Sport vaziri Adkham Ikramov Olimpiya va paralimpiya shon shuhrati muzeyida yoshlar bilan uchrashdi

💬Yoshlar oyligi doirasida tashkil etilgan ochiq muloqotda 120 dan ortiq yoshlar, sportchi va parasportchilar ishtirok etdi.

📑Uchrashuv davomida Sport vaziri yoshlarning bilim olishi, o‘z irodasi, kuchi va imkoniyatlariga bo‘lgan ishonchni mustahkamlash, mardlik va vatanparvarlik, ona Vatanga sadoqat tuyg‘ularini kamol toptirish borasida fikr-mulohazalarini bildirib, Davlatimiz Rahbari tashabbusi bilan yurtimizda sportni yanada rivojlantirish borasida amalga oshirilayotgan keng ko‘lamli ishlar haqida batafsil ma’lumot berdi.

💬Shu bilan birga mamlakatimiz sportchilarining Olimpiya va Paralimpiya o‘yinlari, Jahon chempionatlari, Osiyo o‘yinlari hamda xalqaro musobaqalarda yuksak natijalarga erishayotgani, dunyoda O‘zbekistonning obro‘-e’tibori va sport salohiyati yanada oshayotgani, respublikamiz hududlarida jahon andozalariga mos muhtasham sport inshootlari barpo etilayotgani, o‘quvchi va talaba yoshlar o‘rtasida “Besh tashabbus olimpiadasi”, "Yangi O‘zbekiston olimpiya cho‘qqilari", “Universiada”, kabi sport musobaqalarining muntazam o‘tkazilib kelinayotgani va buning natijasida sport bilan shug‘ullanayotgan yoshlar soni yildan-yilga ortib borayotgani alohida ta’kidlandi.

💬Xususan, "Besh tashabbus olimpiadasi" doirasida faol ishtirok etib, o‘z iqtidorini namoyon etgan, bugungi kunda yengil atletika sporti bo‘yicha yuqori natijalarga erishib kelayotgan Qashqadaryolik sportchi Jonbibi Hukmova ham vazir bilan o‘tkazilgan muloqotda yurtimiz yoshlariga yaratib berilayotgan sharoitlar uchun Davlatimiz rahbariga minnatdorchilik bildirdi.

💬Yoshlar bilan samimiy muloqot ruhida bo‘lib o‘tgan uchrashuv davomida vazir yoshlar tomonidan berilgan savollarga javob berib, ilgari surilgan takliflarni tingladi. Ularning sport musobaqalarida yanada faol ishtirok etishlari uchun qo‘shimcha shart-sharoitlar yaratish yuzasidan mutasaddilarga tegishli topshiriqlar berildi.

💬Tadbir yakunida o‘z faoligi va shijoati bilan sport sohasida namuna bo‘lib kelayotgan bir qator yoshlar tashakkurnoma va esdalik sovg‘alari bilan taqdirlandi.

Web-Sayt | Telegram | Facebook | Instagram | Youtube

26-iyun – Xalqaro giyohvandlikka qarshi kurash kuni

Joriy yilning 26-iyun kuni Navoiy shahri va Qiziltepa tumanidan bo‘lgan trenerlar hamda sportchilar ishtirokida “Biz sog‘lom turmush tarzi tarafdorimiz” shiori ostida tadbirlar tashkil etildi. Tadbir doirasida sport musobaqalari, rasm chizish tanlovlari hamda sport anjomlaridan samarali foydalanilgan holda sog‘lom turmush tarzini targ‘ib qiluvchi ko‘rgazmalar o‘tkazildi.

Mazkur tadbir giyohvandlikka qarshi kurashda jamoatchilik ongini oshirish, yoshlar o‘rtasida sog‘lom hayot tarzini shakllantirishga xizmat qildi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube