Жаҳон чемпионатида ҳозирча битта олтин ва учта бронза!

Тошкент шаҳрида ўсмирлар ва ёшлар ўртасида жаҳон чемпионати давом этмоқда.

Бугун мусобақанинг дастлабки куни доирасида умумий ҳисобда 12 та вазн тоифасида (ўсмирлар ва ёшлар) жанглар ташкил этилмоқда. 

Ҳозирча мусобақа доирасида тўртта вазн тоифасида ғолиб ва совриндорлар номи маълум бўлиб улгурди. 

Қувонарлиси, мусобақада ёшлар ўртасида -40 кг вазн тоифасида юртимиз шарафини ҳимоя қилган Муниса Эшқулова барча рақибаларини мағлубиятга учратиб, жаҳон чемпионига айланди.

Шунингдек, ёшлар ўртасида Саидали Раҳимов (-48 кг), ўсмирлар ўртасида Наргизахон Абдулатипова (-44 кг) ва Бектош Назаров (-48 кг) мусобақанинг бронза медалига сазовор бўлишди. 

Баҳслар давом этмоқда. 

Ўзбекистон самбо федерацияси матбуот хизмати

Жаҳон чемпионатида яна 2 та кумуш ва 1 та бронза медали қўлга киритилди

Пойтахтимиз мезбонлигида ўтаётган самбо бўйича жаҳон чемпионатининг биринчи кунги баҳслари ўз якуни сари яқинлашмоқда.

Бир неча дақиқа аввал ҳамюртларимиз томонидан яна 2 та кумуш ва 1 та бронза медали қўлга киритилди. -65 кг вазн тоифасида юртимиз шарафини ҳимоя қилган Жаҳон Эсонова финалда россиялик Ксения Самаринага, -82 кг вазндаги самбочимиз Аскарбек Авганов эса россиялик Николай Чекуровга имконияни бой бериб, жаҳон вице-чемпионига айланди.

-68 кг вазнда гиламга чиққан юртдошимиз Юлдуз Узоқова эса жаҳон чемпионатининг бронза медали билан тақдирланди.

Ўзбекистон самбо федерацияси матбуот хизмати