🇺🇿🥋Azizjon Kamilov chempionlar maskani - "Kimyogar" majmuasida bo‘ldi

O‘zbekiston dzyudo federatsiyasi raisi Azizjon Kamilovning Navoiy viloyatiga xizmat safari davom etmoqda.

Tashrif manzili chempionlar maskani - "Kimyogar" sport majmuasi bo‘ldi. Federatsiya raisi majmuaning dzyudo bo‘limida sportchilar uchun yaratilgan shart-sharoitlar bilan yaqindan tanishdi.

Bolajonlarning ayni yozgi ta’til kunlari mashg‘ulot uchun kelayotganlarning soni ortgan. Ular bu yerda nafaqat bo‘sh vaqtlarni mazmunli o‘tkazishadi, balki shohsura sari ilk qadamlarini tashlaydilar.

Azizjon Kamilov mutasaddilar bilan suhbatlashar ekan, ularga o‘z ko‘rsatmalarini ham berdi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

🇺🇿🥋Azizjon Kamilov Navoiy viloyat hokimi bilan uchrashdi

O‘zbekiston dzyudo federatsiyasi raisi Azizjon Kamilovning Navoiy viloyatiga xizmat safari davom etmoqda.

Federatsiya rahbari Navoiy viloyati hokimi Normat Tursunov hamrohligida Yangi Navoiy Siti shaharchasida bo‘ldi. Ular yangi qad rostlayotgan zamonaviy shaharcha hududida barpo etilayotgan sport obyektlari bilan tanishishdi.

Normat To‘lqunovich shaharcha hududida xalqaro talablarga to‘la javob beruvchi universal sport majmuasi, uning imkoniyatlari haqida ma’lumot berdi. Azizjon Kamilov Normat Tursunov bilan Navoiy viloyatida dzyudo sport turini yanada rivojlantirish masalalarini muhokama qildi.

Darhaqiqat, Navoiy viloyati mamlakatimizda eng katta hududga ega mintaqa hisoblanib, uning iqtisodiy salohiyati juda yuqori. Viloyatda Normat To‘lqunovich boshchiligida havaskor va professional sport turlari, xususan olimpiya oilasiga mansub dzyudoga ham e’tibor qaratilmoqda.

Ishonchimiz komil, bu sa’y-harakatlar o‘z mevasini beradi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube