⚡️Ayni damda Karmana tumanining “Shibzon” mahalla fuqarolar yig‘inida yoshlar oyligi doirasida “Yangi O‘zbekiston yoshlari, birlashaylik” shiori ostida yoshlar festivali doirasida qator tadbirlar amalga oshirilmoqda.

🔹Ushbu tadbirlar "Dolzarb 90 kunlik" rejasi ijrosini ta'minlash va yoshlarga sog‘lom turmush tarzini targ‘ib qilish maqsadida tashkil etilgan bo‘lib, 21-umumta’lim maktabida futbol hamda stritbol sport musobaqalari bo‘lib o‘tmoqda.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

Navoiylik gimnastikachilardan “Jahon Challenge Cup”da yorqin start — 6 ta medal!

⚡️Toshkent shahrining Yunusobod tumanida joylashgan “Gimnastika sport-saroyi” majmuasida sport gimnastikasi bo‘yicha “Jahon Challenge Cup” xalqaro musobaqasi bo‘lib o‘tmoqda.

Mazkur nufuzli musobaqada dunyoning 14 ta davlatidan tashrif buyurgan 65 nafar sportchi g‘oliblik uchun bahs olib bormoqda.

🔹Musobaqada ishtirok etayotgan Navoiylik gimnastikachilarimiz turnirning ilk bosqichidanoq yorqin va muvaffaqiyatli natijalarni qayd etishdi. Jumladan, sportchilarimiz jami oltita medalni qo‘lga kiritishdi. Bu — yuqori raqobat fonida erishilgan katta yutuq!

🥇 Oltin medallar:

Abdulaziz Mirvaliev
Ahrorxon Temirxonov

🥈 Kumush medallar:

Oksana Chusovitina
Humoyun Islomov
Ravshan Komiljonov

🥉 Bronza medal:

Shahinabonu Yusufova

🔸Bugun esa musobaqaning navbatdagi finallari bo‘lib o‘tadi. Erkaklar o‘rtasidagi bahslarda gimnastikachilarimiz — Abdulaziz Mirvaliev, Xumoyun Islomov (parallel panjaralar) hamda Ahrorxon Temirxonov yana medallar uchun kurash olib borishadi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

Uchquduq tumanida yoshlar uchun yangi WORKOUT maydonchasi foydalanishga topshirildi

⚡️2025-yil 20-iyun kuni Uchquduq tumanida sport va sog‘lom turmush tarzini targ‘ib qilish maqsadida navbatdagi muhim qadam tashlandi. O‘zbekiston Respublikasi Prezidentining 2022-yil 11-apreldagi PQ-201-sonli qarori hamda 2022–2026 yillarga mo‘ljallangan Yangi O‘zbekiston taraqqiyot strategiyasining ijrosi doirasida yoshlar o‘rtasida ommaviy sportni rivojlantirish borasida amaliy ishlar olib borilmoqda.

🔹Xususan, “Besh tashabbus olimpiadasi” doirasida tashkil etilgan 5 bosqichli sport musobaqalarining Respublika bosqichida Shashka sport turi bo‘yicha faxrli uchinchi o‘rinni egallagan Abay mahallasi yoshlari uchun tuman 20-sonli umumta’lim maktabi hududida zamonaviy WORKOUT maydonchasi barpo etildi va foydalanishga topshirildi.

🔸Yangi sport inshootining ochilish marosimida Uchquduq tuman hokimi o‘rinbosari N. Muratov hamda sport maktabi direktori U. Salimov ishtirok etib, yoshlarni ushbu imkoniyatlardan samarali foydalanishga chaqirishdi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube