq)
• Yangi tug‘ilgan chaqaloqlar uchun maxsus o‘ramlarda berasiz
• Instagramingizda ota-onalarga foydali maslahatlar berasiz

Demak, siz asta-sekin brend yaratyapsiz. Odamlar sizni ishonchli, sifatli va mehribon sifatida eslab qoladi.

❗️ BREND NIMA UCHUN KERAK?
• Brendi bor kompaniyaga ko‘proq ishonch bo‘ladi
• Brend narxni ko‘tarishga imkon beradi
• Brend – mijozni qayta-qayta olib keladi
• Brend — bu raqobatdan ajralish yo‘li

📌 XULOSA:

Brend – bu logotip emas, siz haqingizdagi umumiy taassurot. Siz uni har bir detal orqali qurib borasiz: yozgan post, yetkazgan mahsulot, yozgan javob, so‘ragan pul…

@nodirbek_abdulhaev

#challenge

📌 AVTOVORONKA – SOTUVLARNI AVTOMAT QILIB QO‘YING

Avtovoronka – bu mijozni e’tibor → qiziqish → ishonch → xarid bosqichlaridan avtomatik ravishda o‘tkazadigan tizim. Siz uxlayotganingizda ham bu tizim ishlaydi.

🎯 NIMA UCHUN KERAK?
• Vaqtingizni tejaydi
• Har bir mijozga alohida yozib o‘tirmaysiz
• Issiq mijozni “yo‘qotib” qo‘ymaysiz
• Har doim bir xil sifatda savdo jarayoni bo‘ladi

✅ MISOL:

Siz ayollar uchun sport kiyim sotasiz. Avtovoronka quyidagicha bo‘lishi mumkin:
1. Reklama orqali saytga olib kelasiz
(Instagram Stories + “Bosib ko‘ring”)
2. Saytda telefon raqam qoldiradi
– Bu LID bo‘ldi.
3. Telegram bot unga avtomatik salom yozadi
– “Assalomu alaykum! Siz uchun sport kiyimlarimiz haqida to‘liq ma’lumot.”
4. Bot unga katalog yuboradi + aksiya haqida eslatadi
– “Bugun 15% chegirma bor.”
5. 1 kundan keyin yana avtomatik eslatma yuboradi
– “Mahsulotlar tugab boryapti, sizga olib qo‘yaylikmi?”
6. Yoki savdo menejeri uni qo‘ng‘iroq qilib yakuniy sotuv qiladi.

🛠 QANDAY QURILADI?
• Instagram reklama – boshlang‘ich traffik uchun
• Sayt yoki Telegram bot – mijozlarni yig‘ish uchun
• CRM tizimi yoki mailing xizmati – avtomatik xabarlar
• Skriptlar + matnlar – konversiyani oshirish uchun

📌 XULOSA:

Avtovoronka – bu siz uchun ishlaydigan “sotuvchi robot”. Sizni charchatmaydi, bahona qilmaydi, har doim bir xil sifat bilan ishlaydi.

Yaxshi qurilgan voronka – sizni biznes egasidan tizim egasiga aylantiradi.

@nodirbek_abdulhaev

#challenge

📌 SAVDO SKRIPTI – QANDAY GAPIRSANGIZ, SHUNDAY SOTASIZ

Savdo Skripti – bu sotuvchini nima deyishini aniq rejalashtirib qo‘ygan matn. U telefonda, yozishda yoki yuzma-yuz savdolarda ishlatiladi.

Bu sizga:
• Hech narsani unutmaslikka
• Ishonch bilan gapirishga
• Har bir mijozga bir xil yondashishga yordam beradi.

🎯 NIMA UCHUN KERAK?

❌ Har doim boshqacha gapirsa – natija boshqacha bo‘ladi.
✅ Skript bo‘lsa – jarayon standartlashadi, test qilib ko‘riladi, natija oshadi.

✅ SKRIPT TUZILMASI:
1. Salomlashish va tanishtirish
“Assalomu alaykum! Sizga yozganimizga sabab – sport kiyimlarimizni ko‘rgansiz.”
2. Muammoni aniqlash
“Qanday turdagi kiyim izlayapsiz? Sport zal uchunmi yoki kundalik kiyinishga?”
3. Yechim taklifi
“Sizga mos to‘plam bor: paxtali, ichini qizitadigan, narxi ham mos.”
4. Ijtimoiy dalil (isbot)
“O‘tgan oyda 300+ ayol aynan shu modelni tanladi.”
5. Cheklangan taklif
“Bugun olsangiz – yetkazib berish tekin. Ertaga narx ko‘tariladi.”
6. Savdoni yopish (yakunlash)
“Qaysi rangni olib qo‘yaylik? Olcham M yoki L?”

🧠 MASLAHAT:
• Skript mijozga qulay, sodda tilda bo‘lishi kerak.
• Javoblar tabiiy eshitilishi lozim – robotday emas.
• Har 2-3 haftada natijaga qarab yangilang.

📌 XULOSA:

Skripti savdo – bu sotuvni o‘z qo‘lingizga olish vositasi. Yaxshi skript mijozni o‘ylantirmaydi, shubhani kamaytiradi va savdoni tezlashtiradi.

@nodirbek_abdulhaev

#challenge

📌 KONVERSIYA – KIMLAR FAQAT KO‘RDI, KIMLAR SOTIB OLDI?

Konversiya — bu sizga kirgan odamlarning nechta foizi amaliyot qildi, ya’ni yozdi, buyurtma berdi yoki xarid qildi.

Bu sizga reklamangiz, sahifangiz, sotuvchilaringiz qanchalik samarali ishlayotganini ko‘rsatadi.

🔢 FORMULA:

Konversiya (%) = (Ma’lum bir amalni bajargan odamlar soni ÷ Kirgan odamlar soni) × 100

✅ MISOL:

👟 Siz krossovka sotasiz.
Instagram reklamasi orqali sahifangizga 10 000 kishi kirdi.
Shulardan 300 kishi yozdi – bu yozishga konversiya:
→ 300 ÷ 10 000 × 100 = 3%

300 kishidan 90 tasi sotib oldi – bu xaridga konversiya:
→ 90 ÷ 10 000 × 100 = 0.9%

🎯 KONVERSIYA TUR(LAR)I:
1. Saytga kirishdan yozishga (Lead generation)
2. Yozishdan sotib olishgacha (Sales conversion)
3. Reklama ko‘rishdan raqam qoldirishgacha
4. Telegramga o‘tishdan kanalga a’zo bo‘lishgacha

📉 KONVERSIYA PAST BO‘LSA:
• Sahifa ishonch uyg‘otmayapti
• Mahsulot nomuvofiq
• Narx yoki xizmat tushunarsiz
• Javoblar sust yoki kechikkan
• Mahsulot sifati noaniq

📈 QANDAY OSHIRSA BO‘LADI?
• Kuchli va aniq matn
• Foydalanuvchi uchun qulay sahifa (UX)
• Jozibali taklif
• Isbot (mijozlar fikri, video)
• Tezkor va samimiy javoblar

📌 XULOSA:

Konversiya – bu sizga kirgan odamlar orasidan qancha real xaridor chiqayotganini o‘lchaydigan asosiy raqam.

Uni har hafta kuzating va har bir bosqichda oshirish ustida ishlang.

@nodirbek_abdulhaev

#challenge

📌 TRIPWIRE – “HA” DEYISHNI OSON QILADIGAN TAKLIF

Tripwire – bu marketingdagi maxsus narxli mahsulot yoki xizmat bo‘lib, asosiy maqsadi – odamni ilk marta xarid qilishga undash.

Bu mahsulot orqali foyda ko‘rilmasligi mumkin, lekin mijoz siznikiga aylanishi – katta yutuq.

🎯 NIMA UCHUN TRIPWIRE?
• Odam sizdan birinchi marta nimanidir sotib oladi
• Sizga ishonch ortadi
• Keyin u asosiy, qimmat mahsulotni olishga tayyor bo‘ladi

✅ MISOL:

👚 Siz erkaklar va ayollar kiyimlarini sotasiz.
Asosiy to‘plamlar narxi 250 000 – 400 000 so‘m.

Siz tripwire sifatida:
→ “100% paxtali futbolka – faqat bugun 69 000 so‘mga” deysiz.

Bu orqali odam:
• Sizga yozadi
• Pul to‘laydi
• Sizni sinab ko‘radi
• Ishonch orttiradi

Va keyinchalik siz unga:
• Sport to‘plam
• Kostyum
• Oilaviy to‘plam kabi katta paketlarni sotasiz

🧠 MUHIM XUSUSIYATLARI:
1. Narxi past, lekin qiymati yuqori
2. Sifat – yuqori bo‘lishi shart (mijozni yo‘qotmang!)
3. Zaxirada yetarli bo‘lishi kerak
4. Taklif cheklangan: “Bugungacha”, “50 dona”, “1 kishi – 1 dona”

🔥 BONUS G‘OYA:

Ayollar kiyimi uchun:
“5 ta mashhur rangdagi ro‘mol – atigi 49 000 so‘m, faqat bugun.”

Keyinchalik unga tunika, to‘plam, aksessuar sotiladi.

📌 XULOSA:

Tripwire – bu daromad emas, mijoz olish strategiyasi. Agar siz birinchi xaridni tezlashtirsangiz – keyingi sotuvingizni ham kafolatlaysiz.

@nodirbek_abdulhaev

#challenge

📌 UP-SELL VA CROSS-SELL – BITTA XARIDORGA KO‘PROQ SOTISH SIRI

Up-sell va Cross-sell – bu sizga allaqachon xarid qilayotgan odamga yana qo‘shimcha mahsulot yoki qimmatroq variantni taklif qilish strategiyasi.

Bular yordamida bir mijozdan ko‘proq daromad olish mumkin.

🎯 FARQI NIMA?
• Up-sell – qimmatroq, yaxshiroq variantni taklif qilish
• Cross-sell – asosiy mahsulotga qo‘shimcha mahsulot taklif qilish

✅ MISOLLAR:

👕 Siz erkaklar uchun futbolka sotasiz (asosiy mahsulot – 99 000 so‘m).

UP-SELL:
“Bu futbolkaning premium versiyasi bor – paxtasi zichroq, rang bermaydi – 149 000 so‘m.”

CROSS-SELL:
“Sizga mos keladigan shorti ham bor – faqat bugun 79 000 so‘mga.”

Odam qimmatrog‘ini yoki qo‘shimchasini olsa – sizning foydangiz oshadi.

🛠 QANDAY TAKLIF QILISH?
• Savdo vaqtida: “Siz olgan mahsulotga eng ko‘p sotiladigani bu…”
• Saytda: “Buni olganlar bularni ham olishgan”
• Korzinka (savat) bosqichida: “Yana shularni ham qo‘shishni istaysizmi?”
• Yetkazib berishda: “Keyingi safar sizga mos to‘plam olib kelaylikmi?”

📌 XULOSA:

Siz yangi mijoz topishga ko‘p pul sarflaysiz.
Lekin mavjud mijozga yana bir narsa sotish – eng arzon va eng foydali strategiya.

Up-sell va Cross-sell bilan o‘rtacha chekni oshiring va har bir mijozdan maksimal daromad oling.

@nodirbek_abdulhaev

#challenge

📌 TARGET – REKLAMANI TO‘G‘RI ODAMLARGA KO‘RSATISH

Target (yoki “targeting”) – bu siz reklama qilmoqchi bo‘lgan aniq auditoriyani tanlash jarayoni. Har kimga emas, faqat sizdan xarid qilishi mumkin bo‘lgan odamlarga reklama ko‘rsatishdir.

🎯 NIMA UCHUN MUHIM?

❌ “Hammaga reklama” – bu pulni shamolga sovurish.
✅ “O‘z mijozim kim?” degan savolga aniq javob topib, faqat shu odamlarga reklama berish – bu marketing.

✅ MISOL:

👶 Siz Fluggi Wear’da bolalar kiyimlari sotasiz.

Sizga kerakli auditoriya:
• Ayollar
• Yoshi 22–40
• Farzandi bor (1–10 yosh)
• O‘zbekistonda yashaydi, ayniqsa Namangan, Andijon, Farg‘ona
• Instagram ishlatadi, online buyurtma berib ko‘rgan

Aynan shular sizning ideal mijozingiz – reklama shularning “ekraniga tushishi” kerak.

🎯 TARGET TUR(LARI):
1. Geografik – Qaysi hududda yashaydi (masalan, faqat Namangan)
2. Demografik – Yoshi, jinsi, oilaviy holati
3. Qiziqishlari – Kimni kuzatadi, nimalarga qiziqadi
4. Harakati – Internetda nimalarni bosgan, nimalarni ko‘rgan
5. Retargeting – Oldin sahifangizga kirgan, lekin sotib olmaganlar

📈 NATIJASI:

To‘g‘ri tanlangan target:
✅ Reklamaga ko‘p odam bosadi
✅ Yozuvlar ko‘payadi
✅ Savdo ko‘tariladi
✅ Reklama narxi tushadi (CPM / CPL)

📌 XULOSA:

Marketingda eng katta savol:
“Men kimga sotmoqchiman?”

Javob topilsa – pul ketmaydi, savdo tushmaydi, mijoz topish osonlashadi.

@nodirbek_abdulhaev

#challenge

📌 CTR – REKLAMANGIZ QANCHA QIZIQISH UYĞOTDI?

CTR (Click-Through Rate) – bu reklamangizni ko‘rganlardan qanchasi bosganini ko‘rsatadigan raqam.
Oddiy qilib aytganda: reklama ko‘rilgan, lekin bosilmagan bo‘lsa – foydasi yo‘q.

CTR – reklamaning diqqat jalb qilish darajasini o‘lchaydi.

🔢 FORMULA:

CTR (%) = (Bosganlar soni ÷ Ko‘rganlar soni) × 100

✅ MISOL:

👟 Siz ayollar uchun sport to‘plam reklamasini berasiz.
• Reklamani 10 000 kishi ko‘rdi
• Ulardan 300 kishi bosdi

CTR = 300 ÷ 10 000 × 100 = 3%

Demak, 3% odam reklama sizga qiziqib, ustiga bosgan.

🎯 YAXSHI CTR NECHCHA?
• Instagram reklamalari uchun o‘rtacha CTR: 0.5% – 1.5%
• 2% va undan yuqori bo‘lsa – juda yaxshi natija hisoblanadi.

📉 AGAR CTR PAST BO‘LSA:
• Rasmingiz odamni jalb qilmayapti.
• Matn “dardiga tegmayapti”
• Taklif ojiz
• Tugma (call to action) yo‘q yoki chalkash
• Target noto‘g‘ri tanlangan

📈 CTR OSHIRISH YO‘LLARI:
1. Bir qarashda to‘xtatadigan rasm yoki video
2. Qiziqtiradigan sarlavha – “3 kunlik aksiya”, “Faqat ayollar uchun”
3. Aniq foyda – “Ichini iliq tutadigan kostyumlar 99 000 dan”
4. Tugma – “Hoziroq buyurtma berish”, “Batafsil ko‘rish”

📌 XULOSA:

CTR – bu odamlar reklamangizga befarq emasligini isbotlovchi raqam. U orqali siz reklamangiz qiziqtiryaptimi yoki yo‘qmi, aniqlaysiz.

Agar CTR past bo‘lsa – reklama matni, rasm, taklif ustida ishlash kerak.

@nodirbek_abdulhaev

#challenge

📌 CPC / CPA / CPM – REKLAMA PULI QANDAY HISOBLANADI?

Marketingda siz reklama uchun pul to‘laysiz. Ammo qanday holatda to‘laysiz – bu muhim savol.

Reklama platformalari (Facebook, Instagram, Google) odatda 3 xil asosda hisoblaydi:

1️⃣ CPC – Cost Per Click

👉 Har bir bosish uchun qancha to‘layotganingiz.

📌 Misol: Siz reklamaga 100 000 so‘m sarfladingiz.
Uni 200 kishi bosdi.
Demak, 1 klik = 500 so‘m.

Bu usul, agar sizga muhim bo‘lsa: “Kimdir sahifamga kirsa bas”, aynan sizga to‘g‘ri keladi.

2️⃣ CPA – Cost Per Action

👉 Foydalanuvchi harakat qilganida to‘lanadi. Masalan: forma to‘ldirdi, yozdi, ro‘yxatdan o‘tdi, xarid qildi.

📌 Misol: Siz reklama uchun 150 000 so‘m sarfladingiz.
Undan 10 kishi buyurtma berdi.
Demak, 1 xaridor = 15 000 so‘m.

CPA – natijaga asoslangan reklama. Pul faqat foydali harakat uchun ketadi.

3️⃣ CPM – Cost Per Mille (1000 ko‘rsatish uchun narx)

👉 Reklamangizni 1000 marta ko‘rsatish uchun qancha to‘laysiz.

📌 Misol: Siz 50 000 so‘m sarfladingiz, reklamangiz 10 000 marta ko‘rsatildi.
CPM = 50 000 ÷ 10 = 5 000 so‘m

CPM – agar siz brending qilmoqchi bo‘lsangiz, ko‘proq odam ko‘rishini istasangiz foydali.

🧠 QANDAY TANLASA BO‘LADI?

Maqsad Model
Trafik kerak (bosish) CPC
Faqat buyurtma kerak CPA
Ko‘rsatish, taniqlilik CPM

📌 XULOSA:

Siz reklama qilayotganingizda:
“Men nimaga pul to‘layapman?” degan savolni tushunib, shunga qarab strategiya tanlang.

Reklama – bu sarmoya. Uni to‘g‘ri hisoblasangiz – foyda ko‘payadi, yo‘qsa pul ketaveradi.

@nodirbek_abdulhaev

#challenge

📌 RETARGETING – BIR MARTA QARAGAN MIJOZGA YANA REKLAMA KO‘RSATISH

Retargeting (yoki qayta nishonga olish) – bu sizning sahifangizga kirgan, mahsulotni ko‘rgan, lekin sotib olmagan mijozlarga yana reklama ko‘rsatish strategiyasi.

Odam har doim birinchi marta ko‘rib turib sotib olmaydi. Retargeting – eslatish, ogohlantirish va xaridga undash yo‘lidir.

🎯 MISOL:

👕 Siz sport kostyumlar sotasiz. Ayol Instagramda reklamangizni ko‘rib, sahifangizga kirdi, lekin:
• Hech narsa yozmadi
• Buyurtma bermadi
• Chiqib ketdi

✅ Retargeting orqali siz unga yana reklama ko‘rsatasiz:
“Siz ko‘rgan sport to‘plam endi 10% chegirma bilan!”

Natijada – mijoz eslaydi, qiziqadi va sotib oladi.

📊 NIMA FOYDA?
• Siz qiziqish bildirgan, lekin sotib olmaganlar bilan ishlaysiz
• Bu auditoriya eng yaqin xaridorlar hisoblanadi
• Retargeting reklama arzonroq bo‘ladi
• Savdo konversiyasi yuqori bo‘ladi

🔄 QAYSI HOLATLARDA RETARGETING QILINADI?
1. Saytingizga kirganlar
2. Sahifangizni ko‘rganlar
3. Savatga solib, lekin tugatmaganlar
4. Postlaringiz bilan o‘zaro aloqa qilganlar (like, comment)
5. Story’ni ko‘rganlar

🔧 QANDAY QILISH MUMKIN?
• Facebook Ads Manager’da “Custom Audience” yaratish
• “Website visitors”, “Instagram engagers” kabi variantlar tanlash
• Maxsus reklama tayyorlash: eslatuv, chegirma, cheklangan taklif

📌 XULOSA:

Marketingda “Yana bir marta ko‘rsatish” – sotuvni 2 baravar oshirishi mumkin.
Retargeting – bu potentsial mijoz bilan aloqa uzilmasligi uchun eng kuchli vosita.

@nodirbek_abdulhaev

#challenge

📌 CUSTOMER JOURNEY MAP – MIJOZNING SOTIB OLISHGACHA BO‘LGAN YO‘LI

Customer Journey Map – bu xaridor sizdan sotib olguncha qanday bosqichlardan o‘tishini ko‘rsatadigan xarita.

Har bir mijoz “Salom”dan to “Pul to‘lash”gacha uzoq yo‘l bosadi. Bu yo‘lni tushunsangiz – qayerda xatolik bor, qayerda mijozni yo‘qotayotganingizni aniqlaysiz.

🚶‍♀️ ODDIY MISOL (Ayollar kiyimi):
1. Eshitdi / ko‘rdi – Instagramda reklama ko‘rdi
2. Qiziqdi – Profilga kirdi, suratlarni ko‘rdi
3. Ishondi – izohlarni o‘qidi
4. Savol berdi – “Narxi qancha?” deb yozdi
5. Buyurtma berdi – “Mana manzilim” dedi
6. To‘ladi – Pul yubordi
7. Qabul qildi – Mahsulotni oldi
8. Baho berdi – Yaxshi yoki yomon fikr bildirdi
9. Yana sotib oldi – Qayta buyurtma berdi

🧠 NIMA UCHUN BU XARITA MUHIM?
• Har bir bosqichda mijoz yo‘qolib ketishi mumkin
• Har bosqich uchun alohida kontent, javob, xizmat sifati kerak
• Qaysi joyda muammo borligini bilsangiz – aniq ishlaysiz

🎯 MISOL MUAMMO:

Agar sizda ko‘p odam yozadi, lekin buyurtma bermaydi, demak:
❗️“Savol berdi” → “Buyurtma berdi” bosqichida muammo bor.

Ehtimol:
• Javob sust
• Narx tushunarsiz
• Ishonch yo‘q

Shuni aniqlab, tuzatsangiz – savdo oshadi.

🔧 QANDAY TUZILADI?
1. Ideal mijozni aniqlang (kim u?)
2. Qayerdan siz haqingizda bilishini aniqlang
3. U qanday qaror qiladi?
4. Qanday savollar beradi?
5. Xaridgacha nimalarni kutadi?
6. Xariddan keyin nimalar bo‘ladi?

📌 XULOSA:

Mijozlar sizga darrov pul bermaydi. Ular yo‘l bosadi.
Agar siz u yo‘lni tushunsangiz – yo‘lga chiroq qo‘yasiz, ya’ni har bir bosqichda yordam berasiz.

Shunda mijoz yo‘qolmaydi – savdo ko‘payadi.

@nodirbek_abdulhaev

#challenge

📌 TOUCHPOINT – MIJOZ SIZ BILAN ALOQA QILADIGAN HAR BIR NUQTA

Touchpoint (uzb: aloqa nuqtasi) – bu mijoz sizning brendingiz bilan birinchi martadan oxirigacha qayerda va qanday aloqa qilganini anglatadi.

Boshqacha qilib aytganda: mijoz sizni qayerda ko‘radi, eshitadi, yozadi, gaplashadi, sotib oladi – hammasi touchpoint.

🔍 MISOL:

👚 Ayollar kiyimi do‘koni:
1. Instagramdagi reklama
2. Profilingiz
3. Story’da narxlar
4. Directda yozish
5. Call-markazdagi suhbat
6. Telegram orqali yetkazib berish haqida yozish
7. Qadoq va yetkazib berish sifati
8. Xariddan keyingi xabar: “Rahmat!”
9. Qayta yozganida berilgan munosabat

💡 Har biri – touchpoint.

🧠 NIMA UCHUN MUHIM?
• Har bir nuqtada mijoz qaror qiladi: “Sotib olamanmi yo‘qmi?”
• Bitta yomon touchpoint – butun brendga putur yetkazadi

Masalan:
✅ Profilingiz chiroyli – ishonch paydo bo‘ladi
❌ Directga 2 kun javob yo‘q – ishonch yo‘qoladi

🎯 IDEAL TOUCHPOINT NIMA?
1. Aniq – mijoz nima qilish kerakligini tushunadi
2. Ijobiy – mijozga yoqadi
3. Sodda – ortiqcha qadam yo‘q
4. Brendga mos – siz haqingizda yaxshi taassurot qoldiradi

✅ NIMA QILISH KERAK?
• Mijoz siz bilan qayerlarda aloqa qilayotganini yozib chiqing
• Har bir touchpoint’da yaxshilash kerakmi, o‘ylab chiqing
• Standartlar kiriting (masalan, directga 10 daqiqa ichida javob)

📌 XULOSA:

Touchpoint – bu siz va mijoz o‘rtasidagi har bir aloqa nuqtasi.
Ular orqali siz mijozga o‘zingizni ko‘rsatasiz: ishonchlimisiz, mehrlimisiz, tartiblisiz.

Yaxshi touchpoint – ko‘proq mijoz, ko‘proq savdo.

@nodirbek_abdulhaev

#challenge

📌 LTV (Lifetime Value) – MIJOZ UMRI DAVOMIDA QANCHA FOYDA KELTIRADI?

LTV deganda, mijoz sizga butun umrida, ya’ni bir martadan ko‘proq xarid qilganda yoki xizmatdan foydalanganda qancha daromad keltirishini tushunamiz.

🎯 NIMANI ANGLATADI?

Agar mijoz faqat 1 marta xarid qilsa, daromad shu bir marta bo‘ladi. Lekin ko‘pchilik mijozlar qayta-qayta sotib oladi. Shu sababdan, LTV – bu:

Mijozning siz bilan ishlashi davomida olib keladigan umumiy foyda.

🔍 MISOL:

👕 Siz sport kiyimlari sotasiz.
Bir mijoz bir yilda 3 marta sotib oldi:
• 1-marta: 200 000 so‘m
• 2-marta: 150 000 so‘m
• 3-marta: 250 000 so‘m

Demak, bu mijozning LTV’si = 600 000 so‘m.

🧠 NIMA UCHUN MUHIM?
• LTV’ni bilsangiz, mijozni qanchaga jalb qilish mumkinligini hisoblaysiz
• Masalan, agar LTV 600 000 so‘m bo‘lsa, mijozni jalb qilishga 300 000 so‘m sarflash oqilona bo‘lishi mumkin
• Bu ko‘proq marketing strategiyalarini tuzishda yordam beradi

🔄 LTV NI QANDAY OSHIRISH MUMKIN?
• Mijozni qoniqtirish (yaxshi xizmat, sifatli mahsulot)
• Takroriy xaridlarni rag‘batlantirish (chegirmalar, bonuslar)
• Aloqani davom ettirish (email, SMS, retargeting)

📌 XULOSA:

LTV – bu mijozning butun hayoti davomida sizga olib keladigan pul miqdori.
Uni hisoblab, mijozni jalb qilish xarajatlarini to‘g‘ri rejalashtirish mumkin.

@nodirbek_abdulhaev

#challenge

📌 CAC (Customer Acquisition Cost) – MIJOZNI JALB QILISHGA SARFLANGAN NARX

CAC – bu siz bir mijozni jalb qilish uchun reklama, marketing va boshqa xarajatlarga qancha pul sarflaganingizni ko‘rsatadi.

Bu ko‘rsatkichsiz siz reklama foydali bo‘lyaptimi yoki yo‘qmi – bilolmaysiz.

📊 FORMULA:

CAC = Jalb qilish xarajatlari / Yangi mijozlar soni

🎯 MISOL:

Siz oy davomida 1 000 000 so‘m reklama uchun sarfladingiz.
Bu reklama orqali sizga 20 ta yangi mijoz keldi.

CAC = 1 000 000 ÷ 20 = 50 000 so‘m
Ya’ni har bir yangi mijozni jalb qilish sizga 50 000 so‘mga tushdi.

🧠 NIMA UCHUN MUHIM?
• Agar CAC juda katta, lekin mijoz faqat 1 marta 30 000 so‘mlik mahsulot olsa – siz zarar ko‘rasiz
• Agar mijoz sizga 200 000 so‘m daromad keltirsa, CAC 50 000 bo‘lsa – foydadasiz
• CAC va LTV’ni taqqoslash – bu marketingning asosiy mezoni

🔧 QANDAY PASAYTIRISH MUMKIN?
1. Reklamani aniq auditoriyaga yo‘naltirish
2. Sifatli kontent bilan organik mijozlarni jalb qilish
3. Retargeting orqali birinchi bosganlarni “yopish”
4. Tavsiyalar orqali yangi mijozlar topish

💡 IDEAL HOLAT:

Agar sizning LTV 300 000 so‘m bo‘lsa,
CAC esa 100 000 so‘m bo‘lsa – bu yaxshi.

Ammo:
Agar CAC > LTV bo‘lsa – siz har bir mijoz uchun zarar ko‘rasiz!

📌 XULOSA:

CAC – bu xaridorga erishish narxi. Uni bilmasdan marketing qilish – ko‘z bog‘lab reklama qilish degani.
Foydali biznes uchun:

LTV > CAC bo‘lishi shart.

@nodirbek_abdulhaev

#challenge

📌 KONTENT-MARKETING – FOYDALI POSTLAR ORQALI MIJOZ JALB QILISH

Kontent-marketing – bu reklama emas, foydali, qiziqarli, ishonchli ma’lumot berib, mijozni o‘ziga jalb qilish usuli.
Bu orqali mijoz sizni ustoz, mutaxassis sifatida tan oladi va keyin o‘zi sotib olishni xohlaydi.

📚 MISOL:

Siz ayollar kiyimi sotasiz.

❌ Oddiy reklama:

“Yangi kolleksiya! Chegirma! Xarid qiling!”

✅ Kontent-marketing:

“Yozda oq rangli ko‘ylakni qanday qilib to‘g‘ri tanlash mumkin?”
“Moda 2025: 5 trendni ko‘rdingizmi?”
“To‘g‘ri o‘lchamni qanday topish mumkin?”

Shunaqa postlar:
– Mijozga foyda beradi
– Sizni mutaxassis sifatida ko‘rsatadi
– Va eng asosiysi: ishga o‘tkazadi

🎯 QANDAY KONTENTLAR BO‘LADI?
1. Foydali maslahatlar – (masalan, kiyim parvarishi, kombinatsiya)
2. “Qanday qilib…” maqolalari – (Qanday qilib o‘lchamni tanlash?)
3. Tajriba va fikrlar – (Sotuvchi sifatida hikoyangiz)
4. Mijozlar sharhlari – (Sizga ishonish osonlashadi)
5. Savol-javoblar – (Mijozlarga tez-tez beriladigan savollar)
6. Ko‘rinmas reklama – (Kiyim tanlashda misol qilib o‘zingizni ko‘rsatish)

🔄 FOYDA NIMADA?
• Ishonch paydo bo‘ladi
• Reklama emas, shunchaki muloqot bo‘ladi
• Raqobatchilardan ajralib turasiz
• Mijoz sizni “ekspert” deb qabul qiladi

🧠 ASOSIY QOIDA:

Avval foyda bering – keyin sotuv o‘zi keladi.

📌 XULOSA:

Kontent-marketing bu – mijozga “ol degani” emas.
Bu: “Qarang, sizga foydali bo‘laylik” degan yondashuv.
Shunda mijoz sizni o‘zi tanlaydi.

@nodirbek_abdulhaev

#challenge

📌 TONE OF VOICE – BRENDINGIZ QANDAY “GAPIRADI”?

Tone of Voice (ToV) – bu sizning brendingiz mijoz bilan qanday ohangda muloqot qilishi.
Boshqacha aytganda – sizning brendingiz tovushi, uslubi, xarakteri qanday?

ToV – yozgan postlaringizda, stories’larda, reklamalarda, javoblarda seziladi.

🧠 MISOL:

Aytaylik, siz bolalar kiyimi sotasiz.
1. Rasmiy ToV:

“Hurmatli mijozlar, yangi kolleksiyamizga e’tibor qarating.”

2. Mehribon ToV:

“Assalomu alaykum, aziz onajonlar! Farzandingizga qulay va yumshoq kiyimlar tayyor!”

Ikkalasi ham bir ma’lumotni aytyapti, lekin qanday aytayotgani boshqacha.
ToV – mijoz sizni qanday his qiladi – shuni belgilaydi.

🎯 QANDAY TONE OF VOICE BO‘LISHI MUMKIN?

Uslub / Tavsif / Kimlarga to‘g‘ri keladi:

1️⃣ Rasmiy / Qonuniy, jiddiy, protokolga mos / Banklar, davlat tashkilotlari

2️⃣ Do‘stona / Samimiy, oddiy til / Kichik brendlar, do‘konlar

3️⃣ Qiziqarli / Hazil, soddalik / Yoshlar auditoriyasi

4️⃣ Ilhomlantiruvchi / Kuchli, motivatsion / O‘qituvchilar, treninglar

5️⃣ Mehribon / Iliq, oilaviy / Bolalar kiyimi, kosmetika


🔧 QANDAY TANLANADI?
1. Kimga gapiryapsiz? – Auditoriyangiz kim?
2. Qanday brend bo‘lishni xohlaysiz? – Jiddiymi, kulguli, do‘stona?
3. Doim bir xil uslubda gapiring. – Profilda, reklamada, javoblarda – hammasi bir ohangda bo‘lsin.

🔄 NIMA UCHUN MUHIM?
• Sizni boshqalardan ajratadi
• Ishonch hosil qiladi
• Mijozni o‘ziga tortadi
• Yozgan postlaringizni tanib olishadi

📌 XULOSA:

Tone of Voice – bu sizning brendingiz “ovozidir”.
U orqali siz mijoz bilan nafaqat ma’lumot, balki hissiyot ulashasiz.

To‘g‘ri ToV = to‘g‘ri mijozlar + ko‘proq ishonch + kuchli brend.

@nodirbek_abdulhaev

#challenge

📌 BRANDBOOK – SIZNING BRENDINGIZNING QOIDA KITOBI

Brandbook (brendbuk) – bu sizning brendingiz qanday ko‘rinishi, qanday gapirishi, va qanday esda qolishi kerakligini ko‘rsatadigan rasman hujjat.
Bu – brendingizning “pasporti” deyish mumkin.

🧠 BRANDING DEGANI FAQAT LOGO EMAS!

Ko‘pchilik brend faqat logo deb o‘ylaydi.
Aslida, brend – bu:
• RANGLAR
• SHRIFTLAR
• LOGO QOIDALARI
• FOTOSURAT USLUBI
• GAPIRISH USLUBI (Tone of Voice)
• QADOQLASH, POSTLAR, REKLAMALAR STILI

Brandbook – shu narsalarning barchasini bir joyda jamlab beradi.

🎯 MISOL:

Siz ayollar sport kiyimi chiqaryapsiz.

Brendbukda yoziladi:
• Ranglar: oq, bej, pastel moviy
• Shrift: minimal, yumshoq burchakli
• Til uslubi: motivatsion, ilhomlantiruvchi
• Grafik uslub: yorug‘, orasta, zamonaviy
• Logoni fonda qanday ishlatish mumkin va mumkin emas

🔧 BRANDINGIZ UCHUN FOYDALARI:
1. Bir xil stil – Instagram, Telegram, reklama – hammasi uyg‘un bo‘ladi
2. Vizual tanishlik – Mijoz sizni postdan tanib oladi
3. Tashqi ishonch – Brend professionalligini ko‘rsatadi
4. Ishchilar uchun qulaylik – Dizayner, sotuvchi, SMM hammasi bitta uslubga rioya qiladi
5. Agentliklar bilan ishlashda yengillik – Hamma narsa yozilgan, yangidan tushuntirish shart emas

📌 XULOSA:

Brandbook – bu sizning brendingizning identiteti.
U orqali sizga qarab:

“Ha, bu ular!” deyishadi.

Sizning biznesingiz jiddiy bo‘lsa – brandbook shart.
Sizni professional qiladi, tartib beradi va boshqalar bilan ishlashni yengillashtiradi.

@nodirbek_abdulhaev

#challenge

📌 ОXVAT VA VOVLECHYONNOST – IJTIMOIY TARMOQLARDA NIMA UCHUN MUHIM?

Siz Instagram, Telegram yoki boshqa platformalarda post qilasiz.
Lekin savol tug‘iladi:
“Nechta odam ko‘rdi?”
“Nechta odam chindan ham qiziqdi?”

Shuni o‘lchash uchun 2 ta asosiy ko‘rsatkich bor:

📊 1. OXVAT (Reach)

Oxvat – sizning postingizni nechta odam ko‘rganini bildiradi.
Ya’ni haqiqiy odamlar soni.
Agar postni bitta odam 3 marta ko‘rgan bo‘lsa – Reach 1 bo‘ladi.

📌 Misol:
Postingiz Reach’i – 2 500
Bu degani 2 500 ta odam uni kamida bir marta ko‘rgan.

📊 2. VOVLECHYONNOST (Engagement)

Vovlechyonnost – bu odamlar post bilan qanday harakat qilganini ko‘rsatadi:
• Layk
• Komment
• Ulashish
• Saqlash
• Reaksiyalar (stories’da)

Qancha ko‘p harakat bo‘lsa – shuncha yaxshi.
Chunki algoritmlar sizni yuqoriga ko‘taradi va yana ko‘proq odamga ko‘rsatadi.

📌 FORMULA (foizda):

Engagement rate = (Harakatlar soni ÷ Ko‘rishlar soni) × 100

Masalan:
500 ta ko‘rish bo‘lsa, 50 ta harakat (like, comment va h.k.) bo‘lsa

Engagement = (50 ÷ 500) × 100 = 10%

📈 QANDAY OSHIRISH MUMKIN?

✅ Qiziqarli savollar bering
✅ Hissiy postlar yozing (shaxsiy fikr, voqea)
✅ Foydali maslahatlar bering
✅ Mijoz fikrini so‘rang
✅ Stories’da ovoz berish, savol javob qiling
✅ Izohlarga aktiv javob yozing

🧠 XULOSA:
• Oxvat – sizni nechta odam ko‘rdi
• Vovlechyonnost – kim siz bilan “muloqot” qildi

Faqat ko‘rish emas, aloqa va qiziqish muhim.
Eng yaxshi kontent – bu odamni harakatga undaydigan kontent.

@nodirbek_abdulhaev